والله يا أختي مب أنتي بس صدقيني التطبيق حرفياً أو اننا نكذب ونقول نطبق كل ما نقرأ ومقتنعين فيه؟ .. لا طبعاً ولكن .. القرايه أكيد لها دور كبير أقلها لما نغلط نحاسب انفسنا بعدين ونلقى نفسنا تدريجياً نتحسن ..

أنا احاول دايم اذكر نفسي وخصوصاً من كثرة الضغوطات .. أذكر نفسي اني هالفترة صرت ما اسمع لهم أو أصرخ عليهم أو في الموقف الفلاني ما قدرت رغبتهم الفلانيه .. خصوصاً لما نشوف أولادنا كبروا يزيد القلق اننا نفقد السيطره عليهم وانهم صاروا يناقشون وايد وصاروا يتخذون قرارات لأنفسهم مش بس تطبيق قراراتنا !! .

الشكر لصاحبة الموضوع لي عودة

في البداية بقولكم وعن تجربه .. وباختصار "أوقفي في صفه"
خليج معاه كثر ما تقدرين لأنه المراهق بروحه في تنازع مع نفسه
فلا تزيدين عليه هالتنازع.. أكيد أحيان تحسين انج مضطره للوقوف ضده
في أمر ما .. لكن لو أعدتي حساباتج ستجدين أنه بالإمكان تغيير الأمر
وتحسينه من خلال الوقوف في صفه والنظر للأمور من نظرته وهذا يتحقق
أول شي بسماعه.. عوديه انج أذن صاغيه وأنج موجوده تسمعين له دايم مهما
كان الأمر.. وتفهم رغباته والتفاعل بإجابية معاه.

أنا ابني لما أقبل على المراهقة كنت مهملة في الجانب النفسي له، كنت لاهية
مع الصغار لأنهم يحتاجون مجهود أكبر. كنت انا وياه ما تقولين أم وأبنها
تقولين عدايل !! دايم في تنازع ودايم مخالف لأرائي وله رغبات خاصه
وشاذ عن الجميع.!! باختصار كان يستفزني !! كنت أقول لأنه فرق السن
بيني وبينه مش كبير.

لكن وقفت وقفه مع نفسي وعرفت انه السبب ماهو فارق السن أو غيره
السبب انه الولد مقبل على مراهقه .. وبديت اجهز لهذا الأمر عشان ما تزيد
الأمور في تدهور..

شوي شوي بديت أكسبه في صفي وصرت أطول باالي قدر المستطاع له
بديت أفتح معاه مواضيع وأحسسه انه له رأي وأنه رأيه مهم بعد..

حسيته بدا يهدا شوي قلت عصبيته الدايمة والغير مبرره .. فتحت له موضوع
البلوغ وفهمت انه ما عنده خلفيه أبد عنه وقلتله انه موضوع يخص الرجال وأني
ما أعرف عنه الكثير وبما انه ابوه غايب أرسلته يسأل خاله وفهمته قبل لا يفتح
خاله معاه الموضوع ... انه موضوع عادي ما حسسته انه فيه شي من العيب أو الخزي.

تكلمت معاه وكأنها معلومات علميه.
(طبعاً ما تطرقت لأي تفاصيل) وتركت الأمر لخاله

هذي النقطة كانت من ضمن التهييء له لدخول سن المراهقة
ولتحسيسه بأن كل أمر له إجابه ..
وبعد انه في أمور لازال يجهلها وأنه الكبار يعرفون الكثير
واللجوء لهم له أهميته وعندهم أسرار وإجابات ما كان هو يعرفها.

طبعاً بعدها صار له لقب عشان يقربه مني أكثر وأكثر (ربيّع أمه)
بديت أنا أشاركه بأموري وأكلمه عن مواقف صارت لي
ومن خلالها أقول وجهات نظري. عشان أعوده على أسلوب المشاركة
لأن المراهق تلقينه ينعزل لأنه حاس انه محد في هالدنيا فاهمة!!

المراهق في أمور يتكلم فيها أحيان تكون تافهه وما تحتاج مننا وقفه
وتكون جداً بسيطه مثل (زميلي في الصف اليوم تصرف التصرف الفلاني)
ويكون تصرف بايخ أو جيد استغلي كل الأمور اللي تهمه
وخلي إرشادج وتوجيهج من خلالها لأنه في سن المراهقة الولد أو البنت
يكونون فعلاً يكرهون التوجيه وودهم لو يفجرون روسنا بس عشان يسكتونا

لكن لما هو يفتح موضوع عن شخص آخر غيره ....
أعطي رأيج ولا كأنج متعمده التوجيه
وخليه مختصر قدر المستطاع. وفيه العبرة
إلا اذا حسيتي منه تجاوب ووده يسمع أكثر.


إعطاء الأمر بشكل مباشر سهل علينا وسالفة أني اتك تك وألف معاه وأدور
وأبين له اني في صفه وأنا في الحقيقة لي غاية أني اغير اللي وده إياه أصعب
ولكن نتيجتها أضمن من توجيه أمر والسلام.

قال علي بن أبي طالب رضي الله عنه "ربّوا أبناءكم لزمان غير زمانكم"

لذلك الأمور يستحق مننا وقفه وتهيئه للأمور المقبلة


ولي عودة لأمثله تعاملت معاها.

اختي الغاليه روحــ لك ـــيصح كلامج وتسلم يدج على هالتربيه استمري معاه وامتعينا بمواقفج وبتجاربج وانشالله نستفيد منج اكثر:)

انا لو اقولج عن مشكله انا او مو بس انا الكل يعتبرها كبيره وهي خطره جدا على حياته رغبته في سواقه السياره تدرين هذي المشكله شلون تعبتني نفسيا لكن بالطرق اللي قلت عليها بأني امسك نفسي واحاول قد ما اقدر اني اتفاهم معه _والحق يقال انا في هالسالفه كنت امثل الدور الثاني الدور الاول لابوه الله يجزيه عنا كل خير_ بس مهما كان ردود افعال الرجال تكون قويه شويه انتي كوني بمثابه البلسم حذار على نفسياتهم ترا المجتمع برا مايرحم:(

بارك الله فيك يا روحــ لك ـــي

واسال الله العلي أن يزيدك من علمه وفضله ..
طريقتك رائعه ..وباذن الله سنحاول ان نتبع خطاك ..
فحفظك الله وحفظ الله اولادك وأقر الله عينيك بصلاحهم دائما وابدا

أنا ماعندي مراهقين لكن مره انكسرت يدي :3_3_103: وانا أكتب عن

كيف ننمي الجانب الديني عند المراهقين من كتاب موجود عندي في البيت

بس الموضوع ما لقى التفاعل المطلوب

بحط الرابط لعل وعسى ينتفع به

كيف ننمي الجانب الديني عند المراهق؟؟