انا عندي درس عن الوجبات السريعة لثالث متوسط ويتكلم عن اسباب اقبال الناس عليها وطرائق تحضيرها والاضرار الصحية والنفسية والاجتماعية الناتجة عن تناولها وتعبت وانا ادور على افكار ووسائل تساعدني لكن للاسف مالقيت اتمنى تساعدوني لاني في ورطة و بأقرب وقت ممكن ارجوكم لا تطنشوني ومشكورين:(

في سي دي اسمه الغذاء الصحي في بعض العروض عن الغذاءالسريع و الصحي والفرق بينهم يمكن يفيدك
وفي كمان صور للوجبات السريعة في سي ديهات موسوعة الصور
وبالنسبة لمعلمات التدبير انصحهم الرجوع لمجلةطبيبك في الدروس النظرية ترى جداااا خطيرة وفيها معلومات جديدة واحدث الدراسات يعني اب ديتنج انفورميشن والبنات لاحظتهم يحبو الاخبار الجديدة عن الاكل وكمان تكلمي عن الريجيم وعلاقة الجمال بالغذاء ومافي مانع تقوليلهم وصفة او اثنين ترى تكوني ساعتها تعزفي على الوتر الحساس وهذا كله يشدانتباه الطالبة كمان في مجلة قددددديمة كان اسمها موسوعة الاسرة كلها عن الغذاء بس للاسف مالقيتها في الاسواق لكني صورت كم عدد واستخدمها الى الان والمعلومات اللي فيها خفيفة ولطيفة وحلوة
كلميهم عن ازمات التغذية انا بصراحة اكلمهم عن اسلوب المشاهير واقولهم اسماء شخصيات معروفة واقلهم عن نظامهم الغذائي وانهم ليه مو باين عليهم السن كمان كلميهم عن تجاربك الشخصية في الغذاء بس انتبهي لا تتبسطي مع البنات زيادة.. بمعنى لاتقلبيها سواليف عشان مايفقد الدرس معناه .. حلولما تلاحظي البنات مشدودات لحديثك وانت سيدة الموقف صدقيني المعلومات ماراح تتنسى ابدا ..
وسلااامتك
دعواتك بليز