انا اخواتي عندي مراهقين ياريت اللي تعرف روابط تفيد في التعامل معهم تكتبها ولها الاجر لاني تعبت معهم وهم لسا اعمارهم 13 و15 سنه الله يهديهم ويصلحهم

مشكوره بنت قطر عالموضوع المهم

وهذا رابط مفيد من أحد المواقع

اضغطي هنا

ما عانينا مع المراهقين ,,, الا مع اخوي الصغير الله يصلحه ,,, فعلا ,,, شاب راس أبوي معاه ... يبي السولقة ,,, مستعجل على الحرية ,,, يبي طلعات ,,, يبي كل ما شاف شئ عند اصحابه يتملكه ,,, مع ان أبوي انسان متعلم وجامعي , بس فعلا ,,, تعب مع هالصغير ,,, يقول كأنه جمع مراهقة اخوانه اللي قبله فيه ,,, بس المشكلة اني كبرت و ما صار فيني حيل ( الله يعطيه الصحة و العافية ) ... يتقرح اللسان من كثر النصح , باللين , بالشدة , ما في فايدة ,, شوي ,و الا يرجع لطبعه .... ما كأن اللي رباه نفسه اللي ربى اخوانه اللي الكل يشهد بحسن اخلاقهم ...
هو طيب , بس عجل , و يبي على كيفه ... و ما يحترم كثير ,,, وما يهتم بدروسه ,,, لما تنصحه ... تتفاجا يسألك عن موضوع ماله علاقة بالحديث اللي داير بينكم ,,, مما يدل على انه في وادي و انت في وادي ....
المظاهر ذابحته بحكم انه من زمن المظاهر للاسف , و لا يلقى من يطاوعه الا بالقليل ....
الوالد يخليه يطلع مع اصحابه في العطل وله وقت محدد يرجع فيه ,,, من يدري ان الوالد نايم ,,, يتأخر لوقت متاخر , و يكذب ! يحلف انه رجع في الوقت ...
حرمان من جوال و طلعة ,,, ما نفع ...
هو مراهق ... بس متعب جدا الله يصلحه .... و انا خايفة جدا عليه من السيارات ,, لانه صدناه , يعطي السواق فلوس و يسوق الاخ !!!!!
هذا غير خوفنا من السجاير :( مرات اقول , ليته بنت ,,, كان أسهل السيطرة عليه ....
قرينا كتب كثيرة ... بس التطبيق صعب في وقتها ... و مرات ان طبق ما يدووم التفاعل ....
و اهم الشئ الصلاااااااااااااااة , واه من عدم الالتزام بها ,,, ما عنده اهتمام يتاتا ! اذا ما نقوله ما يصلي .... مع انه معودينه من يوم صغير , روحة المسجد كأنها عقاب :( احسه صار يكره الدين ... مع اننا والله نحببه فيه بشتى الطرق ,,, بس على ما يقولون عمك أصمخ ...
عمره الان 15 سنة ,,, بس فعلا مراهق متعب جدا جدا جدا , الله يصلحه امين .

الف شكر اختي ام الثلاثة على الرابط

اللي عندها اي معلومة مفيدة او موقع يتكلم عن المراهقين لاتبخل بها عنا

ام حصة

الله يهدي اخوك ويصلحه والله اني حسيت وانت تتكلمين عنه كنه ولدي لان عند ولدي مثل عمره بس اللي مضايقني منه انه مايفتح دروسه الاعند الاختبارات كم دقيقة ولا يحب يطلع معي اذا احتجته ولا اني اطلب منه يجيب شئ مع السواق يعني عجاز ووووو بس مالنا الا الدعاء لهم ان ربي يفتح على قلوبهم ويبعد عنهم اشرارخلقه

اخواتي انصحكم باسلوب طبعا انا ما اقول انه اسلوب حل جذري لمشاكل المراهقين ولكن هو اسلوب يريح ضميرج انتي وصدقوني اتبعته مع ولدي وانا اللي ارتحت نفسيا صرت لو ابي اعاقبه على امر اقوله احفظ 10 ايات من القران وبعدين ارضى عليك او اذا بغيت تطلع اوكي بتطلع بس ما تطلع قبل ماتسمع لي 5 ايات من القران (اذا اردت ان تطاع أامر بما يستطاع ) وطبعا بديت معه من البقره ولازلنا والله يعين