الاخت الغالية رقيقة ...حياك الله
عزيزتي طريقة اللف تكون كالتالي ...
يكون شكل العجينة مستطيل ...وفوقها العجوة بنفس الحجم .. نلفها على شكل رول او اسطواني ثم نضغط عليها باليد
حتى تصبح منبسطة ... مع ملاحظة عدم لفها لاكثر من ثلاث طبقات .. حتى لا تصبح سميكة ..

اتمنى ان يكون الشرح واضح يا رقيقة :27:

الاخت الكريمة matbakh ..تسلمي عيوني وحياك الله :26:


الاخت الكريمة لؤلوة ...حياك المولى ...
شكرا لكِ على كلماتك اللطيفة ..والله يجزيها الخير ام خالد :27: ..
عزيزتي ...نبدأ ..اولا بالنسبة للون الفطائر اذا قصدك تكون محمرة نتيجة الخبيز ..عادي خليها وقت اطول شوي بالفرن ..انا بيكون لونها محمر وجميل ..وما بدهنها بيض . ولا زيت بعد الخبز
اللي بدهنه زيت هم بس فطائر السبانخ بيكون لونهم ااحمر ويلمع ..وممكن عدم دهنهم ..
بس انا هيك كنت بشوف امي الله يسعد مساها .
وخذيها قاعدة اذا بدك فطايرك تكون دائما طرية ولينة بطريقة رائعة ..قومي بلفهم بكيس نايلون بعد اخراجهم من
الفرن بقليل ..يعني لما تكون حرارتهم دافئة لفيهم بكيس نايلون وشوفي النتيجة .

بالنسبة للسمك ..انا عادة بحشي البوري او السلمون للعزايم اللي فيها عدد كبير نوعا ما ..
فالبوري في لحمة وما في شوك وطعمه لذيذ .

بالنسبة للجزر ... حتى ما تستصعبي حفره عليكِ وضعه في ماء مغلي ..بحيث تحفريه وهو يكون دافي
يعني ما بينفع تحطي بالماء المغلي وترجعي له بعد فترة ..بيكون برد وما بينفع ولكن لما بيكون دافي
بيكون التحكم فيه اسهل واسرع ..

بالنسبة للمعمول .. انا مثل ما حكيت ممكن اعجنه بحليب وكمية الحليب بتكون لكل كيلو سميد نحتاج الى كوب حليب ..
ممكن يحتاج اقل او اكثر حسب نوعية السميد ...
يعني لما تعجني لا تحطي الطوب مرة واحدة حطيه على دفعات حتى يتكون معك عجينة طرية ممكن تشكيلها بسهولة ..
واذا صار وكانت العجينة كثير طرية وصعب الشغل فيها ممكن تضيفي القليل من الطحين حتى تتماسك العجينة ..

وحياك الله بأي استفسارات او اسئلة .

من المعلوم أن هناك خبز له مذاق خاص ونكهه ذات طابع ياسيل لها لعاب يخبز في الطابون
والطابون هوعباره عن فرن مصنوع من الطين ويكون على شكل قبه وهناك أفران مصنوعه من الطوب الحراري: سؤالي ماهى مقادير العجبنه المصنوع منها (الإكماج)
مع كل الإحترام لجميع الأخوات السؤال موجه الى ماما رويده بصفه خاصه والى جميع الأخوات بصفه عامه

عزيزتي الاخت .....matbakh
تحية لكِ ..وحياك الله
بالنسبة لخبز الطابون .. عجينته بتكون مكونة من الطحين والماء والملح والخميرة ..يعجن بحيث يكون طري
وليست جامدة ..عندما يخمر نقطعه دوائر ونضعه على سدر مرشوش بالدقيق ..نتركه يرتاح قليلا ..
ثم نأخذ قطعة العجينة ونلوحها بين اليدين حتى يتكون رغيف نضعه بالطابون حتى يحمر ..
طبعا الطابون يكون في قاعدته حجار صغيرة ..نسميها ..الرظف .. تكون حرارتها عالية ..يتم وضع العجين عليها

هذا خبز الطابون ..
اما خبز الكماج ..فهو ايضا عجينة نفس مكونات العجينة السابقة ولكن بتكون اجمد ..
بعد ان يخمر نقطعه دوائر ونرقها ونتركها ترتاح وهي مرقوقة ..ونخبزها في فرن الغاز ..او الطنجرة الكهربائية
الخاصة بالخبز .
والف صحة وعافية :27:
وأي اسنفسار من عيوني

مشكوره وماقصرتي عزيزتي ماما رويدة على الرد

تسلم عيونك ماما رويدة كنت محتاجاكى ساعدتينى كتييييير