تسلملي عيونك يا رب يا ماما رويدة

تسلمي يا ماما رويدا ذكرتينا ببلادنا

اهلا فيكِ اختي ام عبد الرحمن ... حياك الله ..
وان شاء الله ترجعوا للبلاد عن قريب يا رب ..
بارك الله فيكِ


الاخت مس شيف ...
نكمل معك طريقة عمل المقادم ... ارجل الخروف ..

اول شي بتجيبي ارجل منظفة ..مثل هيك





بتنظفيهم كمان مرة بعد ما تعرضيهم للنار حتى تنحرق بقايا الشعر ..
وكمان بتقضي على ريحة الزنخة ..
بعد هيك بتنظفيهم بالملح والليمون والدقيق ..جيدا ..
ممكن تقطعيهم من النص ..وممكن تتركيهم مثل ما هم ..كيف بدك ..
بعدين بتحطيهم على النار وبتسلقيهم وبتضيفي عليهم بصل ..هب هال ..ورق غار .
لحد ما ينضجوا ..
بدهم حوالي نص ساعة الى ثلاث ارباع الساعة من حد ما تبدأ الطنجرة تصفر (اذا استخدمتِ طنجرة ضغط ) واذا طنجرة عادية بدهم شي ساعتين او اكثر شوي ..
بعد ما ينضجوا ..
ممكن تضيفي لهم لبن جميد او لبن رايب معه شوية نشا بيعطيه نكهة ازكى اللبن ..
وبتخليه يغلي لمدة عشر دقائق ..
بعدين بتعملي قدحة ثومة . وبتحطيها عليه ..
ممكن تعملي جنبه رز .. وممكن تعملي فتة ..
الفتة مكونة من

خبز محمص ..بتربيه باللبن وبتحطي المقادم عليه وبتزيني بالصنوبر ..

فتة بطريقة اخرى ..
بتشربي الخبز باللبن .. وبتحطي شوية رز
بعدين بتخلطي لبن رايب مع شوية طحينة مع ثوم وفلفل حار
وبتحطيهم على الوجه ..وبتزيني باللوز او الصنوبر ..
والف صحة وعافية ..


في ناس بيجيبوا الامعاء ..بينضفوهم مليح ..وبعدين يلفونهم على الارجل ..
وبيخلوهم ينضجوا .. بس هاي الطريقة غلبة ..
خلينا على الاولى اهون ..
والف صحة وعافية .
بتخلطيهم

ماما رويده أريد منكي طريقة الكعك الفلسطيني من عشرين سنه كانت عندي طريقه رائعه من عند سيده فلسطنيه وهي تعجن بالزيت الزيتون ولكن ضاعت ممكن ترسليها على الخاص

تسلم الايادي يا عسل