ازيك يا لؤلؤة

طبعا يا بنتي فاكرينك، اسمحي لي اساعدك ولو اني لسة ما فطمتش ياسمين

اولا ابدئي بالتدريج حاولي يكون هو اللي رفض يعني مثلا طول النهار تأكليه حاجات وهو ما طلبش يرضع كده يعني ، هو عنده قد ايه يعني افتكر انسب وقت من سنة ونصف لسنة و8 شهور

في نوع من الأدوية بيتاخد علشان ينشف اللبن عندك، ما تفطيهوش بعد ما تفطمي الولد لأنك لو شفطي هيتكون لبن تاني انتي اتركيه واعملي عليه كمادات مياه دافية وخدي الدواء ، ممكن تسألي الصيدلي عليه

بالنسبة للولد بالليل هيتعبك فحاولي تخففي الرضاعة بالليل على قد ما تقدري، يعني خليها توصل رضعة واحدة

باختصار ما ينفعش تقولي هافطمه النهاردة وخلاص، لازم بالتدريج

اما موضوع اسكندرية فأنا اموت في اسكندرية في الوقت ده يا سلام هادية وجميلة ونظيفة ومن غير استغلال البياعين، طبعا شرم كمان تحفة والحقيها قبل ما تولع من الحر

اهلا ام يوسف، هو انتم عندكم حلوى المولد؟

يا بنتي تلاقي ناس كل حاجة محرمنها وعاوزة اقول لهم بقى الافراط في تحريم كل حاجة غلط جدا وفي منتهى الخطورة لأنكم لو حرمتم حاجة هى مش حرام تبقوا غلطوا وهتتعاقبوا ولا تحريم الا بنص يا جماعة

ام ابيها طبعا عندنا حلاوة المولد عندنا محلات عربي فيها كل حاجه
وحاجات بتبقى صنع في مصر كمان وبتبقى احسن من اللي كنا بنجيبها من مصر لانها مخصصه للتصديييييييييييير
اما بخصوص الفطام فده حسب كل طفل يعني مثلا ابني كان في الفتره الاخيره قبل الفطام مش بيرضع غير علشان ينام بس سواء الظهر او بلليل فاول يوم جبتله كتاب كبييييير مليان الوان مبهره جدا وفيه قصص لقبل النوم وقعدت احكيهاله لحد ما نام وبعدين بقى يصحى يزن شويه صغيرين ويرجع ينام تاني
وانا كنت ساعتها اعلنت الطواريء وجبت ماما عندي وافلام كده بس الحمد لله الموضوع عدى على خير وكان عادي جدا
الظريف بأه انه بعديها بكام اسبوع جاتلي مرات خالي وعندها بنت صغيره لسه بترضع فدخلت الاوده جوه علشان ترضعها قام يوسف دخل وراها عارفين عمل ايه؟؟؟؟؟؟؟؟؟؟
جابلها الكتاب بتاع القصص واداهولها وقعد يشاورلها عليه وعلى البنت علشان يعني تقرالها الكتاب بدل ما ترضعها من الاخر!!!!!!!!!!!!!!!!!!!!!

ازيكم يا بنات
لو سمحتم في واحدة صاحبتي عايزة عناوين ملابس مقاسات كبيرة لكن حلوة
هي صغيرة بس مليانة شوية
اللي يقولي لة فرررررررخة لما انزل على الصيف
ممكن تدلوني لكن في القاهرة بس
شكرآ

هههههههههه، ضحكتيني على ولدك يا أم يوسف، ما شاء الله ربنا يخليهولك، انا بس عاوزة اقول لها في ناس بتحط حاجة علشان البيبي يقرف يرضع

اوعي تعملي كده لأنه كده هيحزن عليكي وعلى الرضاعة كمان ولو تركتيه مرة واحدة هيفضل طول عمره حاسس ان الخير هينقطع عنه فجأة زى حليب الأم