فيه واحده زميلتى هنا مامتها دكتوره بتشتغل فى وزارة الصحه هى الى كلمتها وقالت لها تنشر الخبر !!

انا معاكي يا دون، بس الفكرة ان حتى لو فيه ناس قدرت تجيب مية معدنية لكل استخدامات المياه اليومية بخلاف الشرب و الاكل، ففي ملايييييييييييييييييين ميقدروش يجيبوا مية معدنية يتوضوا بيها او يغسلوا ايديهم. عموما انا عرفت من بعض المصادر ان التنبيه كان بخصوص زيادة نسبة الكلور في المياه بغرض زيادة تنقيتها تحسبا لأي قلق، فكان الهدف من التنبيه مش ان المياه فيها فيروس انفلوانزا الطيور، لكن التنبيه ان نسبة الكلور حتكون زيادة فالافضل الانتظار عدة ساعات قبل استخدامها. عموما ده اللي حصلت عليه لحد دلوقت و ربنا يستر على الجميع، شعبنا بسيط و مش كل الناس وصلتها المعلومة و مش كل الناس تقدر تستبدل مياه الحنفية بمياه معدنية

اللهم ارفع مقتك و غضبك عنا
اللهم ارفع مقتك و غضبك عنا
اللهم ارفع مقتك و غضبك عنا

كلامك مظبوط يا نودى والله 100 مية وانا معاكى بس بدام فية خبر ولو حتى كان اشاعة غظب عننا لازم نحترمها والموضوع مؤقتا لمدة 7 ساعات فقط

بليز شيرى يعنى مامة صاحبتك قالتلها ايه بالضبط, وعلى اساس ايه تنشر الخبر, اذا كانت وزارة الصحة نفسها هىاللى بتكذب الاشاعة,وبعدين يا شيرى هو فعلا الجهل وصل لدرجة ان الناس ترمى الطيور النافقة فى النيل, انتى متعرفيش الناس دى غلابة قد ايه؟ وقد ايه الازمة دى سببتلهم رعب والاكتر من كده انها اثرت على لقمة عيشهم, وسبتهم متلخبطين, بس الاهم انه يارب الحكومة تفضل جنبهم وتاخد بالها من اى محاولة من التجار لرفع سعر اى سلعة غذائية لان الناس دى على قد حالها بجد وفى منهم كتير اللى عايش على رغيف العيش الحاف

يا بنات انا لسة مكلمة وزارة الصحة وقالوا لي فعلا في ناس رمت الفراخ على الشطوط فعلشان تحسبا للتلوث مرفق المياه زود نسبة الكلور في المياه وطهرها وطبعا اكدت لي ان مياه النيل بتتعقم اكثر من مرة قبل ما تنزل في الحنفية وكل الحكاية ان مش مستحب تستخدمي المية دلوقت علشان الكلور باين فيها وبنسبة عالية، بس بصراحة انا اترعبت كده يبقى السمك كمان ملوث بقى ولا ايه.؟