بجد خوفتيني يا لولو ، اقولكم على سر يا بنات ، زمان وانا صغيرة يعني 7 سنين تقريبا مرة شفت حاجة زى طائر حاولين لمبة النور اللي هى كانت سهاري وفضلت اقوللهم وما حدش شايف اللي شفته، ومرة تانية شفت خيال في الغرفة زى ما يكون حد واقف وكنا بالنهار وطبعا خفت ومن يومها والمشهدين دول مش رايحين من مخي، ربنا يحفظنا جميعا ويحفظ المسلمين خليها تشغل سورة البقرة في البيت باستمرار لأنها بتطرد الشياطين سواء هى موجودة او لأ لازم تشغلها على طول

وصاحبت المتوفية دعيت لها والله ربنا يرحمها ويحسن اليها

بما ان الشئ بالشئ يذكر عاوزة افكركم ان دائما واحنا بنغير هدومنا نقول بسم الله الرحمن الرحيم علشان ما تبقاش عورتك مكشوفة لحد انتي مش شايفاه، ودائما تقولوا اذكار دخول الحمام والاستغفار عند الخروج منه

عليكم السلام و رحمة الله و بركاته

أختي العزيزة ام جودي، اولا ربنا يرحم صحبتك برحمته الواسعة و يغفر لها و يسكنها فسيح جناته

اما بالنسبة لموضوع صحبتك التانية، فالله أعلم بطبيعة الموقف ايه، بس المواقف دي موجودة و احنا عارفين اننا مش عايشين لوحدنا على الارض. المهم ان صديقتك دي تحاول تشغل قرآن على طول في بيتها و تقرا قرآن كتير هي و زوجها و يقربوا من ربنا اكتر و يستغفروا و اذا كان عندهم صور في البيت او معتادين على تشغيل الاغاني كتير و ملهيين بالدنيا عن دينهم يحاولوا يقربوا أكتر من ربنا لان في الحالة دي مفيش حاجة تقدر تؤذيهم. و على فكرة فيه حالات من السحر بيظهر فيها أشياء للشخص المعمول له السحر اما مجسدة على هيئة بشر او حيوانات او خلافه لكن الشخص اللي ايمانه قوي و لسانه دايما منشغل بالقرآن و ذكر الله بيتخلص من مفعول الحاجات دي بسرعة و مش بتقدر تؤذيه او تسيطر عليه. و ربنا يرحمنا برحمته و يحمينا من شر و كيد كل حاسد و حاقد و ساحر. فيه كمان مجموعة الرقية الشرعية من 4 شرايط كاسيت يا ريت لو صحبتك تشتريها و تشغلها كاملة في البيت باستمرار و متخافش لان الخوف هو مدخل الحاجات دي للانسان، هي بس تفكر في ربنا و تستعيذ بيه من الشيطان و تردد القرآن كتير و ربنا يحميها

ام ابيها، احيانا الاطفال بتكون حساسة لبعض الحاجات و عشان كده احيانا بيتم استغلالهم في جلسات التحضير و خلافه، المهم بدون توسع في الكلام ده ممكن يكون ما رأيتيه خيال او وهم طفلة و ممكن يكون حقيقة، المهم حاولي دايما انك ترددي قرآن و تشغليه و تحفظي منه ما تيسر لك و ربنا يحميكي و يحفظك من كل شر

انا عاوزة اقولك ياام ابيها على حاجة وانا من يومين بقطع الطماطم على لوح التقطيع لقيت دخان طالع من بين صوابعي رحت نادها لجوزي قلتله انت شايف الدخان دا قاللي دا جاي منين قلتله مش عارفة؟؟؟؟
هو عشان عارف اني خوافة قاللي دا عادي قلتله ازاي يعني قاللي لكل شئ سبب علمي
انا مش مصدقاه بصراحة

يانودي انا بخاف قويييييييي