يا الاء بلاش تركزي اوي مع كل حاجة، عشان متخوفيش نفسك و تملي نفسك قلق ممكن يضرك. انتي حاولي انك تحصني نفسك بالاذكار و زي ما قلنا نداوم على قراءة القرآن و خصوصا سورة البقرة و نشغلها في البيت كتير و نحاول نخفف من الحاجات اللي بتساعد على تواجد الحاجات دي زي تشغيل الاغاني باستمرار و الصور او التحف على شكل تماثيل و غيره من الحاجات اللي بتخلي البيت فيه من الشياطين اكتر ما فيه من ملائكة، و استغفري دايما و خلي ذكر ربنا على لسانك دايما. و بعدين يا ستي ممكن الطماطم كانت خارجة من التلاجة سقعانة شوية قامت خبطت في حرارة الجو طلعت بخار، و خلاص خلصنا!!! بلاش قلق و متحطيش الحاجات دي في دماغك، اللي بيخاف من عفريت بيطلع له، و ما عفريت الا بني ادم. ياللا يا قمر، خلي بالك على نفسك و على جوجو السكرة :)

ممكن

لا يا ماما متخافيش من حاجة، اللي يخاف من حاجة يخليها تتملكه، لكن اللي يقاوم الخوف جواه و يكسره يقرب من ربنا اكتر و ايمانه يقوى، انتي عاوزة تبقي مين فيهم؟؟؟؟ اكيد عاوزة التانية، يبقى نقرب من ربنا بالذكر و الاستغفار و الصلاة و الدعاء و نكون على يقين ان ما من شئ يضرنا الا بإذن الله تعالي، اوكي يا حبي؟؟؟ مفيش خوف و لا قلق طول ما لساننا رطب بذكر الله، "ألا بذكر الله تطمئن القلوب"

و اشوفك بكرة انتي و بقية البنات على خير لاني مروحة دلوقت، ياللا في أمان الله

السلام عليكم جميـــــــــــــــــــــــــــــــــــــــــــــــــــــعا
مروة
ان شاء الله تبقى كويسة بس انا من كتر ما شفت وسمعت عن العمليات بخاف منها جدا ولو حاجة بسيطة ان شاء الله تقومى بالسلامة
نودى مرسي يا جميل مستنين نتائج البحث
jenan
انا اعرف فرع روكسي امام حديقة الميريلاند فوق سوبر ماركت كبير ومشهور اسمه رويال هاوس
http://avonegypt.com/
ده الموقع بتاعة ممكن تشوفى فيه رقم التليفون والعناوين وكمان العروض بتاعتهم
(انا مش عارفة دى تعتبر دعاية ولا لأ بس والله انا مش مشتركة معاهم وبطلت اشترى من عندهم من زمااااااااااااااااااااااااان من ساعة ما اتجوزت مش عارفة ليه :) )
لؤلؤة
حمدلله على السلامة افكارك للحضانة حلوة اوى
بس مش هاتنفع مع بنتى
منى
انا شخصيا مقتنعة بفكرة الحضانة جدا للطفل وسن بنتك ما شاء الله مناسب جدا توكلى على الله وجمدى قلبك
انتى بتقولى ما شاء الله بلاى سكول حلوة وجنينة والعاب كل الحاجات دى مش بتتوفر للاطفال فى البيت
وزى ما قولتى مش ممكن هانخرجهم نفسحهم كل يوم ده غير التعامل مع الاطفال اللى فى سنهم اللى بيعلمهم يبقوا اجتماعيين وفى حاجة اسمها المشاركة مش انا وبس
بس بصراحة الحضانة بتنظم مواعيد الطفل جدا فى الاكل والنوم
وبيشبعوا غريزتهم فى اللعب والتنطيط لعب الطفل لوحده او مع مامته غير مع اطفال من سنة
بس هيا فترة متعبة فى الاول وخاصة فى سن بنتك وانها اتعودت تبقى معاكى طول الوقت بس معلش جمدى قلبك كده وكل يوم اقعدى شوبة معاها لحد ماتتعود على المكان والالعاب والمشرفة اللى معاها وان شاء الله تبسط وتتعلم حاجات حلوة فى المدرسة


نودى العملية بتاعتك دى تنفع تنزل فيلم كوميدى فى السوق :))
فاطمة نفس الفيلم ده شوفته قبل كده:)
انا بقى دخلت العمليات مرتين والاتنين كانوا افلام رعب والحمد لله
:) ربنا يكفينا واياكم شر العمليات

لولو ربنا يرحم صاحبتك ويرحم اموات المسلمين ويرحمنا جميعا
الله اغفر للمؤمنين والمؤمنات الاحياء منهم والاموات
وزى ماقالولك البنات صاحبتك التانية خليها على طول تشغل قرءان وهى وجوزها على طول يذكروا الله
وربنا يحفظهم بقدرته ان شاء الله

وبعد فيلم نودى الكوميدى
وبعد مالعبنا شوية مع هنا فى البلاى سكووول
لقيت المضيفة قلبتها افلام رعـــــــــــــــــــــــب ليه يا بنات كده ماتصلوا على النبى (اللهم ما صلى عليك يا نبى)
واذكروا الله (لا اله الا الله)
غيروا الموضوع ده بقى وبلاش نخش فى السكة الغيبيات دى ربنا يحفظنا

ااقولكوا على حاجة بس ماتضربونيش
انا مبسوطة من حكاية منع اكل الفراخ دى
اصل انا مش بحب اكل فراخ ولا بيض وكانت ماما وحاليا زوجى العزيز بيضغطوا عليا عشان اكلها عشان مغذية ولازم اكل بروتين وخاصة لما كنت حامل وبعد كده عشان برضع والقصة اللى انتوا عارفينها دى
دلوقتى بقى مش باكلها بأمر الحكومة وماحدش يقدر يتكلم :)
ماله الكشرى والعدس والفول والبحريات انا بحب السمك والجمبرى والسيبيا جدا (ربنا يستر عليهم)