وعليكم السلام ورحمة الله وبركاته

اول شي استعيني بالله وتوكلي عليه

ثاني شي بالنسبه للهرمونات معك تكيس مبايض او مجرد هرمون الذكوره زايد ؟ تأكدي او غيري الطبيب اللي فحصتي عنده دامه يقول مافي علاج مع احترامي له ولشهادته
لان تكيس المبايض يسبب ارتفاع هرمون الذكوره ويسبب زيادة في الوزن وطبعاً يتأخر الحمل لكن في علاج ويعطون المريضه منظم للسكر مثل جلوكوفاج ماله اضرار ويساعد بشكل كبير على تخفيف الوزن وعلاج يخفف هرمونات الذكوره


ثالث شي اذا انتي مالك خبره في الرجيمات ابدأي بنظام سهل ومريح بإذن الله ماتحسين انه رجيم

معلومات خذيها بالاعتبار
- قللي بشكل كبير او احذفي من نظامك المقالي والزيوت والزبده واستبدليه بالمشوي او المسلوق بدون شحم او جلد ( او يضاف نصف ملعقه فقط لبعض المأكولات .
- قللي قدر الامكان من النشويات مثل الرز المكرونه الخبز الابيض الكيك والبطاطس .
- الخبز والصامولي والشابوره والتوست يكون اسمر بر او خاص بالرجيم
- اكثري من السلطات والخضار بدون زيوت سعراتها قليله جداً ومشبعه .
- العصائر اشربي طبيعي وبدون سكر وتقدرين تستخدمين سكر خاص بالرجيم .
- الزبادي والحليب واللبن قليل دسم .
- الحلويات استغني عنها اذا تقدرين او خذي قطعه شوكلاته او حلا مره بالاسبوع .


الحين بعد ما اخذتي فكره انك لازم تطبخين بدون زيوت وشحوم وتكثرين سلطات وخضار نجي للنظام اللي تتبعينه بسهوله

( كلي اقل او نص الكميه اللي كنتي تاكلينها سابقاً )

مجرد مثال للتوضيح :
الفطور 2 توست بر + بيضه مسلوقه او مخفوقه بمقلايه غير لاصقه + طماطم صغيره وخياره
اشربي اي مشروب يعجبك بدون سكر او بسكر الرجيم شاي او قهوه او نعناع او قرفه او حليب قليل دسم

الغداء نص صدر دجاج مقطع يتم تشويحه بقليل من الماء مع بصله صغيره وفليفله وبهارات وملح + 4 أو 5 ملاعق رز مسلوق بدون زبده + طبق سلطه خضراء ( تقدرين تضيفين صلصه حمرا وخضار مع الدجاج ماعدا البطاطس والذره استغني عنها قدر الامكان )


العشاء علبه تونه بدون زيت او 4 ملاعق فول او عدس او علبه زبادي قليل دسم + سلطه خضرا + ربع رغيف خبز اسمر او توست


بين الوجبات لازم تاكلين شي خفيف اما ثمره وحده فاكهه او خيار وزبادي او كوب كبير فشار بالمايكروييف بدون زيت او شوربه كنور بالخضار او شوربه كريمه الفطر سعراتها قليله

الماء 8 إلى 10 كاسات موزعه طول اليوم كل ساعتين مثلاً لازم تشربين كوب او اثنين


الرياضه الافضل واللي تجيب نتيجه هي اللي ترفع دقات القلب وتخليك تلهثين مثلاً المشي بسرعه متوسطه لمدة دقيقتين ثم الهروله السريعه جداً لمدة 20 إلى 40 ثانيه حسي بكل جسمك يرج من السرعه ثم التهدئه والعوده للمشي المتوسط لمدة دقيقتين ثم الهروله السريعه جداً وهكذا استمري في البدايه ربع ساعه ثم زيديها حسب قدرتك وهذي الطريقه افضل بمليون مره من المشي البطيء لمدة ساعة
وفي تمارين مفيده باليوتيوب مثل تمارين الخمسه ميل وتمارين الزومبا هي مثل رقصه لكنها رياضه
او ببساطه تقدرين ترقصين شرقي او اي رقصه بدون موسيقى ومو شرط تضبطين الرقص اهم شي الحركه وتمرين العضله


وبإذن الله مايمر عليك اسبوع او اسبوعين الا كسرتي حاجز الثلاثه ارقام 103 وتوصلين التسعينات كأول هدف



كل اللي كتبته لك من تجربتي الشخصيه قللت النشويات والدهون والمقالي والسكريات وادخلت الخضار والسلطات والشوربات وصرت انوع بين الزومبا والهروله واي شي يناسبني من اليوتيوب ونزل وزني ونقصت قياسات محيط البطن

عواطف تركي مشكوره ياقلبي ربي يحقق امانيك
لا ياقلبي ماعندي تكيس بس هرمونات عاليه
واعطوني للهرمونات دواء مانع للحمل مده 3 شهور صحيح استفدت بس تركته رجع
ان شاء الله ببداء بس مشكلتي اضعف لما اشوف للاكل
بس باذن الله هذا المره راح اقوي عزيمتي ويارب انحف بصحه وعافيه
وجزاك الجنه يارب وبتبع خطواتك

شوفي جسمك مثل جسمي اعداءه اللي تسبب له السمنة الكربوهيدرات بانواعها والسكر والتوتر طيب وشي الكربوهيدرات هي اي شي داخل فيه طحين ابيض والمكرونة والمعجنات والسكريات
اصدقاءه البروتين والخضار والفواكه

اول شي انسي الحمل وركزي كيف تنحفين وترجعين رشيقه
الامر سهل جدا يبي لك عزيمة فقط
انحفي علشان نفسك حتى تلبسين وتكشخين على رااحتك
تعرفين السمنة تعطي اكبر من عمرررك وبالللبس اااه معانااه
جسمي كضري وبقولك هالكلام عن تجرربه شخصيا وكمان لازم انزل للحمل الله يرزقنا
اقطعي الملح نهاائي او مرة بالاسبوع والرز والسكر استبدليه بسكر رجيم
رجسم اسامة حمدي رروعه ونحفني من فوق وبطني وخصري خفوا
الرياضه مهمة جدا
المشي خلي مشيك سريع بعد ماتبدين تدريجي
مشيتك بعد15 دقيقه خليها سريعه وعسكرريه هالحركة تخفف عرض الاكتاف حييل
تمارين العصى رووعه تكبر الجزء السفلي وتخفف شحوم الظهر
تمارين جيليان روووعه خف البطن والخصر + الرجيم ساعدوا كثير
لكن متعبه بالنسبه لوزنك مايمنع تسوي التمارين السهله بالمقطع لين تنزلين شوي
الخمسه ميل زينة ايضا
كل هذا جربتة والحمدلله نزلت وزني وخف الجزء العلوي كثييير
وطلع لي خصر وموخرة وفخوذي يعني تقريبا تناسق جسمي وموواضح السمنة فوق

نسيت اقولك المرامية تنحف من فوق والبابونج البطن
وشرب المااااا مهم جدا اقل شي لترين تساوي 8 علب مويا سهله جدا
لي اسبوع وكم يوم بادية برجيم اسامة حمدي ونزلت اول اسبوع 4 ك
تعالي ابدي معنا بالتجمع نشجع بعض خلي طموحنا نلبس ونكشخ وننسى الحمل تماما