انا وزوجي وضرتي ساعدوني

السلام عليكم ورحمه الله وبركاته
يابنات انا ابيكم تساعدوني لانه نفسيتي مره بالحضيض قدر الله علي وتزوج زوجي طبعا بعلمي وبرضاي لاسباب ماابي اذكرها بس الحمدلله زوجي انسان عادل ولا منقص علي شي وبالتالي بعد مو منقص علي ضرتي اكيد وعايشين ببيتين مستقلين بينا ربع ساعه تقريبا وليله عندي وليله عندها والوضع طبيعي مره
الي صار من 5 شهور اخت زوجي تزوجت وشي طبيعي اني انا وضرتي نحضر العرس مايصير هي تغيب ولا انا ولأول مره اشوفها ويالله وش قد احترقت من داخلي هي حلوة وانا بعد الحمدلله مو قاصرني شي بس هي دبه مره وانا رشيقه ومن يوم شفتها وانا نفسيتي تعبانه ودايم اتخيل زوجي معاها وهي بعد نضراتها لي بالزواج بغت تاكلني وحسيت بغيرتها وهذا شي طبيعي
من أسبوعين بنت خاله زوجي كانت معزومه بحفله وشافت ضرتي طبعا هي شايفتها من قبل بالزواج وقالت لي الحرمه تغيرت وصارت تسوي رجيم وصارت رشيقه وجسمها قريب جسمي وانا من نفسيتي التعبانه بديت امتن واسمن ويخترب جسمي حتي زوجي لاحظ ولمح لي بس طنشت ماكنت حول احد وش اسوي لما قالت لي بالسالفه انقهرت اكثر واكثر ودي ابطل اكل وارجع رشيقه مثل قبل مو قادره كل مااتذكرها احط حرتي في الاكل ساعدوني الي صار لها مثل حالتي كيف تخلصت من هالشي كل ماازعل او اتعب احط حرتي بالاكل نفسيتي دمار وكل مااشوف جسمي كيف بدا يخترب ازيد بالتعب والحزن تكفون عطوني حل كيف اشيلها من بالي وكيف ابطل من عادتي بالاكل كل مازعلت
اشكر الأخت فطوم علي المعرف وربي يقضي حاجتها وحاجه كل وحده بترد علي