الي تبي كراواسان مثل المخابز تدخل بسرعة

السلام عليكم ورحمة الله وبركاتة
تبون كراواسان مثل المخابز طيقات وبنفس الوقت طري ؟؟؟؟

عيل خلونى احكيلكم قصة قصيرة
انا وحدة تموت في شي اسمة كراواسان
وما تركت وصفة كراواسان الا وجربتها
ودائما تفشل
الين ماعلمنى واحد شيف صاحب زوجي الطريقة الصحيحة للكراواسان
لالالالالالاكن لازم تطبقي الوصفة لاتزيدي ولا تنقصي
ولازم يكون عندك ميزان علاشان تضبط المقادير تمام
يعنى الي ما عندها ميزان تروح تشتري

المقادير
1-1كيلو طحين هذا بعد التنزيلات لانة اعطانى 8 كيلوا لانة يشتغل في مخبز
2-150 جرام سكر علاشان اللون الذهبي
3-150 ج زبدة
4- 200 م حليب سائل
5- 50 ج خميرة لاتتفلسفي وتقولى كثير
6- 10 ج ملح
7- ماء بااااااارد للعجن
8- زبدة او مارجرين (انتبهي كل 2 كيلوا من الطحين يا خذ 550 ج من الزبدة او 700 ج من المارجرين لان المارجرين اخف لازم تزيدى )
تخلطي المقادير كلها مع بعض وتعجنيهم بس لالالالالازم تعجنيها عدل
بعدين تحطيها ( بالفريزر ) ربع ساعة

بعد ما تطلعيها اشرخيها(((( والله ما حصلت كلمة مناسبة الا هذي الكلمة خخخخخ )))بالسكين علي شكل علامة زائد + وفكيها مثل الوردة وافرديها بالنشاب شوئ فتصير عندك علامة زائد كبيرة
حطي الزبدة او المارجرين وقفليها وافرديها وبعدين دخليها الفريزر ربع ساعة او 20 دقيقة
وكرري العملية 3 مرات
يعنى افرديها ا ودخليها الفريزر ترتاح
وبعدين طلعيها قطعيها علي شكل الكراواسان واذا حبيتى احشيها
وخليها تخمر

هاااااااااام


1-هذى العجينة تصلح تتخزن في الفريزر لمدة 3 اشهر
2- اذا تريدي النتائج المذهلة اعجنى الععجينة عدل يعنى طالعي التلفزيون واتسلي عليها وانت تعجنيها
3- انا عن نفسي جربتها 2 مرة بس الاحظ انها ما تصلح في نفس اليوم يعني اذا خزنتيها بالفريزل واستخدمتيها ثاني يوم تطلع طبقات نفس المخبز اما نفس اليوم ما تصير طبقات
4- لم تطلعيها من الفريزر خلي الثلج يسيح منها وتتخمر بعدين دخليها الفرن هذا في حالة التخزين

5- اخيرا الفرن لالالالالالالازم يكون حار مسبقا علي درجة حرارة 160 وتكون في الرف العلوى (انا عن نفسي فرني صغير )
6- انا تعبت من الكتابة اي استفسار انا جاهزة
7- امانة الي تجربها تجول لى النتيجة :cook: