تسلمين وكل عام وانتم بخير الله

والله عجبني الموضوع خصوصا لأنو يخص بنات المدينه (يعني الي مو بلمدينه يروحو برا مالهم شغل ) امزح بس بغيت اسوي زي البنات الصغار
المهم لا اطول عليكم انا عندي شوربة لرمضان حتعجبكم مرررررررررررررررره اسمها شوربة الدجاج بالشعيريه المقادير
دجاج مسلوق مع شويه بهار وملح /شعريه على حسب ما تحبي انتي يعني تحبي الشعيريه كتيره او قليله او وسط عاحسب/بطاطا مقشره ومقطعه مكعبات وسط مو صغيره يعني /بهارات
الأن جيبي الشعيريه وكسريها واقليها بشويه سمن حتى يصير لونها ذهبي ثم اضيفيها الى الدجاج المسلوق ومن ثم اضيفي لهم البطاطا وطبعا تكون مرقة الدجاج كثيره نوعا ما واضيفي لهم الملح والبهارات ومن ثم حطيها 3/4ساعه عالنار يغلو او حتى تحسي انو البطاطا استوت طبعا تشوفيها وقدميها ساخنه والله يابنات انصحكم جربوها تراها لذيذه مره

وهذه طريقة سمبوسة هندية انشاء الله تعجبكم : 3ك دقيق+1مb P+حبة صغيرة بطاطس مسلوقة+2م سمن+1م ص ملح+ك ماء وتعجن فى العجانة وتتركنصف ساعة يحضر خلالها الحشو: لحم مفروم عصاج+ح بطاطس مكعبات صغيرة مقلية+2جزر مكعبات صغيرة مقلية +نصف م صبودرة الكارى +1فلفل حار+ربع حزمة بقدونس مفروم تفرد العجينة بعد تقطيعها كور حجم البيضة وتقسم قسمين وتحشى وتقفل ثم تقلى في زيت ساخن

ماما تسوي مطبق فول رهييييييييييييب ومرررررررة سهل!!!!
شوحي بصل وثوم في قدر الين يحمروا بعدين حطي فوقها طماطم مقطع وكزبرة مفرومة وقلبيها ..
افتحي علبة فول مدمس في قدر (أنا أحب اللي بالخلطة السرية) وأهرسيها بالشوكة .. لا تخليها تصير مرة ذايبة .. يعني بس اهرسيها شوية ..
حطيها فوق الكشنة وبهريها ببهاراتك العادية بس أنتبهي عشان الفول أصلا مبهر ..
حطي فوقها ليمون أو خل أو أي شيء تحبيه يحمض الأكل .. وكمان فلفل حار .. يعني خلي الفول حامض ومفلفل ..
جيبي الرقاق حق السبرينغ رول وحطي ملعقة فول في النص وطبقيها زي المطبق .. انتبهي لا تخلي العجينة تكثر يعني قللي التطبيقات عشان طعمها ما يصير كله عجين ..
حطي شوية زيت في طاوة على النار وحطي المطبق فيها واحدة واحدة وحمريها على الجهتين .. انتبهي خلي النار متوسطة عشان ما ينحرق من برا ومن جوة العجينة ما استوت ..
هذه أكلة بابا المفضلة في رمضان ..
بالعافية :)