اللي مرت باكتئاب الحمل واتعافت منه بدون ادويه تتفضل

السلام عليكم ورحمة الله وبركاته
بدخل بموضوعي ع طول
انا حامل بنص السسادس الحين ولله الحمد من كم يوم تقريبا خمسه أيام بدات معايا اعراض اكتئاب الحمل
علما انه هذا الحمل الثالث لي
جاني اكتئاب الحمل بكل حمل لي تقريبا بس كان يختلف بقوته وحدّته
حملي الأول تقريبا كان أسوأ حمل من حيث النفسيه والخوف وللأسف ورثت ولدي حبيبي شوي من هالاشياء صار فيه نوع من القلق والخوف علما انه عمره الحين خمسه وشوي
المهم انه جاني الاكتئاب وكرهت عيشتي حاولت اقاوم بس ماقدرت ف لجأت لدكتور نفسي تنويم ايحائي يعني بدون ادويه والحمدلله اتحسنت بس مو مرا ف لجأت للوتر والبقره والقران وبفضل من ربي اتخلصت من جزء كبييير منه والاهم رجعت انام بعد ماكنت محرومه من النوم تقريبا ثلاثه اشهر صحيح كنت افز من نومي واتعب لين ارد انام مرة ثانيه بس الحمدلله احسن من ولا شي
بولدي الثاني جاتني نفس الاعراض بس كنت سبحان الله قويه نوعا ما وقدرت اقاوم كانت تجيني ضيقه الصدر وافز من النوم لكن كنت أتكلم مع نفسي وأقول كل الحريم يمرو بهالفتره وهي مرحله وتعدي واقووم من سريري واخرج الصاله واقعد ادووور واستغفر وبعد فتره ارجع وانام الحمدلله وسبحان الله طلع ولدي شخصيته حلوه عكس اخوه وواثق من نفسه عمره الحين ثلاثه سنين ويخرج مع ابوه للمسجد ويروح كل مكان عكس ولدي الكبير يحب يقعد عندي بالبيت اكثر شي صحيح انه فرفوش ويضحك ويلعب لكن احس في جانب قلق بشخصيته ويخاف من الظلام يعني تقريبا نفس اللي كنت امر فيها بحملي فيه بس قاعده اعوضه واحضنه كثير هو واخوه والحمدلله دخلته الروضه فديت عمره ومبسووط الحمدلله بس فيه شوي خوف وخجل
الحمل الثالث الحين كانت تجيني فزات من النوم وضيق تنفس وكتمه بصدري واقوم من عز نومي ويبدا قلبي يخفق ويجيني خوف لكن كنت اقاوم كثيييير وتزيد الحاله لو نمت وانا توني ماكله ف صرت انام وانا صار لي فتره ما اكلت شي عشان تخف واحط مخدتين تحت راسي والحمدلله اموري طيبه لين قبل خمسه ايام تقريبا بدات تجيني من جدييد ضيقه الصدر والكتمه وافز من نومي حاولت اقاوم بكل الطرق واكلم نفسي انه عادي ومرحله وتعدي بس مافي فايده صارلي خمسه ايام مانمت يادوب غفوات وانا جالسه ابو دقيقه ودقيقتين وفجاة افز من نومي وكاني بموت ونفسي بيوقف وعندي خوف من الظلام وخوف من الاماكن الضيقه بغرفه النوم الابجورات مفتوحه حتى وقت النوم بس برضه ما انام وانكتم من المكيف رغم انه ع اوطى شي احس بيتي مكتوم رغم انه عادي مافيه شي بس شعور درا صعب وانا عايشه طول اليوم مكتومه ومخنوقه
الحين قررت اكتب لكم الموضوع واتمنى اللي مرت بنفس الاعراض تقول كيف اتخلصت منه لاني حاليا بمنطقه ثانيه وماقدر اروح دكتور نفسي ومابي ارسخ فكره انه انا مريضه ابي اتجاوز هالمرحله بسسرعه ولو عندكم مقاطع فيديو لدكاتره يتكلمو فيها انه الموضوع طبيعي وسهل ويصير للكل اعطوني مابي مقاطع يكبرو الموضوع ابغى ناس تبسطه وتقول انه سهل واقدر اتجاوزه بدون ادويه والاهم مايجيني اكتئاب مابعد الولاده لاني كنت ع شفا حفره منه بحملي الاول ولولا وقفه اهلي معي كنت اتوقع جاني واتمكن مني لانه نفسيتي مستعده كانت للاكتئاب لانه اتعرضت لاكتئاب الحمل ف يكون فرصه الاصابه باكتئاب مابعد الولاده اكبر
والحين متخوفه يستمر معي لبعد الولاده وانا توني مدخله ولدي تمهيدي وابي انتبه معه مابي شي يشغلني تعرفو الكتئاب كيف يعزل الواحد عن العالم ويكرهه بكل شي
اخيرا اتمنى اللي عندها تجربه ايجابيه واتخلصت منه وقاومته تقولي واللي استمر معها او اتازمت حالتها ي ليت ماتكتب تجربتها عشان ما اتعقد واتعب اكثر لاني جايتكم متفائله وكلي امل القى منكم الدعم النفسي خصوصا انه باقي وقت طويل ع الولاده ثلاثه اشهر ونص تقريبا
الله يفرج همكم وينفس كربتكم ولا يوريكم مكروووه ياااااااارب ودعواتكم لي بالشفاء العاجل
علما انه مستمره من يومين ع البقره والاستغفار والحوقله واحس براحه شوي والنوم الحمدلله نمت الحين تقريبا ربع ساعه اللهم لك الحمد اعتبرها انجاز لكن ابي انام طبيعي عشان اقدر اقوم ببيتي وعيالي وكمان الاكل اليوم ما اكلت الا ساندويتش تقريبا من الصبح وكل شوي اشرب مويا عل وعسى يجيني نوم ف انام ومايثقل علي الاكل لكن الشكوى لله مانمت الا قبل شوي والاكل مسحوب عليه وابي اتخلص من هالاكتئاب باسرع وقت لاني خايفه ع نفسيه الجنين