:44:ماعندنا الا بقاله وحده ويقولون ماعندهم الا خشب بس ماهي مشكله اذا النتيجه وحده :cook:

اهلا عزيزتي فتاة سورية ....

انا كنت مثل حالتك احب المعمول وما عندي اي شي لا ادواته ولا طريقة عجينته ولا شي ...

اول مرة جربت عملت العجينة والتمر قمت منه البزرة وفرمته بماكينة الكبة وممكن انت تعجنيه بشوية سمنة وفوق نار هادية فبصير طري بالايدين وما تحتاجي لفرمه

المهم

عملت كرات من العجين متوسطة وحطيت بقلبها كرة صغيرة من التمر واغلقتها وسويتها بيدي على شكل قرص مفلطح قليلا
يعني غير المدور
كيف الكبة المشوية بيعملوها مفلطحة بس طبعا بتعمليه أصغر بكتير ....

وصدقيني مو صعبة أبدا ...

بعدين جبت شوكة وحززته من الجوانب بشكل هندسي حسب رغبتي ...

مو بس هيك كمان

كنت عاملة معمول بالفستق كمان

وعملت تزيينه بالشوكة غير المعمول بالعجوة وكان فعلا من اطيب المعمول اللي دقته بحياتي ... لاني تعبت فيه كثير وبالتالي انبسطت فيه كثير ......


ولما بيتوفرلك محل عربي جيبي تمر معجون خالص يباع على شكل باكيتات متوسطة الحجم وسعرها رخيص حوالي دولار ونصف .....

واذا بدك ببقى بكتبلك طريقة العجينة والحشوات صدقيني اطيب من المحلات الجاهزة ......

وسواقة 3 ساعات مو صعبة ابدا المهم كل كم شهر روحي وجيبي غراضك أحسن ما تضلي بلا غراض وخزنيهم بالبراد , وفي كتير من رفقاتي اشتروا فريزا خصوصي للاغراض العربية واللحمة .....

على فكرة كنا انا وزوجي نسوق 8 ساعات لنوصل على ميشيغن من نيويورك لحتى نجيب غراضنا .....

صحي نهلك على الطريق بس ضل مبسوطة كم شهر على الغراض العربية .....

وبالتوفيق ان شاء الله

اخت دمشق الفيحاء

الله يعطيك العافية واكيد ان شاء الله اذا زبط اول شي رح اعمله ان اكتبلك الطريقة

اخت خيال

خشب احسن من ولا شي ....صح ........... قولي الحمد لله لقيتيه ويلا ورجينا شطارتك

اختي شام
مية اهلا وسهلا ومرحبا فيكي


والله فرحت بمشاركتك كتير كتير ... والله يعطيك العافية

واكيد بدي المقادير والطريقة بالتفصيل لان اول مرة رح جرب اعمله .... وبصراحة فكرة تزين المعمول بالشوكة ذكية كتير وماخطرت ببالي ابدا .......... ماشاء الله عليك

يلا ادعي لي يزبط معي وانبسط فيه انا كمان لان مابتعرفي ولادي اشقد بحبو المعمول عند الفطور وانا بنبسط اذا اكلوه لان مغذي ومفيد .............. وانا كمان بحبو كتير ونفسي عن جد اعرف اعمله

والحقيقة انا صار فيني هيك وخلص الاكل العربي من عندي لان الموقع الي كنا نشتري منه المأكولات العربية سكر فجأة وزوجي مشغول كتير هالكام شهر ومابصدق يطلع له يوم اجازة .......... تخيلي في يوم اجازته الي ما بصدق متى يجي لحتى يرتاح فيه اجي انا اقول له بدنا نروح على شيكاغو .......... غير سواقة 3 ساعات ..صوات ولاد وهلكان وتاني يوم عنده شغل ................. صعبة ماهيك

لذلك بدي مشي حالي من هون وهون لحتى يعدوا الكام شهر ....وان شاء الله بعدها بنتشجع ونروح على شيكاغو ..... انتي بس ادعي لنا نفضا وتجينا الهمة وخصوصا على ها البرد

على كل حال شكرا انك عطيتيني شوي من وقتك وانا بانتظار الطريقة............ والله يجزيك الخير..............ز وضلي طلي علينا كل شوي ما تنسينا

إن شاء الله عزيزتي أكتب الطريقة بأسرع وقت بإذن الله تعالى .....

والله بعينك على استفقادك للإغراض العربية

ويا رب ييسرلك امورك ويخترلكم الخير ...

تحياتي

:23:عزيزتي إليك الطريقة والمقادير جلبتها لك من هذا الرابط :

http://forum.hawaaworld.com/showthread.php?s=&threadid=6898

اييييه على إيام زمان ومشاركاتنا بمنتدى الطبخ القديم ........:23:

على كل حال .

عجينة المعمول والعجوة :

1 كأس سكر بودرة أو عادي(يذاب بالماء)
5 كأس دقيق (تعادل كيلو)
2.5 كأس سمن بلدي (نصف كيلو)
2 م ص خميرة خبز أو بيكنغ باودر
ماء للعجن
-----------------------
الطريقة:
يفرك الدقيق مع السمن
-تذاب الخميرة بالماء وتضاف إلى الدقيق مع السكرو الماء الكلفي للعجن
-يخلط الجميع حتى تصبح العجينة قابلة للرق
-تلف وتترك في مكان مدة 15 دقيقة
لتستريح
-------------------------
تستعمل في عمل المعمول والتويتات والأقراص بعجوة(بصراحة انا جربتها وطلعت ممتازة )


اما العجوة فتنظف وينزع منها النوى وتفرم بماكينة الكبة وتحمر قليلا بالسمن إن أحببت ...

يمكنك عمل المعمول كأقراص صغيرة وتزينيها بالشوكة غن لم يتوفر لديك القالب المطلوب أو بغمكانك رق العجينة بشكل مستطيل ووضع العجوة عليه مبرومة بشكل عصا ويلف العجين عليها ويقطع قطعا صغيرة وترصف بصاج مدهون بالسمن وتخبز بفرن متوسط الحرارة ...

ويمكنك رشه بقليل من السكر البودرة عند تقديمه ....:21::21:


وبالهناو الشفا إن شاءالله