اختي الغاليه تبين تسوين اكلات من الدخن وتكون صحيه
اذا كان حب تقدري تسوين منه بليله او مع الكشري او مع خضار بحيث تسلقيه اول وبعدين تضيفيه للطبق الخضار الي تسويه على طريقتك وتخليه يغلي معها وبكذا يكون رفعتي القيمه الغذائيه لطبقك اوتسويه مثل الرز سواء بالشعيريه او بالخضار بس لهم شي لا تحطي زيت عادي حطي زيت زيتون في نهاية الطبخ يعني وقت التقديم وان شاء الله افدتك
وبالنسبه للكيك عن نفسي دايم اسويه حق امي وابوي وحماتي وحماي لانهم تعرفين سكر وضغط وبس يجوني هذا الحلا الي اسويه لهم اوكيكة الذره الصفراء
وهي بيضه وسكر بني اوسكرنبات ومقدار ملعقه اوملعقتين والدهن ملعقة سمن نباتي اوزيت نباتي وحليب قليل الدسم او خالي الدسم اوحليب الصويا وزبادي خالي الدسم وتقدري تحطي دبس التمر وتحطي فواكه مجففه وبس ودهني الصينيه او حطي ورق زبده افضل ودخليه الفرن ووقت التقديم زينه بالزبادي مع ملعقة عسل وانا مسويه كيكيه لاهلي من طحين شعير خطيره وغشيت ىاولادي حطية ملعقة كاكاو وشوفي من الي ما حبها

فعلا مع السمن البري او الزبده ويؤكل مع التمر لذيذ

وكأني سمعت أنه يعملون منه شوربة وهو صحي.. بنات ولا مرة شفتة أشلون شكله .. ودي أتعرف على شكله وفوايدة
وجزاكم الله خير .

عفوا بس ما هو الدخن ؟

احنا ناكله مع التمر نجيب قدر و نحط فيه زبده اوسمن بري لما يذوب نحط التمر وافضل شي يكون تمر خلاص لما يذبل التمر حيل نحط عليه الدخن ونخليه على النار الهاديه اقل من خمس دقايق ويكون جاهز للاكل لا يفوتك تراه لذيذذذذذ المره على فكره (الدخن لازم يكون مطحون ومحموس )