إنزين جربي ال health watchers أو في شركة ثانية إلي بالمهلب اهما إللي يوصلون الوجبات جاهزة .

يابنات

انا بعطيكم 3 اختيارات

وابي شوركم ورايكم


بعدالله سبحانه


انا بصلي استخارة واقولكم قراري


لكن اختياراتي هي :


1-ريجيم بوعباس او دشتي (النتايج اشوفها مع كثير من الناس)

2- رجيم الكاربوهيدرات (زميلتي وايد نحفت عليه)

3- ريجيم التمر واللبن


ابي اسمع رايكم

اي ريجيم اختار؟؟

اختي الجوري

انا بصراحه ابي اسوي ريجيم بدون لا احد يدري


ابي افاجأ اهلي وافرق عليهم واهما اللي يقولون ضعفتي

وبصراحه محتاجتكم بعد الله سبحانه عشان تشجعوني

هلا الضحكه الحزينه

لا تخافين من العمليات الحين الطب تطور والاطباء اكفاء

عموما فكري بالموضوع ومافيها شئ اذا قلتي لاهلك
ومادري اختي جربتي الابر الصينيه؟ تراها مع الرجيم زينه
تخفف الصداع وتقلل الشهيه
وحاولي بهذه الفتره تسوين نظام دشتي رائع وتاكلين اللي تبغينه
ويخفف من الشكل قبل الوزن تلاقينه هنا بالمنتدى وانا الحين ماشيه عليه ومريحين كثير

وشهيتي قلت وزني تحرك

جربيه مانتي خسرانه شئ رغم انك لما تشوفينه تقولين صعب
بس اذا بديتي فيه ما ودك تتركينه
وفيه رجيم الكربوهيدرات هذا ممتاز للي وزنهم فوق الميه
وبالتوفيق يارب

هلا والله كوفي لاتيه


لاوالله ماجرب الابر الصينيه

لان عمري ما كشفت جسمي لاحد(ولله الحمد)

ومثل ماقلت لج صعبه اكلم الاهل ...انا يوم قلت لهم عن دوا الريداكتيل فتحوا لي جامعه من المحاضرات والتهزيء

هالمرة عملة؟؟؟


وانا مثلك سمعت وااااااااايد عن رجيم دشتي

وجربته اسبوعين

لكن ما كملت لاني ماعرفت شنو آكل

وخصوصا الريوق

صعبه وانتي رايحه للدوام تطبخين بيض وتسوين خلطات


لكن برجع وادور على وصفات وان شاءالله اجربه