طب مية الشرب وعرفناها والسمك يا جماعةو عاوزين حد مختص يفيدنا انا اصلا دخت على بال ما ردوا عليا على طول مشغولين ونسيت اسأل على موضوع السمك

يا جماعة دي مش أول حيوانات نافقة تترمي في النيل. مش عاوزين بس نهول المسألة و عاوزين نفكر بالراحة و بالعقل، النيل مقبرة للحيوانات النافقة على امتداده من سنين، و اسباب نفوق الحيوانات متعددة، و لعلمكم اليومين دول الحمى القلاعية اللي بتصيب المواشي منتشرة في عدة محافظات و الفلاحين متعودين الحيوان اللي بيموت بيتخلصوا منه في النيل لان دي اسهل حاجة عندهم. يعني النيل مليان بلهارسيا و امراض تانية كتير احنا مش عارفين عنها حاجة. اما المية اللي بتوصل لنا في الحنفيات فبيتم تنقيتها و تكريرها عشان تصلح للاستخدام و بيبقى فيها نسبة معينة من الكلور. كونهم زودوا نسبة الكلور النهاردة لمواجهة قوة الفيروس لانه لسه غامض و مش معروف درجة قوته الحقيقية، فده مش لازم يعمل هلع بالشكل ده، بالعكس ده تصرف سليم و التنبيه بعدم استعمال المية مؤقتا لارتفاع نسبة الكلور بيحصل في مناطق كتير لما بيكون فيه اي مشكلة في المية، لكن مش معنى كده اننا حنعيش عالمية المعدنية و ان مية الحنفية خلاص بقت موبوءة

يا جماعه عند أخويه فى العمارة واحدة من السكان خلت البواب يعدى على شقه شقه و يقولهم إن الخبر صحيح لأن أخت الساكنه دى بتشتغل فى وزارة الصحه و قالتلها الكلام دة مظبوط و وزارة الصحه مقلوبه على حد قولها و إن الموضوع دة هيآخد من 12 ساعه إلى 3 ايام يعنى بقه الواحد يصدق مين ولا مين
اللهم إرفع مقتك و غضبك عنا ولا تؤاخذنا بما فعل السفهاء منا

يا هاله ما الاعلام الجميل بتاعنا عمالين يقولوا ويزيدوا.. بس الناس مش بتفكر زى بالظبط وقت البلهارسيا وادى ضهرك للترعه .. فاكره ؟ كانت الناس بتعمل ايه كانوا بيقفوا يغسلوا بردوا بس وهما مديين ضهرهم !! هما غلابه اه ماحدش قال حاجه وكلنا مروعبين بصراحه مش هما بس .. بس دلوقتى احنا مش مقفولين ولا قرى صغيره زى زمان ! ده كله بيتكلم وبيتفرج والقواهى كلها مشغله الدش والفضائيات يعنى مش معزولين يعنى بيسمعوا وبيعرفوا الى بيحصل .. يبأه ليه كده ! والأسعار حتولع حتولع ده اكيد وربنا يكون فى عوننا

يا ام ابيها، الناس جالها هلع و ضخمت الاشاعة و قلبتها لحالة ذعر، مع ان كلام وزارة الصحة سليم و منطقي و اجراء سليم تماما و كويس انهم نفذوه. اما مسألة السمك، فمن المعروف ان قبل كده كانوا حذروا ان اي مرض بيلقطه السمك من المياه بيتركز في الخياشيم و مش في الجسم نفسه، و الله أعلم