عليكم السلام و رحمة الله و بركاته

اهلا يا ام باسل، انتي كمان وحشتينا و كنت حازعل لو مجيتيش تشربي معانا الشاي

يا رب تكوني بخير انتي و الاولاد و صحتكم كويسة

الفاتحة

يا بنات على ضحايا العبارة

يا صباح الفل والسعادة
انتوا هنا والله وانا قلت النور ده جاى منين قلت يادى الهنا فيه براد شاى على النار عملت الكيك وجيت جرى اشربه وياكم
احسن انا نفسى فى هدنة كبيره مش عايزة اعمل اى حاجه لأنى هلكانه
وحشتونى جدا جدا جدا فكرتك زى السكر زيك يا أموله انا كنت زعلانه قوى علشان مش عارفه اتكلم معاكم بجد بجد وحشتونى كلكم
اموله ودندون وهبهوبتى ورواء ومنى ورانيا وام ابيها وموتى هى فين ولافلى وكل الناس اللى لسه ماجتش كلكم وحشتونى
بما انى محرومه من الرغى بقالى كتير افتح الراديو بتاعى شويه بقى
أولا يأموله هو فعلا بيبقى فيه شوية غيره من الولاد على البنت وكمان والله من الأب على بنته أن فيه راجل تانى هياخدها وأنا جربتها وده احساس طبيعى مش عايزاكى تقلقى منه واهم حاجه ان بابا فى صفك ودايما لما بيقرب ميعاد الزفاف بيبقى فيه مشاكل من كل الأنواع والأشكال بس الشاطر اللى يستحمل ويعديها معلش بعد ما يتم بأذن الله هتحسى براحه وتنسى كل الأمور ده ربنا يوفقك ويعملك الخير والصالح يارب

هبه حلو مشروعك ربنا يجعله فى ميزان حسناتك

انا بقى نفسى احل المعادله الجميله اللى مش لاقيه لها حل يعنى القرار الجميل بتاع يوم اجازه وزيادة عدد ساعات العمل لما اى واحدة ترجع بيتها بعد الساعه 4 الظهر وعندها اولاد محتاجين مذاكره وشرح وفيه أكل لازم يتعمل وشقه لازم تتوضب ومواعين تتعمل وغسيل يتغسل وبتصحى الساعه 5.30 صباحا تقدر تستحمل لمدة قد ايه من غير ماتقع او تتعب انا الحقيقه بحاول احل المعادله بس بالنسبه لى صعبه علشان بيبقى مجهود كبير بدون راحه او نوم مين يقدر يفضل صاحى من 5.30 صباحا حتى الساعة الواحدة بعد منتصف الليل يعنى نوم حوالى 4 ساعات فى 24 ساعه ومش من حقك اى اعذار او اى تعب يبقى ازاى ترضى كل الناس وانتى نفسك وامنية حياتك حد يراضيكى يبقى الحل ازاى

دندون وحشتينى جدا ومعلوماتك حلوه بس الحقيقه انا حاليك خليت مخى فى بيات شتوى علشان استريح شويه بس أول ما فاتكر معلومه هقولها على طول
ممكن أقول واحده على الماشى فيه فى مركز البحوث زيت زيتون بيعصروه طازه للى عايزفيه لبن صويا بطعم الفواكه كاتبين عنه انه فيه فوايد كتير جدا بس الحقيقه طعمه ............يالا بالشفا

سبحان الله وبحمده سبحان الله العظيم اللهم انى استغفرك واتوب اليك واشهد ان لا اله الا الله وان محمد رسول الله

مين يقدر يفضل صاحى من 5.30 صباحا حتى الساعة الواحدة بعد منتصف الليل يعنى نوم حوالى 4 ساعات فى 24 ساعه ومش من حقك اى اعذار او اى تعب يبقى ازاى ترضى كل الناس وانتى نفسك وامنية حياتك حد يراضيكى يبقى الحل ازاى
بقالى .....؟؟...... سنة بسئل نفسى السؤال دة بالرغم انى مبشتغلش وبنام ساعتين فى ال24 ساعة ولما الاقى اجابة حرد عليكى

انا دقت تالبن الصويا والكفتة الصويا والبورجر الصويا والبفتيك الصويا وفعلا فعلا بالف هنا وشفا :icon33:



المعلومة بتاعتى اليوم فية 24 ساعة ومش مقضيين :(

هههههههههه

ضحكتيني يا دون والله على ال 24 ساعة، اصل انا بدأت الاحساس ده يجي لي

هبة

انا هنا يا جميل وانت كمان وحشتيني

منى

والله عارفة قصدك ايه، ربن يهدي لك العاصي ويحبب فيك خلقه

امولة

اعذريني مش لحقت ارد عليكي اليوم كنت في المطبخ ومش سمعتك، ربنا يعينك فكرتيني بنفسي قبل الفرح كان هيجيلي انهيار عصبي الحقيقة انهم نجحوا يجيبوولي في الخطوبة فقررت في الفرح ما اسمحش لحد يعكنن عليا وبقيت اسمع من هنا وافوت من هنا على قد ما اقدر ، معلش حاولي