يا داليدا و روززا تقريبا اخبار بورسعيد اية ؟؟؟؟؟ ياترى فيها هدوم بناتى حلوة ؟؟؟والاسعار ؟؟؟؟يعنى تستاهل انزل ولا لأ ؟؟ لانى كنت مسافرة بس محصلش نصيب وبفكر انزل اليومين دول ان شاء الرحمن

صباح الخير عليكو وطبعا كلكم نايميييييييييييييين وانا لسه منمتش اصلا
ارق يعنى عادى متقلقوش

كلكم وحشتونى بلا استثناء واخبار المقاطعة مقطعة الدنيا وزى ما قلتى يا هبه هايبر طلع جدع لقيت كارفور عندنا هنا برده عامل كده برده وفرحت اوى ان بقت فيه ايجابية حوالينا وعلى فكرة جزاكى الله خيرا على الدروس اللى حتديها لوجه الله وربنا يكرمك

ام ابيها حبيبتى تسلمى على الدعوة الجميلة يا جميلة

امول حبيبتى انا حبعتلك ع الخاص ان شاء الله عشان كلامك وجعنى اوى بجد يا امل لانى حاسة بيه اوى وعاصرت جزء كبير منه زى مانتى عارفة بعد وفاة ماما الله يرحمها بس ارجوكى متحرقيش اعصابك ومتستسلميش للحزن يا حبيبتى

ايناس الحمد لله اخيرا فهمت ايه علاقتك بالكورة كنت بدخل ملفات دون الاقيهم بيكلموكى ويدعولك واكتر حاجة توقعتها انك عضوة فى فريق كرة نسائى لكن بقى هما شرحولى هنا القصة من اولها فخلاص فهمت وحدعيلك معاهم ومش معنى كده انى مكنتش بدعى كنت بقول امين عشان الثواب بس مكنتش ببقى عارفة على ايه


دووووووووووووون حبيبتى بقى اخد منك الخيط واتكلم فى موضوع مهم اوى
هو احنا ليه مسيطرة علينا الكآبة
طب ونضيعها ازاى
انا عن نفسى مبحبش الكآبة لكن بسيبها تسيطر على ساعات كتير ودمعتى زفت وقطران قريبة جدا وهى احد منابع نهر النيل مش عارفة اعمل ايه
عندى فى العيلة اكتر من نموذج لناس كنت ببصلهم بانبهار وانى عاوزة ابقى زيهم مبيبطلوش ضحك وتهييس والله واى حاجة يقلبوها هزار بستمتع اوى بانى اقابلهم علشان افك شوية لكن لما برجع لسيستم حياتى العادى برجع تانى للتناحة
يعنى انا عاوزة ابقى كده
والله ما بهزر ناقشوا كلامى بجد
انا عاوزة ابقى زى الناس دول
عاوزة اضحك وافضى دماغى ومشيلش هم
اعمل ايه
عاوزة ابقى على طول مبتسمة ساعات ناس عبيطة تبص لتكشيرتى وتفتكرها تعالى
ببقى عاوزة اطحنهم لانهم جهلة ومش فاهمين ان ده مش تعالى ده روحى ههههههههههههه
اقصد ده هم مرسوم ع الوش فمكشرة
المهم
انا عاوزة وزسيلة احول بيها شخصيتى وحياتى
من انسانة يعنى متوسطة الابتسام والضحك
لواحدة مسخرة
مبتبطلش ضحك
هاه حروح انام واصحى اشوف ايه رايكم

صباح الفل عليكم وحشتوني والله اولا انا نسيت فايلي وبكتب هنا بس عشان كلكم هنا

اولا بشكرك قوي(ام ابيها ربنا يخليكي يارب والله دعيت بالدعاء انا ثقتي بالله كبيره جدا) وشكرا للحبيبه منى عبد العزيز انك دعيتيلي كده انا بقه عامله رابطة مشجعات لزوجي انا بقوله انت لازم تقعدني في البيت بدل البهدله دي وتديني راتب على التشجيع وتبعت لكل حبيبه ليا في المنتدى هديه لانهم كلهم دعولك طبعا عشاني بس بيفكر
دون وحشتيني جدا بورسعيد ليه انت بس امريني هبعتلك دسته ترنجات وكور بلا لبس بنات

اما بقه يا جماعه انا قاعده على اعصابي طبعا محدش لسه جيه الشغل وسمعت ان المدير دخل لصاحب الشغل وقاله يا انا يا المدام اينا وطبعا انا واثقه من انه اول ما هيدخل صاحب الشركه هيقولي يا الله مع السلامه ( ده الي هنعرفه بعد قليل )الي فيه الخير يارب سهلهولي والي فيه شر ابعدني عنع دعاوتكم يا جماعه عشان واضح انه هيقلب مسلسل مكسيكي على هندي

انا منتظرة هلول الباقي انا اول باذن الله ما يحصل شئ هطلعكم علطول

الله يستر

صباح الخير
كيف الأحوال .. ايه القعده الجميله دى ؟ بأه انتوا هنا قاعدين تشربوا وتكلوا وانا بقيت مواطن مطحون .. طول الأسبوع الى فات بجرى والحمد لله لسه مستقره دلوقتى وقعدت ااقرا كل الى فاتنى .. وحشتونى كلكم والله وانا عايزة كابتشينو بأه عشان افوء كده واشوف ادامى .. هه وآدى قاعده .. نودى حبيبتى وحشانى يا جميل .. انتى لما بتغيبى عننا فتره كده بقلق عليكى .. بصى يا جميل طبعا انا مش حقولك اكتر من البنات ما شاء الله عليهم قالوه بس انا راى ان طالما باباكى معاكى ومواااافق يبأه ملكيش دعوه بحد وشوفى حياتك حبيبتى وربنا يوفقك باذن الله ويكرمك يارب على رعايتك لوالدك .
هبه وحشتينى يا جميل .. جميل اوى موضوع الخياطه ده انا كنت سالت البنات قبل كده لو واحده تعرف بنت تيجى تعلمنى انا واختى فى البيت وكنت متحمسه للموضوع ده بس دلوقتى مكبره دماغى و مش عارفه ليه مليش نفس اعمل حاجه .. واضح ان حاله الكآبة دى حاجه فى الجو.
اينا مبروك لفريق جوزك وربنا معاكوا الماتش الى جى .. بصراحه انا كنت مش بتابع الكوره دى خالص ولا حد عندى متابعها بس بسبب الكأس الى عندنا اصبحت متابعه ماتشات مصر وعرفت شدة الأعصاب الى انتى فيها وكل ما اتفرج افتكرك واقول الله يكون فى عونك .. ربنا معاكى فى شغلك وان شاء الله خير وكل حاجه تعدى باذن الله وتهون
دندونه ازيك يا قمر ... اخبار المطبخ ايه ؟ مش حتجيبى لنا جاتوه ولا اى حاجه كده معاكى ناكلها مع ال tea الى فى الفيفتى ! بصى بأه انا ماعنديش اى معلومه اقولها اصل دماغى دلوقتى متنحه ومش فاهمه انا مين اصلا بس مش مشكله اول ما افوء ممكن ااقول لكم كل حاجه كل حاجه حتى مامت نابليون كانت اسمها ايه :)
مبروك علينا الملف الجميل

السلام عليكم
منمن ؟
سؤال بس انتي كاباتك من حاجه معينه يعني في سبب و لا كدهوه؟
و الناس قرايبك دول معندهموش مشاكل؟
جاوبيني بس و بعدين اقولك