السلام عليكم و رحمه الله و بركاته
صباح الفل على المدامات و البنوتات المكتئبين منهن و الضاحكات ( ايه رايكم فى السجع دة )
اينا حبيبتى كان الله فى عونك و بعد عنك كل شر يا رب و طمنينا ايه الأخبار
يا دون بورسعيد ؟ ما هنا فى كل حاجه ايه اللى عليكى بالمشوار دة كله هى فعلا بورسعيد حلوة اوى و جوها جميل و طبعا السمك فيها يجنن بس أنا رحت مرة اشوف الهدوم السنه اللى فاتت و الله ما جبت ليه غير شبشب فرو يعنى رايحه المشوار دة كله علشان شبشب فرو لكن جوزى هو اللى جاب حاجات لأن بصراحه حاجات الرجال هناك وقتها كانت حلوة اوى
أم أبيها أنا بقه نفسى أقعد فى البيت مش شايله هم مذاكرة و لا شغل ولا اى حاجه نفسى أنام من غير ما تكون دماغى شغاله يعنى من الآخر نفسى أتنح ادعولى ربنا يرزقنى ببيبى و آخد أجازة يا رب
نوووودى ربنا يفرج همك يا رب و يشفى والدك و يهدى لك إخواتك يا رب
يا بنات صوتوا فى اللينك دة ولا لسه؟
http://www.n-tv.de/630093.html
دة لينك كتباة إحدى الأخوات والله مش فاكرة اسمها طبعا و بتقول انه لجريدة ألمانيه بتسأل هل يجب الاخذ فى الإعتبار مشاعر المسلمين المهم تختاروا اول اجابه اللى هى ja و بعدين تدوسوا على abstimmen جزاها الله خيرا الأخت و ماتنسوش تدخلوا عليه و تصوتوا ان شاء الله
كل الرغى دة و انا صاحيه دماغى مصدعه أمال لو ماكنتش مصدعه كنت رغيت اد ايه؟

السلام عليكم يا بشر

وحشتونى مووووووووووووووووووووت
يعنى ينفع كدة اسافر و ارجع الاقى الموضوع اتقفل
و بعدين اعمل بحث و تيجو معايا بالصدفة
عيب عليكو يا وحشيييييييييييييييين
يلا سلام دلوقت

مبروكة عليكم المضيفة يانوودي يا قمر ...
وهاتي الكاتشينو ياللا

رانيا يا صباح الفل هو الحقيقة انا مش كئيبة بطبعى لكن تقريبا المشكلة انى حساسة اوى فنظرتى بتختلف عن نظرة الناس العاديين وممكن حاجات تضايقنى او تحسسنى بتراجع الرحمة والتسامح فى الدنيا تكون فى نظر ناس تانية ( حاجات هبلة )
اما قرايبى دول فاكيد عندهم مشاكل طبعا لكن هما ما شاء الله فانى اوى وبيعجبونى فعلا بس هى تقريبا فروق فى طريقة التفكير والتناول للاشياء

ام ابيها صدقينى العمرة واللى فاضل من زادها النفسى هو اللى بيصبرنى على الزهق من الحياة ومللها والحمد لله انا دايما بقول احنا احسن من غيرنا كتير لكن اللى بيخلينى افكر كده دلوقتى انى مش لوحدى انا عندى بيبى صغيرة وانا بسببلها هى اكتئاب لما ببقى انا مكتئبة وده حرام علشان كده بفكر فى الموضوع ده فهمتينى ...


داليدا ربنا يكرمك ع الدعوة يا قمر واحنا مستنيين تقوليلنا اخبار الاوكازيزن عندكم لانى فعلا احتمال انزل بورسعيد قريب قولى يا رب

ام ياسمين حبيبتى هو فعلا رتم الحياة وكم الاخبار اللى بنقراها كئيب اوى خصوصا انى من مدمنى قراءة الجرايد ومتابعة الاخبار فيمكن ده بياثر ع المود العام والله فاكرة ايام حادثة بنى مزار كنت كل ما امسك الجرايد اقرى عن الحادثة لحد ما بالليل عجزت عن النوم فى احد الايام من كتر ما اتاثرت بان فيه ناس نايمة فى بيتها فى امان ونزل عليها قضاء ربنا من حيث لا يدروا ... ربنا يرحمنا جميعا وشكلى حبطل اقرى الجرايد واقلب على ميلودى ومزيكا اروش .....

سمسمة عندك حق وانا مقتنعة اننا احنا اللى ممكن نخرج نفسنا من الكآبة والف شكر ليكى حبيبتى ...

واول محاولة للخروج من الكآبة دلوقتى
حخرج هنا تلعب فى النادى فى الشمس شوية لان الجو النهاردة حلو اوى يلا سلام

انا جييييييييييت

جيسيكا

ده بس من ذوقك والله وربنا يخلي لك ياسمينة بتاعتك

سمسمة

ما هو الشتا يا جماعة خلاص فاضل فيه الشهر ده وتقريبا نصف مارس، انا شغلي في المنيل، بس قولي لي في عندكم غفي المهندسين حضانة انترناشيونال صاحبتها انجليزية بيشكروا فيها جدا بس مش فاكرة اسمها ممكن لو تقدري تجيبيها لي وتقولي لي على تليفونهم يبقى جزاكي الله خيرا، على فكرة مكانها قريب من بيت وزير الداخلية

سكرة هانم

الف مبروك على الفرح مش كنتي تعزمينا يا بنتي انا متأكده انك كنت احلى عروسة

منى

ربنا معك

سامحوني لو نسيت حد