الله يحفظك ويخليك لبنتك وخليها لك ..

أهم شيء دائماً يكون بينكما حوار هادي حنون عن شئون البيت

تدخل معك المطبخ وتكوني تشتغلي ويدها معك وانتي تحاوريها في

أشياء محببه لها عن أمورها وهي صغيرة وكيف كنتي تحبينها وفرحانه فيها ..
وبهذه الطريقة بتكون متقنة لكل اعمال المنزل ..ولكن تحت أشرافك

عمل سندوشتات ...حلى سريع ..سلطة مرتبه وكيف تزينها ..

ترتيب صحون المائدة والمناديل والكاسات ..
وبعد سن العاشرة أعتمدي عليها في بعض الاطباق الرئيسية مع إشرافك
غير المباشر ..
وحاولي تقدمي للضيوف من عمل يدها وأمدحيها أمامهم حتى تكتسب
الثقة وتتقدم للأحسن ..ربي يفرحك بصلاحها .

يااختي الله يصلح بنتك ويهديك

ترني معصبه عليك السنعه تسنع نفسه لو ان امها موب سنعه
والرفلا ماتسنع لو امها اسنع الناس

وياما شفت بعيوني

صح للام دور بس الدور الكبير على البنت نفسها

ومعليش ان كنت ثقلت عليك

والله يصلح ذريتك ويعجبوني الصغار السنعات

بالتدريج حبه ..حبه
اول شي علميها ان غرفتها هي المسؤله عنها وعن نظافتها ..وترتيب سريرها..ودولابها.. لاهتمام بنظافة الادراج
المساعده في تر تيب السفره وجلب الصحون والملاعق والسكاكين والاكواب
ترتيب ادراج المطبخ السفليه
مسح الطاولات والمرايات في المنزل بطريقه الصحيحه
ترتيب الاحذيه في الرفوف المخصصه لها
مسح السيرميك لو انكب فيه شي في حينه
مسح بقعه على الجدار لو توسخ في حينه
تنظيف سطول الزباله وتلبيسها بالنايلون وتوزيعها في المنزل

آولآ..آنتي آهم شي عوديهآ على نظآفتهآ هي آلشخصيه وركزي عليهآ وخليهآ دآيم تهتم بنفسهآ وبنظآفتهآ وبملآبسهآ وبكل شي يخصهآ..
ثآنيآ ..خليك شغآله قدآمهآ وخليك نظآميه وعوديهآ ع آلنظآم آهم شي لآن لو مآشتغلت وشآفتك آنتي تحرصينهآ عن آلغلط مثل لآتكب شي ع آلموكيت آول مآينكب شي تجيب لك آلفوطه وآلبخآخ وتمسحينه قدآمهآ آو تخلينهآ تمسحه زين لآتدخل بنعآلهآ لآتسمح للآطفآل يعبثون بآلبيت وكذآ هي بهآلسن بتبدآء تتفتح على آشيآء دقيقه ومهمه بنفس آلوقت وهو آهم شي آلنظآفه بعدهآ كل مآكبرت بآلسن أبدئي علميهآتدريجيآ على آشيآء ع قد سنهآ مثل لآوصلت لـخآمس آو سآدس عليمهآ على آلقهوه آلشآهي وإذآ وصلت مرحلة آلمتوسطه ممكن تعلمينهآ آلطبخ تدريجيآ وبكذآ تطلع آسسسسسسنع بنت لأنك مآدآهمتيهآ ولآفآجئتيهآ بشي بآلعكس علمتيهآ تدريجيآ وبدون تعب لآ عليك ولآعليهآ..
آلله يخليهآ لك ويخليك لهآ..
ع فكره آنآ آكره آلحرمه آلي تتكل على بنآتهآ آلصغآر آحسهآ {رفلآْ}وآتقرف منهآ قسم بآلله لآلآلآحد يزعل بس وجهة نظر ويآليت آلكل يحترمهآ..

خواتي انا كلهن سنعات ماشاءالله معلمتهن امي وهن صغار عن شغل البيت يوم جابتن ولتن اختي ودلعتن وصارت ماتخليني اشتغل ومالمس شي وكبرت وتخرجت وانا ماعرف اصلح الا اندومي وشاهي وقهوه وبيض وبس واقول لاتزوجت يسهل الله وصرت ماحب المره اللي تخلي بناته يشتغلن لاني اكره الشغل وابي كل ام دلع بنته >>>>امحق نصيحه
بس انصحك دلعيه احس رحمته ان شاءالله تشوفينه تشتغل بيت رجله >>>تتكفخين على هرجك

ودايم لاقالي احد اشتغلي كيف تتشتغلين بيت رجلك اقولهم بيت شعر محفظتنياه جدتي الله يرحمه حيل لامي مالي حيل وحيل لرجلي كلي حيل>>>انا قايله تتكفخين
اتمنى تتقبلين ردي من غير هوااااااااش لاني مليت من هواش خواتي يبنن اشتغل باستشناء اختي اللي كانت مدلعتن وسبب خرابي