انا مريضة نفسياً واقتربت من الجنون .. 💔🔥

السلام عليكم يا حوائيات ..
انا بنت عمري ٢٢ ، .. كنت بنت طبيعية الى قبل ٥ سنوات .. حدث موقف بيني وبين قريبتي سبب لي صدمة كبيرة ومن بعدها ما عدت بنت طبيعية حيث اني اصبت بالوسواس القهري .. وقريبتي هذي كملت حياتها ولا كأن شيء صار وتسولف وتضحك معي عادي .. وانا تدمرت حياتي
الزبدة ان وسواسي كان عبارة عن وسواس صور .. يعني يتهيأ لي اني ارسل صوري للناس بالواتساب وامسح المحادثه من عندي .. بحيث تظل الصور عندهم .. واجلس طول اليوم متوترة وحالتي حاله .. وانا عارفة اني ما ارسلت لكن اجلس افكر غصبٍ عني لين اصدع ..
تخلصت من هالوساوس عن طريق اني اشتريت جوال جديد مافيه ولا صوره لي .. وقررت ما اصور نفسي نهائياً بالجوال وارتحت من هالمشكلة والوسواس هذا .. بحيث حتى لو جاني اكون عارفة ان جوالي مافيه صور تخصني .. فيروح عني التوتر وارتاح ..
امس بدا معي وسواس جديد وهو بما ان عندي توتير وانستغرام ووالخ .. وحسابي مفتوح وعام .. صار الوسواس ان ادخل المحادثات واكتب اسمي الكامل او اسم احد اقاربي الرجال وارسله لأي رجل كذا في وسائل التواصل ،، واجلس اوسوس اني بنذبح اليوم من ابوي واخواني واني كلمت غريب وووالخ
وانا ادري اني مستحيل ارسل اسمي او اسم احد اقاربي .. لكن اعتقدت اني انجنيت..
بنات بالله ساعدوني وربي من امس ابكي تعبت من حالتي .. امنيتي يمر يوم بدون توتر وتفكير وقلق زايد..
ملاحظة : ولا احد من اهلي يعرف اني مريضة + صلاتي ملتزمة فيها واقرا قرآن + ادرس حالياً فلا احد يقول اشغلي وقت فراغك ..
لما بحثت بالنت عن الوسواس القهري وجدت انه يكون هناك خلل كيميائي بالمخ يسبب هالتوتر والخوف للانسان ..
بالله ساعدوني كنت بنت طبيعية دمرتني قريبتي حسبي الله عليها 💔💔💔
وش الحل معي بنجن😭💔