شوفي انا عشر سنوات و انا اتعالج من التكيسات ابر و علاجات شعبية و حجامة و اخر شي طفشت سويت تلقحي مجهري طبعا ما نجحت .. الدكتور اللي سوى لي التلقيح قلي نسبة نجاحها ضعيفة لانه عندك تكيسات مرررة كثيرة و الشحوم مغطية مبايضك تماما .. اصريت ايوها و فشلت العملية . رجعت للدكتور اعيدها قلي يا بنتي علاجك تنحفي نفسك .. قلت له انا مو سمينة بس مليانة ما عندي دهون الا اللي اسفل البطن عند المبايض .: قلي نزلي وزنك و ان شاء الله تحملي .. اول شي بديت اخفف الاكل اكل كل شي من اكل البيت و اوقف اكل بعد صلاة العشاء و اروح امشي مشي سريييع في الشارع في حوش الف حوالينه مشي تجسي نبضات قلبك بتوقف و مو قادرة تتنفسي نص ساعة .. لما تتعبي لا توقفي ابداي امشي بشويش .. بديت بربع ساعة و اخر الايام ٤٥ دقيقة و اريح يومين في الاسبوع .. تشربي موية كثييرة و حبة جلوكوفاج الف عشان التكيسات .. الحمدلله خلال عشر شهور نزلت ١٣ كيلو و حملت .. لا تشتري جهاز راح تملي منه . شوفي لك اي سور او حديقة و امشي فيها .. زي ما قلت لك المشي البطي ما ينفع للتكيسات .. التخفيف الاكل ينحف و المشي السريع يرجع يقوي المبايض عشان تطلع بويضة قوية
بما ان مشكلتك الوزن الزايد لازم تلتزمين بحميه وامشي كثير وكثري شرب المويه ..وبالنسبه للتكيس كنت اعاني منه وتاخرت بالحمل بس انا وزني عادي ..استخدمت الانوسيتول (اخذت بودرة) تحصلينه في ايهرب او امازون استمريت عليه سنه كامله كان همي بس تنتظم الدورة والحمدلله من اول اسبوعين انتظمت ونزل هرمون ال اتش وسويت تنشيط بعد سنه وربي اكرمني وحملت
الصفحة الأخيرة
مو في منطقة محددة ..
ودائمًا تبدأ خسارة الدهون في أقل المناطق المتركزة فيها لأنها بسيطة ومتفككة..يسهل حرقها على طول
لكذا المناطق اللي دهونها صعبة ومتماسكة تحتاج استمرارية وطولة بال..
فما يمنع تتمرنين على السير لمدة 45 دقيقة لـ 5 أيام في الأسبوع على سرعات متفاوته
وبرضو تتمرنين مقاومة لعضلات المعدة لـ3 أيام في الأسبوع يوم وترك
6 تمارين لكل تمرين 3 جولات ولكل جولة 15 عده
وإذا حابه اعطيك التمارين ابشري ..
وبالنسبة للخلطات مافيه منها شيء يذوب الدهون
فيه مشروبات ترفع مستوى عملية الأيض لحوالي 5% فقط
مثل الزنجبيل,القرفة,الشاي الأخضر,قشر القهوة,الشمر,الكمون..إلخ
والـ5% هذي لازم معها نظام غذائي صحي لتبين النتيجة
وأهم شيء لخسارة الوزن ولعلاج التكيسات شرب الماء
ما يقل عن 2 لتر يوميًا.