الى رودين والحلويييين... جاتكم عجينه السينابون القمه..للقمه فقط..حياكم

هلا والله برودين والحلوين... هذي هي العجينه اللي وعدتكم اياها للسينابوووون...يالله... بسم الله

المخاسير:-:09:
12 جرام (2 ملعقه شاي ) خميره - نص كوب ماء دافئ- نص كوب حليب يسخن الى درجه الغليان ثم يترك ليبرد - ثلث كوب سكر - ثلث كوب زبده منعمه - ملعقه شاي ملح - بيضه - 3 ونص - 4 اكواب دقيق جميع الاستعمالات
للحشو:
1 م . ك. زبده مذابه - 3 م . ك . سكر بني - نص م . ص. دارسين (قرفه).
الطريقه:
- تذاب الخميره في الماء الدافئ في اناء واسع للعجن.
- يضاف ويخلط الحليب والسكر والزبده والبيضه والملح وكوبان من الطحين.
- يضاف مقدار من باقي الدقيق حتى تبدا العجينه في التكون.
- تنقل العجينه الى سطح مرشوش وتعجن زيييييييييين لمده 5 دقايق ..حتى تصبح ملساااااء...
- توضع في اناء مدهون تو تقلب ليصبح الوجه المدهون لاعلى!
- تترك لتتخمر لمده تقريبا ساعه ونص.
- تضغط... يعني عطيها بووكسسسسسس وخليها ترتاح شويه كمان..ههههه
- الحين يالحلوه... رقيها الى مستطيل 30 في 15 - شوفوا الدقه!!- وادهني بالزبده ثم انثري السكر مع القرفه... الحين اعميلها اشكاااال مثل الحلزونيه او اي شي... عاد تفنني بالعجينه الرووووووووووعه..
- الحين بعد ما شكلتيها... خليها ترتاح الراحه الاخيره!! ههه يعني اممممم 30 - 45 دقيقه.. حسب حراره الجو...( عندنا في مسقط .بررررررد!)
- خبزيها عاد لمده 12 - 15 دقيقه ما تاخذ وقت كثير...
عواااااااااااافي من بدااااااااااري...

ملاحظاتي00000
بصراحه عن نفسي طبقه نفسس الكلام ماعدا الاتي
بدل من نص حليب ونص ماء ....خليتها كلها حليب دافئ!
- الخميره زدتها شويه لانه الجو عندنا بااارد
- الكوب المستخدم هنا هو الكوب المعياري...
- كوب الحليب اللي اضفته اعتقد انه كثير .. لاني زدت كميه الطحين عن المطلوب.. 4 اكواب.. يمكن حطيت 4 ونص - 5 اكواب طحين.... مره ثانيه بعملها ب ثلاثه ارباع كوب حليب يكفي.... لانه مثل ما تعرفوا انه الطحين يخلتف في قدرته على امتصاص السوائل!.
بس بالرغم من كذيه والله وربي انه العجينه رهيييييبه.. للسينابووون والدونات بالفرن او المقليه... انا ما جربت الدونات... اما السينابون! شي والله شي... اجربها في يوم للدونات واخبركم ان شاء الله
الحين دعوه حلوه كذيه..... وعيييييد سعيييييييييد:)