اللي عندها اسلوب متزن وعاقل بالرد تدخل

السلام عليكم
بنات انقذوني الله يعافيكم
ابي الرزينه العاقله اللي كلامها موزون ترد علي

انا انسانه عانيت كثير مع زوجي
في نقطه متفقين عليها في عقد القران وهو موافق عليها
والظاهر تندم بعدين ولاهو راضي يمشي عليها
ولي الحين تقريبا اربع سنين ماشيه على اوامره وذاله نفسي وهاينتها
الين طفح الكيل معي ورفضت اسمع كلامه في هالموضوع

عموما الحين طايح لي يقول الزوجه تطيع زوجها وهذا شرع الله
والرجال قوامون على النساء
واذا طعت زوجي انا مأجوره عليه
وان الزوجه تطيع زوجها والكلام الاول والاخير له مهما طال النقاش او قصر
ولو قال له اي شئ تسويه وهي عمياء

هالكلام بعضه صحيح وبعضه لا

بس هل انا مذنبه اذا رفضت الشئ اللي كان متفق عليه بعقد القران وهو انقض الوعد ويبغاني انفذه غصب عني

بنات ارجوكم ابي رد يبرد قلبي ويسكته
ابي رد بايات من القران
ابي كلام موزون وعاقل
كيف اقنعه ان الزوجه تطيع زوجها بس بدون اهانتها وتذليلها
خصوصا هالشئ متفق عليه مسبقا قبل العقد

بنات وضعي وصل للطلاق لأن الموضوع زاد عن حده
لو الامر هين كان قلت معليه زوجي وعلى عيني وراسي
بس الموضوع لاهو هين علي ولا على اهلي