السلام عليكم ورحمة الله وبركاته
انا عمري 14 سنه هاااه عجووز صح خخخخخخخخ
شوفوا انا ابغى انصح الامهات نصيحه الاولاد ماادري عنهم بس ترى البنات مستحييييييييييييييل يجي معاهم اسلوب العنف وكل ماقسيتوا عليهم بيزيدون اما لكلمتيهم بهداوه ورواقه والله العظيم شئ ثاااااني والله انا احيانا لما اجلس عالكمبيوتر اقول ليه ماادخل الشات مااحد شايفني ايه يلا ولما اتذكر امي وكلامها ولما اتذكر البنات الي ينفضحون الله لايبلانا بسبب اشياء صغير ممكن تكبر وممكن انا بدخول هالشات اضيع حلم عيله كبيييييييره والاهم تحدي الشيطان والله العظيم احسني بمعركه كل ماافكرت اقول اخص يالشيطان والله مااخليك تضحك علي ماني لعبه انا عارفه ان يمكن البعض يضحك بس هاذاي الحقيقه ونصيييييييييييييييييييحه نصيييييييييييييييييحه انكم تكثرووون من الجلسات مع بناتكم انا اعتبروني مثل بنتكم او اختكم حتى مو معقوله ان وحده من بناتكم تجي وتطلب منكم انكم تكلمونهم او كذا لالاحنا يالبنات احب ماعلينا لاسوينا الغلط نقول تستاهلون انتم ماحذرتونا واللوم يصير عالام والله العظيم اني كل شووي احب امي اكثثثثثثر واكثثثثثثثر ويزيد غلاها بقلبي لكثر جلساتها معي ونصحها وانا من النوع الي ينصحني هو الي احبه لانه مهتم فيني وامي رغم كثرة مشاغلها تداوم معانا وترجع الساعه 4 العصر تبدل ملابسها تروح النادي وترجع 7 المغرب بس رغم كل هذا ماادي كيف ارد لها بعض معروفها وجميلها الي ماانساه معي وانصحكم ياامهات اكثرووا الجلسات مع بناتكم ترى بالمرحله هذي مثلي قبل كاننا بطريق ظلااااااااااااام ونبغى الي يقودنا وامي داااااااايم تقولي ترى انتي بالهعمر ورقه بيضاااااااااااااء ووش رايك ياحبوبه بالورقه البيضاء لو ينقط عليها نقطة حبر اكيد بيتغير شكلها بنظرك صح ترى انتي مثل هالورقه لدرجه مره كنت مسجله بمنتدى وارسلي شاب رساله يبغى يتعرف يمكن قبل كم شهر قمت ابكي بشددددددددده ويوم جت امي واقولها قالت ياحبيبتي انتي خلاص اقطعي المنتدى ولاتردين ولاشئ خلاااااااص والله العظيم ان المنتدى ليومكم هذا يحرم على ان دخلته وانتم صيروا مثل الصديقات لبناتكم واتمنى ان اذا بنتكم سوت خطا وعرفتوا لاتهاوشوني لالاانصحوهم لانكم لو هاوشتوهم لو سووا خطا مره ثانيه يقولون اكيد لو نقول لامي بتهاوش وتصير مصيبه

وطبعا ماانسى نصايح عمي الي يقدمها لي مثل الذهب الخالص

واتمنى اني مااطولت عليكم واني مااتطفلت بجلستكم بس حبيت اعطيكم نبذه عن الي
نفكر فيه احنا يالبنات واتمنى اني افدتكم والسلام خير ختام

بسم الله الرحمن الرحيم
السلام عليكم ورحمة الله وبركاته
جزاكم الله خيرا على هذا الطرح القيم ...
لا يكاد يخلو بيت من هذه الفئة من العمر ( مرحلة المراهقة )
وكونها تعتبر منعطف خطير في حياة المراهق وذويه ومجتمعه ...
فلا بد من الاهتمام بها بدرجة عالية

أقترح أن يتم تلخيص أهم مشكلات المراهقة التي تعاني منها أغلب الأسر
ومن ثم مناقشة كل مشكلة على حدة ..
من خلال ذكر بعض المواقف الواقعية أو المفترضة
ومن ثم تداول الآراء حول مواجهة تلك المشكلة
بشيء من الموضوعية والواقعية دون مبالغة في المثالية

على سبيل المثال لو أخذنا مشكلة " العناد "
لا بد من تناولها بشكل واضح ومتكامل الجوانب
وذلك بذكر أشكال العناد والأشخاص المتضررون منه
مع الاستشهاد ببعض المواقف الحاصلة مع البعض
وكيف كانت ردود الأفعال تجاهها ومن ثم كيف تمت مواجهتها والحد منها

ليكون هذا الموضوع مرجعا شاملا وقيما يحوي المختصر المفيد
وبإذن الله لي عودة
بالتوفيق

ما شاء الله عليك ياحبيبت عمك
والله كلامك حكم
انا ماني قادره اصدق انك 14 سنه
يعني قد بنتي
اتمني من الله تعالي ان تكون ابنتي برجاحة عقلك (ما شاء الله)
انا احاول قد ما اقدر اني اكون قريبة منها , بس هي الله يهديها تثور بسرعة.
وما تعطيني فرصه
والله قلبي يتقطع عليها مرات . لانها دايما تبغي تنفذ اللي براسها
ما تدري ان الدنيا ........................................خذ وهات
الله يهدي جميع بنات المسلمين

موضوع مهم وكنت افكر اطرحه الله يوفقك يا جنا انا مثلكم اعانى من تربيتهم اكثر شى متعبنى الا حترام والهيبه يرفعون صوتهم على وعلى ابوهم حنا مانبغى نتعامل معهم بالضرب والتوجيه مانفع معهم خصوصا الكبير دائما ثائر وصوته عالى

بالنسبة لي ومثل ماقالت اختي جنا ان الدعاء اهم شيء
والله الهادي يعني مهما سويت دون دعاء ما يمشي الحال
والله اني احيانا تكون الدنيا مصككة مع كل وجة ولن بعد لجوئي الى الله
سبحانه وتعالى سواء بالدعاء او الاستغفار اجد ان ولدي حمل وديع وما كأنه هو

حبيبة عمها انا ماعندي بنات واعتبريني امك واي حاجة تبين تستفسرين عنها لا يردك الا لسانك


طبعا عشان الموضوع يبلغ الهدف المنشود عندي عدة اسئلة للاخوات

اولا:
هل تعطين ولدك مصروف شخصي غير مصروف المدرسة؟

ماهي وسائل الترفيه المستخدمة بشكل يومي؟

هل تسمحين له بالخروج عند اصدقائة؟ اذا نعم كم ساعة؟

هل يقوم بالمساعدة بالمنزل..وما نوع المساعدة؟

هل تسمحين له بالخروج للحديقة العامة او اي مكان خلال الاسبوع؟

خلال العطل الاسبوعية او الاجازات ما نوع البرامج الذي يمارسها او يذهب اليها؟