السلام عليكم و رحمة الله و بركاته ..

أختي Abaaar ..

فين القاعات إللي بتقولي عليها ؟؟
فين أماكنها ؟؟


وإنتي قصدك على نورة إللي من نواحي قاعة أماسي ؟؟
إذا هي .. أنا سمعت عنها .. و صاحبتي مدحت لي شغلها ..
بس لسة ما روحت لها ولا شوفت شغلها ..
و أنا أبغا بس تصوير فيديو .. ما أبغا فوتوغرافي ..


و بالنسبة للسجاجيد أنا قلت نص درزن = 6 سجاجيد .. تكفي ؟؟
لأنه صحيح في البداية ما راح يجو ناس كتير ..
( أنا للآن ما أعرف عوايد أهله إذا يزورو كتير أو لا ) ..
بس أهلي ما يجو ولا يزورو كتير ..
و عشان كدة قلت 6 تكفي ..
بس برضو قالولي كتيرة !!


و تراكم جننتوني من ناحية الكورنيش !!
أشتري ؟؟
ما أشتري ؟؟
أشتري ؟؟
ما أشتري ؟؟
أشتري ؟؟
ما أشتري ؟؟
أشتري ؟؟
ما أشتري ؟؟
أشتري ؟؟
ما أشتري ؟؟
أشتري ؟؟
ما أشتري ؟؟
أشتري ؟؟
ما أشتري ؟؟
أشتري ؟؟
ما أشتري ؟؟
خلالالالالالالاص أتجننت !!

سوو تصويت على منتجات الكورنيش :23: !!


و أيش نافورة التورتة دي كمان :23: ؟؟
كيف شكلها ؟؟
و أيش يسوو بها ؟؟

أنا قبل فترة سمعت عن إمبراطور الكوش دا ..
و روحت له .. و ياريتني ما روحت !!
ما عجبني ولالالالالالاشي من عنده ..
و تحسي أفكاره فيلم هندي مو كوشة !!
والله العظيم حسيتها تريقة !!

أيش إللي يقول لي أسوي لك كوشة سندريلا
و أحط لك درج فلين و كرسي فلين و بئر و سطل
و معزة و مدري أيش :23: !!
أصلا مين قال له إنه سندريلا عندها بئر :09: !!

و لا أسوي لك مدري أيش و مدري أيش !!

والله عنده حاجات خنفشارية ومرة ماهي حلوة !!
حسيته من جد شغل ضحك عالناس !!
و بياخد من الناس آلاف مؤلفة على شغل مرة مو شي !!

و إذا رحتو له حتشوفو و تصدقو كلامي ..
و إللي راحت له و أتعاملت معاه تقول لنا رأيها فيه !!


و إنتي يا ستي هنا زيك زينا :) ..
و الموضوع لنا كلنا ..
و بنساعد بعض فيه ..
و يلا تعالي معانا و ساعدينا ..
و إذا تبغي شي أسألي و إحنا كمان حنساعدك ..



تحياتي ..
جــــــــداويــــــــــــة

ههههههههههههه ياجداوية عجبتني فكرت السينابون اموت فيه والله الحين شهتيني فيه ايش اسوي؟؟ ابغى منه اروح ازن على اخوي

تعرفي عريسي عكس عريسك ابوه واختي في مدينة ثانية وامه في بلده ثانية ماهي في السعودية مرة فمافي إلا هو لحاله بطوله لانه مافيه عرض زي مسكين:)
وهما مسلميني الرجال كله كل ماسال شيء قالوا له روح اسالها واللي يعجبها سويه
وتعرفي بماان امه ماهي في وماعنده اخوات غير إلا من اختي فماله احد
واصلا لو تشوفي عفشي اخواتي وحريم اخواني تجنوا يقولوا كثير بالمرة البيت صاير كله كراتين:)

يعني طقم التسريحة اللي اشتريته لو حطيته على التسريحة خلاص راح يعبيها كلها مافي مكان لشيء ثاني
غير العطور غير البخور غير الاكسسوارات يعني ماشاء الله تشكيلة
احس انه من كل نوع وجبت غالي وجبت وسط حاولت مااشتري ابو 10:) مع اني شفت شي حلو بس خفت انها تخرب:)

وترى ابشرك عريسي والله مايدري عن ولا شي تعرفي كيف مايدري عن ولا شي والله مابيدري عن هذا غالي ولا رخيص ولا كيف شكله ولا لونه حتى اساله تحب اي لون علشان اشتريه يقول ماادري كله حلو
والحمد الله انه مقتنع وعاجبه كل شي اجيبه:) بس هو كسوووووووووووووووول رقم واحد
ايش اسوي فيه علشان يتحرك شوي

انا فرحانة بانه يشاورني في كل حاجة بس صراحة ماابغى الف لف في الاسواق واتعب لاني مخلية الفساتين حق الفرح لبعد شهر كذا مع اني راح اشتري القماش الحين بس ابغى افصل بعدين
وتصدقي اني كله مستعجلة على المقاضي الحين علشان ابغى ثلاث شهور كذا اهتم بنفسي وجمالي وغذائي>>>>>> الله والغذاء

وعلى قولك شرعة العروسة ماتصلح شيفون هو التل احسن شي
طيب اقولك العروسة ايش تلبس صندل الله يكرمك ولا جزمة؟ انا مااطيق الجزم تعورني ابغى اخذ صندل ايش رايك؟؟

والله مارحت خطوات ابغى اروح له كذا يوم اخذ لي كم صندل وشنطة ابغى فضي وذهبي ماعندي ولو في لون بني راح اخذ لان اسود ووردي اشتريت باقي لي الوان متغيرة

حلوة فكرة الشوكولاتة عجبتني راح انفذها ان شاء الله اخذ الكبير ليا والصغير اشتري اثنين واحد يتوزع على الجهة اليمين واحد الجهة اليسار والثالث على الكوشة ههههههههههه

كمان شفت في الافراح يوزعوا في سلة كذا او صحن يحطوا مكسرات زي السمسمية وعين الجمل ومكسرات حلوة وكمان يوزعوا قطع كاتوه الصغيرة حسيتها برضوا روعة

القمصان حق البيت اخذت من وطني ماشاء الله زي ماهيا وانا اصلا اغلب خرجاتي للسوبرماركت شفتي كيف ونحيفة:)

القميص اللي ثلاث قطع يكون على بجامة اخذته من جنيفر ب80 وفي واحة الجلابية على 150 والله كل من شافة تجن عليه يقولوا القماش روعة وناعم

والطقم اللي قلتي ابو 700 شفته اللي سعره 699ريال عاد وقفت على ريال؟! فعلا حلو عجبني كثير بس والله ماادري ليه مترددة علشان السعر؟

اللي في الصواريخ اسمه رباعيات ماهو واحة الجلابية ولازم ياشيخة تكون الكراتين حلوة علشان المنظر قدام اهلي وحريم اخواني ايش يقولوا جابت قمايم؟ والله فشلة

بنات اعطوني رقم اميرة الغامدي


عبير ياهلا والله معانا:) وين القاعات اللي تقولي عليها؟؟ والمطرب حقك ماتقوم بالمرة ابدا يعني لو توقف على الاقل:)

امبراطور الكوش شفته مرة رحت له بس كنت اتفرج على المحل وكانت عنده وحدة يعملها كوشة ويخاصم على واحد صاحبة بالتلفون صوته لاخر الشارع عاد شردت من المحل:)

هههههههههه تأيديني على موضوع التصوير يعني مااصوره انا حسيتها حركة نذالة بس لانه زعلني لما قلي بدفع وبعدين رجع قال افكر

عطوري شكلت بين خفيف ومتوسط بس تكون على شرقي ماهي على فرنسي ولو ماعجبتني راح اروح اشتري بعدين

الكورنيش اذا مقتنعة في عطورهم توكلي على الله واشتري وايش لك بكلام الناس وفي طريقة سمعتها انه تحطي العطر في الثلاجة وهو بكرتونة ثلاث ايام وبعدين حطيه في مكان مظلم ثلاث ايام وبعدين يصير ريحته ماتروح ابد من الملابس راح اسويها في عطوري ان شاء الله

السجادات انا باخذ 3 فقط تخيلي كل شي مكثرة فيه إلا هذي:) بس لان امي اشترت لي من قبل 3سنين 3شراشف وماعاد الحين في زيها فخلاص قلت اخذ 3 سجادات وراح اخذ لاستخدامي الشخصي سجادة وشرشف

ان شاء الله اصور لكم طقم التسريحة علشان تشوفوه وكمان صور العلب بس استنوا عليا

نافورة التورتة اعتقد اللي تكون شوكولاتة كلها من فوق لتحت وتكون ذايبة وتغمسي فيها الفواكه

على فكرة جداوية ماراح تعملي كاسة عصير؟؟

لي رجعة ان شاءالله كتبت الرد وطاااااااااااااااااااااار...

السلام عليكم و رحمة الله و بركاته ..

يا بنت يا سلافة2120 ..
كيفك ؟؟

يلا روحي أشتري سينيبون ..
و جيبيلي معاكي :) ..

و بالنسبة لعريسك ترى هادا النوع تقدري
تشكليه زي ما تبغي ..
مافي وراه إللي يقول له سوي لها ولا تسوي لها ..
بالعكس المفروض إنك قادرة تكسبيه ..
و تخليكي كل حياته .. و يسير ماله في الدنيا غيرك ..
يعني بالعربي من السهل إنك تحتويه ..

بس أيشبو كدة كسول ؟؟
يعني لو كان دبة كانت تنبلع شوية :23: !!

لحلحيه و خليه يقوم و يخرج و يروح و يجي معاكي ..
و روحي معاه و أفرشي بيتك على هواكي و زي ما تحبي ..
بالعكس هادا شي في صالحك إنتي !!
بس شكلك أتعديتي من الكسل حقه !!


و ماشاء الله تبارك الله الله يزيد و يبارك ..
سمي على نفسك و حاجاتك ولا تخلي الناس يشوفوها !!
خليها في غرفتك ولا في أي مكان ما يدخلوه حريم أخوانك
و قرايبكم و ما يشوفوها !!

و للآن ما قلتي لي طقم التسريحة عبارة عن أيش ؟؟
إنتي و طقم التسريحة دا إللي أمتحنتيني بيه !!


و أحمدي ربك إنه عريسك ما يفهم في الماركات
و حركات الشباب دي !!
خليه كدة أحسن ..
عالأقل ما يخليكي تتحملي فوق طاقتك ..

أنا صح إللي عندي لمن أسأله و أقول له أيش تحب ؟؟
يقول ما أدري .. إنتي أشتري .. إنتي جيبي ..
و أنا بعدين أشوف و أحكم !!
بس لاحظت عليه كتير لمن أكون لابسة شي مرتب
و من محل معروف يلفت نظره أكتر من الشي العادي !!
عشان كدة سرت أخاف من رأيه ..
خصوصا إنه لبسه كله ماركات ..
بس دحين الحمدلله سرت أحسه ما يهتم كتير بماركاته زي زمان ..
عشان كمان في الشغل ملزمينهم بالتوب و الشماغ ..
خلاص سار ما يدور على الجينزات والتيشيرتات
والقمصان و الحاجات هادي كتير ..
و سار يشتري عادي من أي مكان ..
أول كان مسبب لي عقدة نفسية !!
كل شوية ألاقيه ناطط و رايح محلات الماركات
سواء لحاله أو مع أصحابه ( و الأخس لو مع أصحابه
لأنه كل مين يبغا يسوي نفسه الولد الكوول الفاهم !! ) ..
و يشتري له جينز بألف و مدري كم !!
و قميص بـ 900 ريال !!
و تيشيرت مدري بكم !!
و شبشب مدري بكم !!
و جزمة مدري بكم !!
( تعرفي أسعار الماركات كيف !! ) ..
بس دحين خلاص أبوه ماعاد يعطيه فلوس !!
عشان كدة شوية أتربى لمن سار يدفع من كيسه :) ..


و يمكن زوجك إذا أكلتيه فلفل يتحرك :23: ..
جالسة أفكر لك كيف تشجعيه ..

بس يكون في علمك ..
عموما الرجال قلوبهم باااااااااااااااااااردة ..
و أعصابهم في فريزر مو بس في تلاجة !!
و ما يهمهم في الدنيا غير راحتهم ..
و يمكن إللي عندك من دا النوع ..
أنا برضو لاحظت كدة على زوجي ..
بااااااارد بااااااااااارد بااااااااااااااارد بشكل مو طبيعي !!
لو ينفجر جنبه بركان .. يحس بيه بعد سنة !!
و يقول وي بسم الله عليا !!
و يرجع يتنح تاني !!
شكلها موضة الشباب اليومين دي !!


و مادام بيشاورك .. أعطيه رأيك ..
و قوليله بس ترى أحسن لو روحنا و شوفنا بنفسنا !!
أو ..
خلينا نروح نتفرج في السوق و نشوف !!
أو ..
خلينا نشوف إللي يعجبنا بعدين نشتريه ..
أو ..
خلينا نلفلف في المحلات عشان نشوف أيش الجديد
في المفروشات و الديكورات و بعدين نختار سوا !!

عوديه على كلمة الجمع !!
نروح .. نختار .. نشوف .. نتفرج .. زي كدة ..

و يمكن هو مكسل بزيادة لأنك مريحته و شايلة عنه
كل شي و إنتي إللي بتروحي و تجي و تشوفي و بعدين
تعطيه تقارير عن جولاتك و خلاصة الأشياء الكويسة ..
و هادا أكبر غلط !!

لأنه إذا كان من النوع الإتكالي ..
حيبهدلك لمن تتزوجيه ..
و حتسيري إنتي الراجل و هو الحرمة !!
و هادا أخس شي !!


و إنتي خلصي أمورك ..
و بيني له إنك إنتي عندك مية شغلة و شغلة ..
و منتي ملحقة على دبشك و فستانك و حاجاتك ..
و إنه لازم يتحرك معاكي !!
و لازم يتلحلح و يروح و يجي معاكي !!
و هادي مسؤوليته مو مسؤوليتك إنتي !!
بالذات أمور الفرح و فرش البيت !!

و إنتي دحين سوي زي ما قلت لك ..
خليكي و إنتي رايحة و جاية بس كلي !!
و خلي الحلويات و الشيكولاتات على طول
جنبك و في شنطتك و أنشريها في البيت ..
عشان كل ما دخلتي غرفة تلاقي قدامك شيكولاتة و تاكليها !!
و زي مانتي حاطة في بالك إنك تنزلي السوق عشان تشتري
ملابس و حاجات .. حطي في بالك كمان إنه في كل نزلة للسوق
لازم تشتري لنفسك كيكة أو دونات أو سينيبون أو كريسبي
أو أي شي يكون موجود في السوق إللي إنتي فيه !!


و بالنسبة للجزمة أو الصندل ..
تبغي رأيي ؟؟
ألبسي صندل ..
أنا بصراحة أحس الجزم تعذيييييب !!
خصوصا إنك حتكوني واقفة كتير ..
و حتنقرص أصابيعك ..
و رجولك تعرق ..
و يجيكي كساح :23: !!
و تفضلي شهر تعاني من لبس الجزم هداك اليوم !!
أنا في ملكتي لبست صندل ..
و في الزواج إن شاء الله برضو حألبس صندل ..
أريح يا شيخة !!
بس طبعا صندل مرتب و كشخة ..
مو صندل خربوطي :23: !!
و أنا للآن مالقيت صندل أبيض و مرتب و حلو ..
و طبعا مو حلو أبدا إني أشتري فضي !!
أعععععععععع :09: ..
أنا شوفت عروسة لابسة فضي !!
صراحة حسيته مرة أععععععععععع !!


شوفي خطوات حلو في شباشب البيت و الصنادل الخفيفة
و الحاجات السبور حقت الخروج العادي ..

بس إذا تبغي حق سهرة .. أشتريه شوية فخم و مرتب
وأحلى لو يكون طقم صندل + شنطة ..
حتى لو بس تاخدي فضي و ذهبي ..

و روحي شوفي الجزم و الصنادل إللي في سيتي بلازا ..
قبل فترة روحت وكان فيه حاجات حلوة ..
ما أدري إذا دحين فيه ولا لا ؟؟


و أنا للسهرات عندي ..
صندل فضي بس يبغاله شنطة !!
و صندل دهبي كان معاه شنطة و أنفقعت :23:
روحت بيها فرح و دفست جوتها العطر و الجوال
و أقول يا أنا يا إنتي !!
و آخرتها أنفقعت قدامي فوق الطاولة !!
مع إنها جديدة ولا لحقت أستعملها !!
يعني يبغالي كمان شنطة دهبية ..

و عندي صندل بني + شنطته ..
ماله أي داعي في الحياة !!
أشتريته ومالبسته غير مرة واحدة و جالس مقرفني !!
و لا عندي ولا شي يليق معاه !!

بس برضو جديد !!

يعني دي كلها حاجات جديدة ما أتلبست غير مرة مرتين ..
وكلها غالية .. عشان كدة إن شاء الله حآخدها ..
بس يبغالي أشتري صندل أسود + شنطته ..
شي فخم كدة و مرتب لأنه الأسود سيد الألوان !!

و بالنسبة للشيكولاتة ..
كويس إنك أقتنعتي :) ..
عشان بس لا يمغصو لك بطنك !!

و حلوة حركة الجاتوه الصغير !!
عجبتني ..
شكلي أفكر أسويها !!
بس فين ينباع الجاتوه الصغير
و يكون لذيييييذ بالمرة ؟؟
يعني مو يكون مشي حالك !!

و إن كان عالمكسرات ..
أحسن شي توزعيه للحريم .. الفصفص :23: ..
و ماراح تسمعي غير طقطق تفف طقطق تفف ..
و حينبسطو و يدعو لك ..
و وقت ما تتزفي تلاقي ريحة القاعة كلها فصفص !!
>>>> رومانسية !!


و الطقم أبو 700 شكله و الله أعلم هو إللي بأقولك عليه ..
شككتيني في نفسي .. شكلي يبغالي أروح تاني و أشوفه !!
و ترى إذا عاجبك خديه ..
تراه لقطة و إقتصادي !!
أنا أفتكر إنه قال لي ..
قميص طويل + روب طويل ..
قميص قصير + روب قصير ..
بيجاما طويلة ..
بيجاما شورت ..
و يمكن سليبرز ..
و ما أدري أيش كمان ..
بس قال لي حاجات كتيرة ..
و زي ما قلت لك فكرته حلوة زي طريقة
Mix & Match يعني تلبسي دا مع دا ..
و تغيري دا مع دا !!
يعني كأنك أشتريتي كذا طقم × طقم واحد ..
و تقدري تنوعي في لبسه ..
فهمتي قصدي ؟؟

و أنا قلت لك لأني قردة ما لقيت مقاسي !!
>>>> قردة يااااااناس قردة !!

و إللي في الصواريخ قصدك إللي قالت عليه أميرة سعودية ؟؟
طيب كيف ؟؟
فيه شي عدل ؟؟
يعني يستاهل نروحه ؟؟

و يا بنتي إذا عالكراتين أرميها في الزبالة !!
أهم شي البضاعة كويسة !!
و حطي الحاجات في الشنطة !!
يعني إنتي دحين تبغي تودي كل شي بكرتونه !!
على كدة حتسوي في شقتك حراج !!
مو كله في الآخر بيترص في الشنط و يروح !!

و حريم أخوانك أيش دخلهم ؟؟
أصلا مالهم شغل يشوفو دبشك و أغراضك !!
نقص عليا والله أوري حريم أخواني الزفوت !!
>>>> زفوت = جمع زفت ( طلعت من الإنفعال ) !!
عساهم القرف !!

و إمبراطور الكوش ترى مرة خربوطي ..
و روحي و شوفي بنفسك !!
والله العظيم أنا شخصيا حسيته تريقة و مسخرة
و بيضحك على الناس و يستتفه عقولهم !!


و بالنسبة للصور ..
قلت لك أقنعيه .. و لو ما رضي ..
خلاص إنتي الأهم .. صوريه كم صورة جبر خاطر بس !!
عشان لا يزعل و يحقد ..
و خليه يطلع في الفيديو صوت و صورة بكيفه !!


بالنسبة للعطور ..
أنا للآن ما أشتريت شي ..
بس عندي عطرين جديدة و أستخسرت إني أفتحها ..
>>>> بتحوش عطور !!
لا والله من جد مو بخل ولا شي بس ماجات مناسبة
إني أفكها و أستعملها ..
فجالسة زي ماهي .. حتى ما أعرف ريحتها كيف !!



و الكورنيش قلت لكم سوو تصويت عليه !!
>>>> ما تنعطى وجه !!



و بالنسبة للسجاجيد إنتي إللي من جد يبغالك ضرب !!
عاد 3 بس يا بنت !!
أستحي !!
قولي 6 معقولة !!
حتى لو تعتبري مثلا 3 للحريم بشراشفها ..
و 3 للرجال بدون شراشف ..
بس إنك تاخدي بس 3 ترى مرة قليل ..
أفرضي جوكي ناس و أنزنقتي !!
أيش يقولو ؟؟
ما عندكم سجاجيد ؟؟


و بالنسبة للنافورة دي قصدك زي إللي في شوكولاين ؟؟
شوكولاين عندهم نافورتين ..
وحدة شيكولاتة بيضاء .. و وحدة شيكولاتة سوداء ..
شكلها لحاله يمي يمي و هي جالسة تصب كدة !!
بس لمن يحطوها للناس في الفرح ..
فين تنحط ؟؟


و بالنسبة لكاسة العصير ..
جات في بالي قبل كم يوم ..
بس ماني عارفة أيش أسوي !!
مافي أفكار ..
حتى بأفكر أسوي كاستين كريستال عادية ..
زي ما كانو يسوو زمان ..
و تتزين بشوية ورود و حاجات ..
و تطلع تمام ..

و إذا عندك أفكار جديدة و حلوة للكاسة قوليلي ..



سبحانك اللهم و بحمدك .. لا إله إلا أنت ..
أستغفرك و أتوب إليك ..


تحياتي ..
جــــــــداويــــــــــــة