ياربي احس ببكي اول مره اولد في بيتي من جد احس نفسي ضااااااااااااااااايعه الله يهونها علي ويفرجها من عنده

الاكل من المطاعم وجبت شغاله اقلها تفكني من شغل البيت والنونو الله يعين عليه بس الخياااااااااااااط عذاب شايله همه موووووووووت بيكرهني في عيشتي والشكوى لله

لا إله الا انت ياحنان يامنان يابديع السماوات والارض ياذالجلال والاكرام بسم الله الرحمن الرحيم؛باسم الله خير الاسماء؛
باسم الله الذي لايضر مع اسمه أذى؛باسم الله الكافي باسم الله المعافي؛
باسم الله الذي لايضر مع اسمه شيء في الارض ولافي السماء وهو السميع العليم؛

باسم الله على نفسي وديني؛وباسم الله على اهلي ومالي, باسم الله على كل شيء أعطانيه ربي؛

الله اكبر الله اكبر الله اكبر
أعوذ بالله مما أخاف وأحذر؛الله ربي لاأشرك به شيئا؛
عز جارك وجل ثناؤك وتقدست أسماؤك ولا اله غيرك؛
اللهم اني اعوذ بك من شر كل جبار عنيد وشيطان مريد؛
ومن شر قضاة السوء ومن شر كل دابة أنت اخذ بناصيتها ان ربي على صراط مستقيم؛
وصلي وسلم على سيدنا محمد وعلى اله وصحبه.

فيه مطاعم شعبيه في الرياض يسون مرقوق وحنيني وصبيب وكل مالذ وطاااااب اتفقي معهم اول عشر ايام

اسمع ناس كثير يتفقون معاهم والله يسهل

هلا بالحلوين اخواتي هذا النفاس الثالث في بيتي وناويه باذن الله اسوي حركه علشان افتك من لقافة الشغاله واسالتها اللي ما تنتهي تدرون وش راح اسوي


طبعا حمامي ملحق بغرفتي فقررت اضع بغرفتي طاوله صغيره طبعا عند فيش كهربائي واضع فوق الطاوله غلايه كهربائيه لغلي الماء واضع بجانبه ترمس مخصص للوضوء وجنبها علبة الوضوء وكل صبح اغلي الماء واحطه بالترمس واخذ ملعقة من الارطى واضيفها للترمس ثم اخذالترمس واحطه بالحمام واتوضا منه طوال اليوم

واعجبتني فكرة الاخت اللي تقول جهزي مره ومحلب للتروش ممتازه جدا راح احطها بعلبه واخليها بحمامي وبكذا راح افتك من شغالتي اللي ما تخلي شي ما تسال عنه رغم اني علمتها كثير بس لازم تقول سعودي خرابيط كثير

هاه وش رايكم بفكرتي


تراي على وشك ولاده وادعولي بتسهيل الولاده فان شاء الله اذا الله احيانا راح انزل موضوع كامل عن نفاسي بالصور وكيف ريحة راسي من الحوسه بس بعد ولادتي علشان احط صور لاني الان ماعندي صور


ايضا بنات لاتنسون تحطين على طاولة الصاله حافظه بلاستيكيه شغل حريم مثل هذي








اضع بالحافظة علب زجاج صغيرة تلقونها عند ابو ريالين مثل هذي





انا استخدمت مثل هالاشكال








طبعا كل علبه كتبت عليها اسم الدواء ومتى اكله فحطيت علبه للفلفل الاسود واخرى للفلفل الابيض ووحده للدارسين ووحده للكركم لانه مفيد مع المرقه وعلبه حطيت فيها خلطة العتيبيات المعروفه وطبعا الدواء اللي يؤكل مع الغداء والعشاء وعلبه منقوعه

وكلها حطيتها بالحافظة وكل علبه فيها ملعقة بلاستيكيه صغيره علشان ما اجلس انا دي جيبوه ودوه واحط الحافظه هذي بالصالة علشان تكون تحت متناول ايدك في كل لحظة

وايضا عندك العلب الصغيره مثل هذي





او







انا استفيد منها بوضع علبه للمره وعلبه للمحلب علشان اتقهوى عليه صباحا ومساءا واخذ معي للمستشفى


وشايفين اللي غطاها ابيض مثل قطرة العيون او الاذان اضع فيها خوى جوى واحطها بالحمام علشان مو كل شوي جيبي ودي صراحه ودي اخدم نفسي بنفسي طبعا علبه بالحمام وعلبه بغرفتي وعلبه بغرفة الجلوس الخاصهوبكذا ارتحت وريحت

وبالنسبة للطفل جهزت ترمسين مويه حار وبارد طبعا كلهم مغليات حطيت وحده بالصاله طبعا سله فيها الترمسين وعلبة الحليب

وسلة صغيره فيها الرضاعات بس ولادتي هذي عندي طفل صغير فماراح يخليني على راحتي وطبعا نفس الشي هذا بغرفتي عند سريري علشان بالليل اجهز الرضعه بدون ما اروح للصاله والله يعين اتمنى اكون افدتكم