امهات بناتكم سنعات مثل بناتى ؟؟

والله بنتي صغيره
بس اتوقع من الام وتربيتها وحرصها على تعليم بناتها والاهم تحميلهن المسوؤليه من الصغر سواء في شغل البيت او انه يكون قلبها على اخوانها في البيت وخارج البيت

كل اللي اعرفهم و عندهم شغالات كذا

اعرف وحد بناتها ماشاء الله تبارك الله ستات بيت لكن ما عندهم شغاله و امهم معتمده بعد الله عليهم , و اذا وحده قالت لبناتها شوفو فلانه و بناتها قالو ماعندهم شغاله و طول عمرهم كذا ؟؟

بصراحه رد مسكت و مادري اذا في احد عنده شغاله و بناتهم شاطرات لاني بصراحه ما اعرف ولا وحده و انا اولهم

موضوعك حلو حتى انا ودي اعرف في بنات ستات بيت و ماعندهم شغالات كيف طريقتهم مع بناتهم ودي اعرف كيف عشان على قولتك اذا فات الفوت

عوديهم يرتبن غرفهن بانفسهم ولا يعتمدن على الشغاله وحتى لو يوصل للهواش لو ما يخافون منك خليهم يخافون من ابوهم (بنتك على ما ربيتهاوزوجك على ما عودتيه )

الله يكون بعونك

انا اعرف اعيال امهم مصحيه اقلوبهم
كانهم بنات بالبيت وهم عندهم شغاله اذا بغت تطلع تخلي الصغيره حتى التغسيل يغسلون لها

أنا عندي شغاله وبنتي صغيرة ما دخلت المدرسة

لكني ما أخليها على كيفها

ترتب ملابسها النظيفة بالدولاب

كل شي له مكان حتى الشراريب تحطها بمكانها الخاص

لما تبدل ملابسها تحط الملابس الوسخة بسلة الغسيل

تفرش السفرة وترتبها

تشيل معي الصحون بعد الأكل

تهتم بأخوها الصغير .. لما ألبسه أو أغير له لازم تكون موجودة عشان أي شي أحتاجة تكون هي بالخدمه الله يحفظها

وأمدحها لما تسوي شي زين خاصة قدام أبوها تطير من الفرحة

وتعودت على كذا