الي مرت بنفس تجربتي تكفون لاتطنشون

بنات
انا بعد الولادة بشهرين صرت مااحس بطعم الحياه وكل شي صار غريب علي مااحس بسعاده ولا شغف مااحس بلذه عبادتي ولا شي
احس مابي اسوي شي مااحس بحبي للحياه زي اول
انا ماكنت كذا بعمري كله ابدا

ايش الحل؟؟

ياااااااارب اخرحني من هالحاله عاجل غير اجل يارب
ماادري وش السبب

علما ان الحاله مستمره معي
والان لي ٧ شهور

اكتئاب ولادي
كثري تسبيح كثري منه ودعاء بين الاذان والاقامه
وتغذيتك انتبهي لها كلي زين لان احيانا نقص المعادن له دور
مثل نقص الملح يزيد المشكله بس مو يعني تكثرين خليك طبيعيه
لان بعضهم تكتئب وما تا كل وينقص عندها الصوديوم
واضغطي على نفسك لاتطيعينها
ويروح مع الوقت باذن الله
حتى لو سبع شهور بعضهم اطول منك في المده

ممكن هذا اكتئاب مابعد الولاده
عادي كلها فتره وراح ترجعين للحياه زي أول
كثري قراءة قرآن
كثري ذكر
اقري سورة البقره كل يوم
كثري من دعاء يونس عليه السلام
ادعي دائما رب اشرح لي صدري ويسر لي أمري
اشغلي نفسك بأي شي مفيد
حطي لك هدف واسعي ليه مثلا حفظ جزء من القرآن
او مشروع تسويه تبدين فيه من البيت حتى لو بسيط او يدوي
اقري كتب مفيده
تصدقي
حاولي تسوين عمل تسعدين فيه شخص حتى لو بكلمه ايجابيه
لاتستسلمي للاكتئاب واليأس
هذي دوره طبيعيه طبقي اللي قلت لك وراح تخرجين منها بسعاده أكثر وطاقه اكبر
الله معك عزيزتي🤍🌺

ماتشوفين شر .. طهور بإذن الله ..
بصراحه واضح والعلم عند الله ..
اكتئاب مابعد الولادة ..
مو محتاجه نصايح .. قد حاجتج لدكتورة نفسية .
تعطيج تمارين او ادويه حسب حاجتج .
لاتهملين نفسج او تستحين من زيارة الدكتورة النفسية .
حالها حال اي دكتور يعالج المرض عضوي .
وعسى الله يشفيج ويشرح صدرج 🌺