صباح النور

منى ، حد يروح يعمل عمرة ويرجع تاني للاكتئاب بسرعة كدة قدامك 6 شهور على الأقل، بصي اكيد كل الناس عندها مشاكل بس في ناس بتداري وفي ناس مش بتعرف، وطبعا الشيطان ما يصدق ان الواحد اتنكد ويسود الدنيا في وشه علشان يحس انه ناقصه حاجة وبكده يجحد نعمة ربنا عليه، ربنا يفك كربك وهمك ويفرحك ويدخل السرور على قلبك

اينا

تمال احنا بنتكلم مع بعض ليه؟ علشان نتفش مع بعض بدل ما نتفرس، الدعاء ده جميل والله عن تجربة لدرجة اني كثير كنت اروح الشغل متأخرة وخايفة لأن غرفة المدير في وش الباب ولما اقول الدعاء بقدرة قادر تلاقي المدير في اى مكان غير مكتبه واعدي بسلام

أم أبيها كلامك مضبوط وأنا إمبارح شفت حلقة عمرو خالد كان محورها أننا نوضح صورة الرسول للغرب بشكل بين عشان يدركوا قيمة الرسول عندنا حسيت أنه عارف قد ايه الناس مشحونة وبيحاول يوجة طاقتهم فى ناحية تانية وبعدين يعنى معلش أنا ليا رأى فى الموضوع ده هو طبعاً أنا مش محتاجة أقول أننا ضد الرسومات دى بس للأسف إحنا المسلمين بردود أعالنا الهمجية اللى إدينا إنطباع إن الإسلام يدعو لكدة ورسولنا كان كل البعد عن دة طبعاً ده مش مبرر للى بيحصل فى الغرب بس أنا مؤمنه بمثل امشى عدل يحتار عدوك فيك .. إحنا برضة اللى إديناهم حاجة يشبطوا فيها.. والله يا جماعة أنا محبطة من اللى حاصل ده لما بقعد افتكر الرسول وحلقات على طى الحبيب وافتكر حكاياته وهو بيواسى الطفل الصغير اللى عصفوره مات افتكر اد ايه هو كان عظيم واد ايه هو اتهان .. ربنا يعز الإسلام والمسلمين ويعينا المرة دى ونثبت لرسولنا أننا أمته اللى اتربت على نهجه.

دون للأسف أنا معرفتش اشوف روزاريو لأن كان ظروفها ملخبطة شوية بالنسبة للهدوم والله مش قد كدة يعنى أن انزلت جبت كل هدومى من القاهرة أصلاً وكمان الحاجة غالية أوى بس التخفيضات بدأت هنزل على بكرة إن شاء الله وهقولك لو الأسعار نزلت شوية بس بجد لو عايزة تيجى بورسعيد استنى بعد الأمم الأفريقية ما تخلص والبلد تهدى أنت عارفة بورسعيد فى الشتا جميله الدنيا بتيقى هادية وبرد والبحر حاجة تهدى الأعصاب بجد.
منى أنا مقريتش أسباب زعلك بس بشكل عام الفترة دى صعبة شوية من ناحية العبارة وطبعاً قبلها موضوع الرسول ربنا يفرج كربتك وكربة أمة الإسلام ... ضاقت فلما اشتدت حلقاتها فرجت

صباح الفل والسعاده
أزيكم كلكم وحشتونى كتيييييييييير
ازيك يا إينا وحشتينى وطمنينا عملتى ايه مع المدير
ام أبيها ايه الأدعيه الجميله ده ربنا يكرمك وازى ياسمينا بجد بجد حاولى تقعدى معاها لما تبقى سنه ربنا يكرمك فيها
منى أزيك أنتى عندك حق فعلا رتم الحياة خلى حالة الأكتئاب عاليه شويه بس حاولى تكبرى دماغك علشان تعدى ولما تلاقى نفسك متضايقة اتكلمى مع حد تكونى بتحبى كلامه حتخرجى من المود ده على طول لأن واضح ان قلبك ابيض فهتنسى الزعل بسرعه

داليدا ازيك والله الواحد نفسه يعمل كل حاجه تغير فكرة الغرب عن العرب والمسلمين للأسف أن فكرتهم اننا بدو وليس لنا فى الحياة الراقية وفكرة الأسلام لو وضحت لهم بالصورة السليمة انا متأكده ان معظمهم هيسلم ربنا ينصر الإسلام والمسلمين

رانيا ازيك وازى ندى وجومانجى وحشانى جدا وكتير بكلمك على الماسنجر وانتى مش بتاخدى بالك بس بجد وحشتينى ودايما على بالى

دندون انتى فين مدوخانى وراكى

صباح الفل على الكل
ازيكوا عاملين ايه
كفاية كابة ارجوكوا احسن انا على الاخر
بصى يا اينا اطمنى الرزق على الله واللى لابنا كاتبه هتشوفيه وانا كمان بدعيلك عشان الماتشات اللى جايه

نودىربنا معاكى يا حبيبتى انا عايزاكى تكملى مشوارك عادى جدا لكن لازم اهم حاجة ان خطيبك يقى فاهم ان بعد الجواز هتواصلى اهتمامك بوالدك وانه عمره ما يقارن بينك وبين اخواتك ومين بيعمل ومين لا
كمان انا متاكدة ان اخوكى ربنا هيجازيه خير على اللى هو بيعمله
صدقينى يا نودى خدمة الاب والام هما احسن طريق فى الحياة والاخرة

منى كفايه كابه حاولى تبصى لاى حاجة حلوة عشان تخرجى من الحالة دى

ام ابيها وحشانى جدا وياسمين اخبالرها ايه
انا من راى لو تقدرى تقعدى مع البنت على الاقل لغاية الشتا ما يعدى يبقى احسن
غير كدة حاولى تدخليها حضانه كويسة حتى لو غالية لكن فعلا الاهتمام بيفرق وانتى اساسا فين
انا شغلى فى المهندسين لو عايزة الحضانه هناك انا ممكن ادلك

الى ام ياسمين 2 وحشانى جدا عاملة ايه

رانيا ازيك وازاى اولادك انا كنت قلقانة عليكى جدا لانى ياسمع عن الزلازل وال سيول وقلقانة عليكى جدا

يا ترى انا نسيت حد
معلش اعذرونى اصل دماغى مفوتة اليومين دول