ادخلي على النت ودوري على رياضه تصغبر الثدي اكيد موجود منها هواي بس اسالج سوال ليش هملتي نفسج وما حسيتي على نفسك الا لمن لتزوج عليك لا تزعلين من سوالي بس و الله انقهرت عليك خاصه من طلب منك تخطبيله

حبيبتي قولي لا اله الا انت سبحانك اني كنت من الظالمين يجيكي الفرج
بس الله قال " إن الله لا يغير ما بقوم حتى يغيروا ما بأنفسهم "
لازم تبدأي تفكري صح و تحطي أهداف عشانك مو عشانه
سويلك جداول و نظام يريحك
اشتركي بنادي
اتعرفي على بنات يشجعونك
اشغلي وقتك و فكري بنفسك دايما كيف حتصيري
و أهم شي نفسيتك ترا هي سبب الدمار الشامل
والله ما ألومك اللي صارلك مو شوي
لكن ما تدرين ربي اش مخبيلك
صح و لا لأ ؟؟

ربي يحققلك كل ما تتمني و يعطيكي حتى يرضيكي
و يريح بالك و يرحم أمك آمين يا رب

:)

حبيبتي ما في شي مستحيل بهالدنيا .. واهم شي ترفعي معنوياتك ويكون املك بالله كبير

في احتمال كتير كبير عندك مشكلة بالغدة الدرقية لانها بتسبب سمنة كتير كبيرة لانه هي المسؤولة عن التمثيل الغذائي .. بدي منك تفحصي عشان تتاكدي وعشان تاخدي الدوا لانه اذا ما اخدتي العلاج ما حتحملي وحتخربط بكل هرموناتك عموما

نيجي للريجيم بتمنى تلتزمي فيه لانه انا عندي كسل غدة او بالاحرى التهاب درقي بسبب كسل غدة وشبه مستحيل اني انحف بس ما فقدت الامل ودورت للقيت عند الاجانب طريقة اسيطر فيها على مرضي وانحف

نيجي للممنوعات لمدى الحياة :

القمح والشعير والنخالة والشوفان والصويا لانه فيهم بروتين جلوتين وهاد البروتين بسبب انه ما ننحف وغير انه الاعراض المصاحبة لمرض الغدة بيزيد على الرغم من تناولنا للدواء بشكل منتظم (بس في خبز خالي من الجلوتين بس بعد شهر بتقدري تاكليه هلا اهم شي ننظف جسمك من السموم اللي فيها وتنضيف الكبد وبقية جسمك)

الحليب ومشتقاته (بيحتوي على نوع من البروتين هاد بسبب مشاكل بالهضم)

جميع انواع الزيوت والسمن والزبدة واستبدليها بزيت الزيتون

السكر سواء سكر فواكه والا سكر مكرر ممنووووووووووووع بنستبدله بفاكهة طبيعية ناكلها

نيجي للممنوعات لمدة شهر :

البيض وخاصة بياض البيضة

الباذنجان والبندورة

الرز سواء ابيض او اسمر (بس لمدة شهر وبعدين بترجعيه بكمية قليلة)


نيجي للريجيم :

الصبح لازم تاكلي وجبة بتحتوي على البروتين (مثل المرتديلا او تيركي ) مع سلطة خضراء (خس وخيار مثلا) وفاكهة

الغداء لازم تاكلي وجبة بتحتوي على البروتين (جاج - لحمة - سمك) مع خضار سوتيه وفاكهة

العشاء (آخر وقت لازم تاكلي فيه هو بالكتير ساعة 8 المساء ) يكون عبارة عن سلطة خضراء او اكتفي بخيارتين او خس افرنجي بس المهم يكون شي خفيف واذا جعتي بعد هيك برضه كلي خيار لانه عبارة عن ماء وفوايدة لا تحصى


نيجي لشغلة تانية كمان في موضوع حاطيته عن عصير د. اوز (طبعا بيشربه هو واولاده الاربعة يومي) هاد حيزودك بمعظم الفيتامينات والمعادن وطبعا في منهم كتير جسمنا ما بيمتصه عشان هيك بنسمن لانه في انزيمات بتحتاج لفيتامينات ومعادن معينة عشان تنفرز ويقدر الجهاز الهضمي يهضم الاكل بطريقة صحية .. هاي اشربيها ضروري ضروري الصبح عالريق (وفعلا بتنحف) غير فوائدها اللي ما بتنتهي

شغلة تانية في صبية اسمها اكوس بنية كاتبة موضوع فعلا اكتر من رائع عن منقوع التين وعن مصل اللبن بتمنى تفوتي تقرئيه وتلتزمي فيه

وخل التفاح ما تردي على اي حدا انه سيء بالعكس بيعمل على توزان حمضية الجسم وبخففها اذا كانت كتير حمضية وبنفس الوقت بخلي المعدة قلوية وبالتالي هضمك للاكل حيكون ممتاز وحتستفيدي منه بالطريقة الصحيحة .. فعلا انه كتير ممتاز واله فوائد بجانب التنحيف واذا ما قدرتي تشربي معلقة مع كاسة ماء ممكن تحطيه بالسلطات .. وصدقيني انا كل اللي عم بكتبه عم بطبقه ونحفانة عليه كتير منيح لدرجة اخواتي صارو يتبعو معي هاد الريجيم واللي انا جايبته من دكتور اجنبي مشهور اسمه Datis Kharrazian واله كتب وبيعتبر مرجع لكتير دكاترة متخصصة بالامراض المزمنة ومن ضمنها الغدة الدرقية hashimoto

واسم الريجيم تبعي هو Paleo يعني ريجيم العصر الحجري او رجل الكهف لانه هو بيعتمد على الاكل الطبيعي اللحوم اللي بتاكل الاعشاب وبيلقطو الفواكه والخضار من غير ما تكون مليانة هرمونات (يعني كله عضوي)

طبعا بالنسبة للكربوهيدرات فمعروف انه الخضار بتحتوي عليه فما تقلقي من هاي الناحية وحتعوضيه بالخضار اذا ما اكلتي خبز وطبعا معكرونة وطحين وكل شي في قمح

ويارب تشوفي اللي انا كاتبته مناسب الك ولازم تحاولي تتحدي نفسك وباذن رب العباد حتنحفي بالطريقة الصحيحة