انصدمت وبكيت

م عليه ي روحي كلنا كلنا والله 😂😂انا كان وزني ثابت ومهما اكل م يتغير وبرمضان اكلت لين قلت امين😂والصدمه لما وزنت زايده حول6 كيلو كيف ومتى ماعرف

نظمي اكلك وقللي كميات الاكل وامشي لو نص ساعه او ساعه 😍

كم طولك ؟

لاتنصدمين ولاتبكين بإذن الله راح تنحفين بخير وبصحه طرق بسيطه بس تتخذينها وراح يتغير الوضع وتنحفين كيلوات ورا كيلوات أهم شئ لاتحسين بالإحباط وتعالي محط النقط على الحروف
مثلاً أول شئ تستعينين بالله
وتكلمين نفسك وتدعمينها كيف يعني مثلاً قولي لنفسك انا أبدر أوقف مع نفسي وأساعد نفسي علشان أنحف وقادره أرجع زي قبل وأحسن ومافي شئ مستحيل مع العزيمه والثقه بالله ثم مجهود بسيط تتخذينه بحياتك ويصير كل شئ تمام
ثانياً
إبدأي يومك بكوب ماء دافي مع ليمون أو ملعقه عسل على الريق بعدها بنصف ساعه ابدأي فطورك
اللي هو عباره عن شريحتين توست أسمر وبيضه مسلوقه وحبة خيار أو نصف طماطه ورشة فلفل اسود وحبتبن زيتون
اليكررررر اقطعيه بالتدريج يعني المشروبات اشربيها مررررر والحلى اللي كنت قبل تاكلينه من غير حساب قطعه صغيره تكفي وتأدي الغرض وزياده ومع الوقت خلاص ماعاد تقدرين تاكلينها
الملح حاولي تخففينه على الأكل
شرب لترين ماء الا ثلاث لتر ماء على مدار اليوم
الطبخ عاده يكون مسلوق او مشوي
لاتنسين طبق السلطه المشكل في غذائك
حاولي تفصلين مابين الأكل والشرب يعني لو أكلت حاولي ماتشربين اي سائل الا بعد ساعتين والعكس صحيح
العشاء خفيف ويكون الزبادي موجود مع عصرة لبمون ورشة بذور الكتان أو الشيا
وحبة تفاح وبيضه مسلوقه وخيارة اذا امكن
وحاولي تاكلين قطع أناناس او كيوي او كرز هذي من الفواكهه اللي تساعدك في الحرق
امشي في البوم نصف ساعه تقريباً على حسب مجهودك بس يكون فيه استمراريه وراح تكون عاده وبتتعودبن بإذن الله
اركضي وانت مكانك لمدة عشر دقائق وحاولي تصلحين بعض التمارين البسيطه اللي تحرق الهون وانت مكانك ماتحتاج صالات رياضيه حتى
اذا جعت حاولي تاكين قبضة مكسرات او قطع صغيره فواكه مع قليل من البنت بيتر (الفول السوداني )
صدقيني تغير بسيط في العادات اليوميه والغذائيه وامورك تمام وحاولي ماتعانبين نفسك بل العكس شجعي نفسك بإنك حبه حبه وراح توصلين لنايجه مرضيه حتى لو كانت النتائج بطيئه بس مستمره أفضل من النتائج السريعه قصيرة المدى
فهمتي علي
هذي نصائح بسيطه اتخذتها انا مع نفسي وساعدني كثير في التخلص من بعض الكيلوات الزايده

اول حاجه خذي تحليل للغده عندك. اذا هي تمام
خلاص تقدرين تنزلين بكل سهوله.
الاكل كولي ولا تحرمين نفسك بس نوعي وخذي نص الكميه
يعني اذا بالعاده تاكلين حبتين صامولي. خليها وحده
واذا تاكلين رز كميه كثيره نزليها لنص وكولي بنفس الوقت سلطه
وهكذا نوعي الاطباق وقللي اكلك قليل من هذا وقليل من هذا
خففي الحلويات كلها امراض سكريات وماتنفع. اذا مدمنه شكولاته
خففيها الى النص وخليها مرتين او مره بالاسبوع ،


نوم الليل مفيد. ويفكك من نقنقت الاكل😂😂
يعني تعشي خفيف واشتغلي بعده وخلصي اشغالك ونامي


بكذا راح ينزل وزنك.
خففي اجبان واقطعي الجبن السائل واستبدليه بجبنة فيتا
اقطعي البن لان كله بودره. واستبدليه بالحليب عشان العظام
خلي عندك سناك صحي. اذا حسيتي بالجوع كولي.
اهم شي لا تحرمين نفسك عشان ينزل وزنك بسهوله
تحركي كثير وخففي نومك يعني لا يصير عندك نوم زايد
وسلامتك😅🤍الله ينحفك من غير شر 😍🤗