اللي تبغى الرشاقة وهي حامل وتحافظ على جسمها تدخل تجربتي الساخنة!!!

اهلا ومرحبا اخواتي
موضوعي خصيصا لكل حامل وتبغى تحافظ على رشاقتها
تعرفو الحمل من يوم الوحده تعرف بحملها تنقلب انسانه ثانيه قال ايش قال اتغذى واكل عن اثنين لا وكمان ماتتحرك كثير
تصدقو ان هذه الاشياء كلها خراااااافااااات 😒
وهذا هو اللي يخلي الوحده تنفرررط وتتنتفخ كانها فيل مفيل ههههههه اعذروني والله مقهورة من الناس اللي دمرونا 😠
بحكم تجربتي بأقولك كيف تقدري تحافظي ع وزنك ورشاقتك وقت الحمل وما راح اتكلم الا من خلال تجربتي الشخصية وسؤالي لدكتورة الحمل اللي كانت تتابعني
المهم ياغوالي اذا تبغي تحافظي على رشاقتك في الحمل اولا كلي اكل نفر واحد بس وكلي اكل مغذي صحي ابتعدي عن كثر النشويات والسكريات وخلي اكلك على فترات متقطعه طول اليوم بكمية معقوله ركزي على السلطات اللحوم الفواكه الالبان انا كنت اكل ربع رغيف الى نص في اليوم كله طبعا بر هذه فقط النشويات والباقي اكل بروتينات بيض سمك لحم مشوية حتى لو مقلية بس كنت اشيل القشرة الخارجية والا يدامات اكلها بربع رغيف ولو لسه نفسي فيها اكمل اكل بالملعقه مع تجنب الزيوت اللي فيها اكل تمر ٩ او ١٠ كوجبة خفيفة ولو حابه حلى اكل قطعة بحجم الكف كوجبة خفيفة وما اكل بعدها الين اجوع وكل ما جعت اكل من الاكل المفيد الصحي اللي ذكرته وأمشي ايوا امشي يوميا نص ساعة وانا حامل ومن الشهور الاولى ولا تستغربو انا سألت دكتورتي وهي اللي قالتلي الكلام دا وشجعتني امشي بس قالتلي لا تمشي بعنف وكل ما حسيتي بتعب او شي على طول وقفي ارتاحي شوي وكملي تخيلو قالتلي امشي واسبحي بس بالراحة بدون عنف قالتلي هذا بالعكس يقوي عضلاتك ويساعد ان شاء الله وقت ولادتك وهي اللي قالتلي ان معلوماتنا غلط وابدا ما تاكلي اكل ٢المهم اتحركو اخرجو ارقصو والله يابنات اني كنت في حملي ماشاء الله ارقص واتمرن والنتيجة ماشاء الله تبارك الله جسمي في الحمل روووووعه وبطني صغيرة والبس واتشيك واتدلع برمودات تنانير في السابع لبست فستان بحزام ما كأني حامل وخصري صغير والناس اللي من زمان ما شفتهم ما يدرو اني حامل حتى في التاسع البس لبس الحمل بطن معقول وجسمي نحيف وملابس الحمل على روعه ولا اتنفخت ولا كبر خشمي ولا طلع برطمي ولا اتشققت شق واحد والطفل وزنه طبيعي وصحته ماشاء الله ممتازه والكل ماشاء الله مستغرب كيف جسمي كدى وانا حامل لا وماشاء الله ابشركم على المشي والرياضة اللي كنت امارسها النونو ما يبغى يخرج من بطني عجبه الحال ولا في طلق ولا شي خلصت التاسع ودخلت العاشر ولا ولدت الا لمن مسكوني واعطوني طلق صناعي ههههههه والحمد لله لمن ولدت ما كاني كنت حامل ومقاساتي هي هيي وفي نفاسي البس من ملابسي القديمة عادي وكنت اكشخ وانا نفاس والكل منبهر ويقولو ماشاء الله تبارك الله وغيرو قناعاتهم عن معلومات الحمل ...هذه تجربتي اللي بنفسي جربتها وحبيت افيدكم يا حبيباتي لاني بجد احبكم❤️ كلكم يابنات عالم حوا ❤️واحس انكم جزء من حياتي 💓💓💓
مع العلم اني في حملتي اللي قبلها كنت ماشية على المعلومات الغلط واكلت اكا اثنين وخلافووو والله لا يوريكم صرت تريللا وسار وزني فوق الميه وزدت اكتر من ٣٠ كيلو واتنفخت وجاني تسمم حمل ووو وتعبت تعب وجسمي بعد الولادة مانزل الا ٤ كيلو تخيلو معاناة وطلعت عيوني ع بال نزلت وزني وقلت والله تووووبه ومن يوم حملت رحت وسألت الدكتوره والحمد لله اللي وفقني وابشركم حملت وانا في الستين وولدت ووزني في الستين
لكن في حملتي الاولى حملت وانا في السبعين وولدت وانا في نهاية التسعين يارب سترك الحمد لله انه كان ماضي ورااااااح يالله ابغى ابكي لمن اتذكر وهذا ما عندي من علوم وانا ادري ان كلامي ملخبط وداخل على بعضة بس حبيت لكم الخير
و اتمنى اكون افدتكم ويارب تقوم كل حامل بالسلامة هي وطفلها وترزق كل من تبغى ذرية الذرية الصالحة
وفالكم الرشاقة والصحة الدائمة
اختكم أنين السحر🌹❤️