سوال زوجك ايش دوره
الحياه الزوجيه مشاركه زي متساعدي بمصروف البيت لازم يكون له دور اقلها يدرس اولادك يكون حازم معهم ويساعدك بالبيت ربي يسرلك لازم تجلسين مع زوجك عشان تعرفون كيف تقسمون المشاركه بينكم مو كل شي عليك بيت وعيال وتنظيف واكل وملابس وغسيل وكي وفوق هذا شغل لاتقولي يشتغل حتى يمسك اولادك يدرسهم ويكون حازم وعودي اولادك يساعدونك استخدمي اسلوب الحساب والجزاء معهم عشان يتشجعوا راي ارجوا تتقبلينه بعدين تقدرين تسوين جدول بمهامك ربي يفتحلك باب رزقه ويسر امورك

الله ييسر امورك حبيبتي ويشرح صدرك

كل شي راح يتنظم بالنوم بالليل ولاااا للسهر للصبح

سبحان الله قومة الصبح لها احساس بانشراح وسعادة فالرسول عليه الصلاة والسلا دعا بالبركة " اللهم بارك لامتي في بكورها "

وشغل الصبح بعد روحة العيال للمدرسة لها طعم رااائع خاصة زي ماقلتي تكوني مشغل إذاعة القرآن الكريم

انا عن نفسي اشغل اذاعة القرآن الصبح واخلي التلفزيون على قناة بداية من غير صوت واستفيد من اللي يكتبوه واحايان اشاركهم

ومع الاستغفار والدعاء والذكر وتخصيص وقت لحفظ آيات من القرآن راح تكون الوحدة اسعد انسانة

اسعد الله قلبك

اعتقد البنات ماشاء الله ما قصروا والسر في قومة الصبح والله انا ا\ا صحيت بدري كل اموري تمام بس مشكلتي \بحني السهر وزوجي من النوع الي يسهر فماني قادرة انظم نفسي بس الله يعين والوحدة لازم تحتسب كل شي تسوية لوجه الله تعالى

الله يعافيكم ويرزقكم جميعا

مشيت مع جدول وحده من البنات الله يجزاكم خير وعلى روتين قيصيمية مهوب الصحي اللي فيه قومت صبح لا الثاني لاني اذا قمت الصبح اقوم نشيطه وانظف واذا جاء العصر اليني طافية ومعصبة وفيني النوم واقعد كذا اللين انوم الساعة 8 قبل زوجي واحيانا قبل عيالي ومالي خلق ادرسهم حتى
او اللين جاء العصر او المغرب نمت ساعتين وفي الليل ما عاد يجيني نوم الا الفجر وارجع على السهر

صرت انوم 2 بالليل واصحى للفجر ولما يروحون العيال للمدارس ارجع انوم واصحى 10 واسوي شغلي وعليها اللين 2 الليل واحس ارتحت شوي

وللاخت اللي تقول وش خانة زوجك انا هذا اللي قاهرني اقول له درسهم يقول وش لزومك انتي امهم وعيالي ما يثقون في تدريسه ما يبونه يدرسهم يعاونونه علي اقول على الاقل القران يبي له تسميع واعصب اذا ما حفظوا وانا عندي 100 شغلة وشغلة والحبيب قاعد عند التلفزيون من قناة لقناة ولا يتابع فلم

اقول مو مشكلة لاتسوي ولا شي بس دور لك شغلة بعد العصر لتحسين المعيشة يقول كرف الصبح والليل ما اتحمل اقول اجل اتحمل انا من اصحى وانا على رجل ها وش رايك بس انا احتسب واسكت واطنش احيانا شغل البيت ولا تدريس عيال ابيه يحس بس لاحياة لمن تنادي فمالي الا ادور حل لوضعي واتاقلم معه الله لايبلانا بس والحمد لله على كل شي

ومثل ما قالت الاخت تفاحة حمراء اذا صار الرجال يحب السهر صعب انام واخلية وخصوصا الاربعاء والخميس واذا خرب نومي في ها اليومين رجعت مثل ما كنت