السلام عليكم والله هالموضوع بدور عليه من فتره والحمد لله انه انكتب 0000 بالنسبه الى حابب اطرح سؤال وحيد ولى عندها خبره لا تبخـل علينا حتى نستفيد ان شاء الله من بعض وخصوصا للأمهات الى مثلى بمعنىانه اول مره راح اتعامل مع هالموضوع 000000000 سؤالى الاول وهو المهم 000 كيف اخلى بنتى تعتبرنىصديقه لها وهى الان دخلت سن المراهقه وعمرها الله يحفظهاو يحميها 14 سنه مع العلم انها وحيدةبين اخوتها وهي اكبرهم .

موضوع جميل والله المراهقين يبغالهم طولت بال وانتباه انا ماعندي بس امي واخواني وخصوصاالعيال البنات هادين والله المستعان

alwarda al7mra :26:

الله يخليلج اياها وتشوفيها عروس انشالله اهم شي عشان تخلين بنتك تعتبرك صديقه انك ماتملي عليها الاوامر لان الصديقه عمرها ما امرت صديقتها خليها كانها مشوره بس مو اخليها مشوره واخلي شورها هو اللي يمشي لا خلي الامر اللي تبغينه انتي يصير هو اللي هي تقبله يعني بنتي لما تطلب انها تطلع مع صديقاتها انهم مثلا يبون يتجمعون ويتقهون في مكان ( هذي امور سبحان الله طلعت جديده ودخيله علينا بس مضطرين نجاري ) فما اقول لها لا ماتروحين واحنا ماعندنا بنات يطلعون وماعرف شو لانها في هالحاله ممكن تسويه من وراي اقولها نروح كوفي شوب يكون فيه مكان مخصص للعائلات او للحريم وقولي لصديقاتج يجون وانا بعد بقول لصديقاتي يجون انا بكون على طاوله وانتي بالطاوله اللي جنبنا بهالشكل اكون ضمنت انها معاي وطبعا مو اي صديقات اللي تطلع معهم اكيد اللي احنا عارفين شلون هم متربين فحاولي ان لا تتهورين بكلمه لا او بالعصبيه الزايده قبل ماتفكرين فيها

**أم الثلاثه**:26:

مشكوووووووووووره وايد حبيبتي على روابطج اللي حطيتيها بصراحه كلها مهمه جدا اشكرج على تعاونج معانا
nm99:26:
اقري من المواقع واهم شي انك تطبقين واهم شي للتعامل مع المراهقين مسك الاعصاب اذا قدرتي تسيطرين على اعصابج معاهم فاعرفي ان نص المشكله انحلت
um hissa:26:
ام حصه اللي قلتيه ماهو شي غير طبيعي يوجد بكل بيت سبحان الله احمد ربي الف مره على رحمته انه يخلي واحد من العيال اللي متمرد او خارج عن نطاق السيطره بعد لو كلهم يام حصه وشكنا بنسوي اظن اني بدخل من بعدها مصحه:) اذا على مسأله سواقه السياره فهذي كلنا عانينا منها بس الحمدلله قدرنا شوي نسيطرقلنا له تبي سياره ؟ هي لم بس جيب الشهاده الثانويه ونشغله شوي بشي هو يحبه يعني ولدي يحب يطلع البر ومخيم وخبرج عيال هل قطر يموتون بالبران واحمد ربي الف مره انه عنده عيال عم رجاجيل يعتمد عليهم في مسائل الصلاه والمحافظه على القيم والخوف من الله فاقدر اعتمد عليهم لو راح معاهم فصار يسوق بالبر ينفس عن نفسه شويه والله اني لاحظت انه قل تركيزه على سيارات البيت (الله لايغير عليه ) .

اما السجاير :( فالله المستعان مانقدر الا ندعي باخر الليل ان الله حميهم ويحفظهم من خطرها مانقدر على شي لانه اذا بيدخن ماراح يدخن قدامنا اكيد بيدخن بالخش فالله المستعان

يسلمووووووووووووو الموضوع حلو يا عسل

هلا والله غلا قطر - يسلم قلبك حبيبتي - وانشالله نشوف مشاركاتج معانا