إمرأة حديدية :

ليش كذا حبيبتي؟ الحمد لله انتي كبيرة وواعية وتعرفين تهتمين بنفسك، وحتى لو جاهلة النت أكيد ماخلى شي وياااكثر مواضيع وحسابات العناية طبي واختاري.اصلا سبحان الله لما تهتمين وتدلعين عمرك عناية ولبس، انتي اللي راح تطالعين بنفسك نظرة إعجاب في المراية وتتحسن نفسيتك قبل زوجك. بقول لك خطوات سهلة لان انا احب الشي البسيط عشان الواحد يستمر عليه: 1- أكلك ثم أكلك، اللي يدخل معدتك هو اللي ينعكس ع بشرتك وشعرك، خلي أكلك صحي وكلي سلطات وفواكه وابتعدي عن الرز والمقليات والمعجنات، او خليها للايام المفتوحة تاكلين منها. كلي بيض، حليب، شوربات، سلطة، تمر، عسل. حطي ببالك انك تبغين تحافظين ع نفسك وماتبغين تعجزين بدري ويبان عليك العمر او تصيبك أمراض. بالاضافة خذي لك حبوب فيتامين من الصيدلية. 2- رياااااااضة. الحركة بركة ونشاط وشباب لفترة طويلة. أبدي بالمشي، رقص، وشوفي اللي يناسبك. 3- الترطيب اليووومي لكل جسمك، اختاري لك كريم كويس خليه روتين يومي لك انك تدهنين جسمك كامل قبل النوم وركزي ع الأقدام والبسي شراريب. ياسلاااام ع الأقدام الوردية، والأساور والخواتم والمناكير على الكفوف الناعمة الصافية. 4- سوي هذي الاشياء (مرتين)بالأسبوع : - الصنفرة،سنفرة للجسم كله وقت الاستحمام، وصنفرة للوجه والشفايف بأي انواع انتي تفضليها. - خلطة او زيت لشعرك. - ماسكات للوجه ويفضل طبيعية انتي بالبيت تسوينها. 5- دائماً خلي ريحتك فواحة، أكيد عندك عطورات ولوشنات وغيره. 6- لَبْس جميل ومريح ومكياج خفيف يوميا، والويك أند غيري سوي مكياج اثقل وعدسات وغيره. الله يوفق

ليش كذا حبيبتي؟ الحمد لله انتي كبيرة وواعية وتعرفين تهتمين بنفسك، وحتى لو جاهلة النت أكيد ماخلى...