صباح الفل على كل الحلوين كل عام وانتم بالف خيربمناسبة المولد النبوى الشريف انا عايزة اقول حاجة سوف اعملها احتفالا بمولد الرسول انى سوف احدث اولادى عن النبى علية الصلاة والسلام

ازيك يا نبيلة
وانتي يا هيام

آه يا هيوم انت وقعتي في غلطة ، دلوقتي يا بنتي هتلاقي امة لا اله الا الله تفضل تقوللك الاحتفال بالمولد النبوي لا يجوز حرام حرام ، وكده يعني فقبل ما حد يقول عاوزة اقوللكم انا بقى كل سنة وانتم طيبين الشيخ الشعراوي الله يرحمه كان مرة قال الاحتفال في المناسبات الدينية وتقديم الحلوة جائز ومستحب كمان بالذات علشان الأطفال تكبر تلاقي مناسبة دينية مرتبطة في ذهنهم بحاجة حلوة لحد ما يكبروا ويفهموا يعني ايه رسول الله، صلى الله عليه وسلم الف صلاة وسلام عليه وانا بقى ايوة هاحتفل وهاعيد على اناس كمان بنية حب رسول الله

اديني سبقت بقى وخلاص وهاخد لي ساتر من الشباشب اللي هتترمي دلوقتي

السلام عليكم يا بنات يا حلوين
طبعا ما حدش فاكرنى انا ولاء بقالى مدة مش بدخل بس بقرا بانتظام كلامكم لكن ابنى يوسف الله يهديه مش مخلينى اعمل حاجة
دلوقتى انا عايزة اخد رايكم فى حاجة اا عايزة افطم يوسف لو تتذكروا انا من الاسكندرية و عايشه فى القاهرة يعنى هنا لوحدى
ماما بتقولى لازم تكونى فى اسكندرية علشان تفطميه خاصة انه متعلق بالرضاعة جداااااااااااااااااااا و انا و هو لوحدنا على طول و مافيش حد حتى بيرن علينا الجرس المهم انا كنت مقررة انزل اسكندرية الاسبوع ده و افطمه هناك و كان جوزى حياخد اجازة و نقعد من بكرة ليوم الاثنين هناك لكن زوجى عنده مشاكل فى الشغل كتير من الاخر قرفان و انا كمان زهقانة جدا فانا فكرت نروح اى مكان تانى خاصة انى فى اسكندرية بقعد فى البيت برضه او لو خرجت لازم ارتب خروجة نخرجها كلنا سوا
مش عارفه بحسها ع يب انى اخرج لوحدى و اسيب اخواتى البنات او ماما خاصة انهم محبوسين برضه فبيصعبوا على و كمان لازم بقى زيارات عائلية من بيت لبيت وما بيكونش فى وقت لكل ده انا بكون محتاجة انى استمتع بالاجازة مع زوجى لانى مش بشوفه ولا بقعد معاه كتير
طولت عليكم صح؟
المفيد انى فكرت اروح فى مكان اخر غير اسكندرية و فى نفس الوقت افطم ابنى انا عايزة انى حتعب لوحدى بس انا قلت ممكن يتلهى فى الفسح و كده
اولا انا عايزة اعرف من تجارب الامهات ازاى فطموا اولادهم
ثانيا قولولى رايكم اروح اسكندرية ولا اروح حته تانية الغردقة مثلا او شرم
قولوليلى بسرعة علشان احضر نفسى و اعرف اعمل ايه
شكراااااااااااااااااااااااا

ام ابيها ليه بس كده ولا شباشب ولا حاجه وانا فعلا شايفه ان الواحد طالما مش بيعمل حاجه غلط او فيها شرك يعني يبقى خلاص
وبالذات واحنا بره هنا لازم اعمل كده حتى لو مكنتش باعمل كده في مصر علشان يوسف يعرف ان احنا اعيادنا حلوه برضه واحسن من اعيادهم كمان

بنات عايزه اقولكو حاجه
شوفتوا اول مذيعه محجبه في تلفزيون الدنمارك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟