انضربت وانطردت ووبكل بجاحه جاي يقول

السلام عليكم ورحمة الله وبركاته

اول شي يا اخوات انا بقول لكم مشكلتي وابي رايكم بكل صراحه اذا تشوفون اني غلطانه والا لاء ابي رايكم وابي دعواتكم وابي حلولكم


اول شي انا متزوجه وما بعد كملت 3 سنوات عندي بنت وانا حامل الحين

طبعا من يوم تزوجت وانا تمر علي مشاكل مع زوجي واغلبها يكون السبب جدا تافه وتنقلب لي مصيبه وبسبب ها الاشياء التافهه زوجي مد يده علي 3 مرات واول مره دفني على السرير وانا حامل وتلفظ علي وغلط علي المشكله كنت توني عروس يعني المفروض تكون اجمل ايام عمري هذا غير التنكيدات الي جتني من طبعه في اول ايام زواجي كان يبي اي شي يقوله اقول ايه انشالله ولا يهمك وانا ماتعودت على كذا لما تغلط لازم نتناقش ونتكلم مو تزعل وتمد بوزك مع اني والله يشهد على كلامي غيرت من طبعي كثير لدرجة انه مره من المرات مد يده علي وضربني وتلفظ وقال كلام ما ينقال وربي يشهد انه زعل لمدة شهر وصار البيت بس للنوم وضغطت على نفسي من الطفش وضيقة الصدر ورحت واعتذرت يمكن تقولون ليه ما تقولين لهلك انا لما سواها ومد يده علي اول مره ما سكت اتصلت على الوالد وقلت له وانا والله نفسيتي بذيك الايام زفت زياده على اني توني حامل ولا راعاني ولا اهتم فا لما كلمت الوالد وقلت له حاول يهديني واتصل عليه وانا عارفه ان ابوي في ذيك الفتره لانه بعيد عني ما كان يبي يزيدها وكلمه با الحسنى طبعا هذاك قال هي الغلطانه ومن ها الكلام ومشى الموضوع طبعا الرجال بعد فتره من الزمن واعتقد لما صار عمر بنتي 4او 5 شهور سواها مره ثانيه ومد يده علي انا سكت ها المره وزعلت بس اخرتها رضيت من غبائي وساحت ولا كن شي صار بعد هو بعد كل زعله تجي وانا انخ ونرضى اعتقد انه يحس بي تانيب الضمير فا عاد يبدا يدللني ويراضيني والي ابيه يسويه بس بعد ايش كل ما سواها احقد عليه اكثر واحس اني استاهل واحد احسن من كذا يعني انا مو ناقصه شي الحمدلله وكنت مدلله عند اهلي اخر دلال واخر شي يصير فيني كذا يعني كنت متصوره الحياة الزوجيه شي ثاني بس انصدمت في الواقع انا ما ابي اظلم الرجال لاء انا ما اقول انه شين طبعه وربي يا بنات اننا نكون سمنه على عسل ومافيني شي ولو اقول له ايش انه يحاول يوفره لي بس احيانا يقلب فجئه طبعا هذا بعض من الي يصير لي وهو بختصار لاكن نجي الحين للمشكله الحقيقيه
انا لي الحين شهرين الا اسبوع وانا عند اهلي طبعا كنت قبلها في بيتي وعشت شهر كني عروس داخله وطالعه ولا يوم جلست في البيت كل يوم اطلع انا وزوجي وبنتي وتدللت اخر دلال
فجئه صحينا هذاك اليوم من النوم قمت سويت فطور وفطرنا ومافي شي ابد ونسولف عادي زوجي طلع يصلي الظهر بعدين رجع للبيت اجلست بنتي الله يصلحها تحوس وراحت عند التلفزيون صارت اتقفل وتشغل انا صرخت عليها ابيها اتهبط شوي وقلت لها خلاااااص عاد ومن ها الكلام قام قال لي انا ما يعجبني ها الوضع يقصد علشان هاوشتها مع انه مو هواش والله كان تنبيه المهم قال انا ما يعجبني ها الوضع شوفي لك حل قلت له حل لي ايش عطنى حلولك قال يا روحي للدكتور خليه يعالجك يقصد عن الصراخ مع اني وربي ما صرخت قلت لكم تبيه وقكل وحده لما اعيالها يسوون شي غلط تقول لاهم لا خلاص او انتيه او قلت له او ايش قال او اقلعك البيت اهلك واخليها معي شفتوووو عاد هذا كلام والله لو اني عدوتها وش دعوا انا امها بس انا عارفه انو مو هنا المشكله هو سوا من البنت مشكله لانه يبي يختلق مشكله لاني مو او ل مره انبهاا او حتى اهاوشها انا يوم قال ها الكلام اطلعت اقروني قال لا ياشيخ انت ماتدري او انت قلعتني لبيت اهلي بنتي بتكون معي لان الحظانه للام واخذها انا واحرمك منها بدل مايكون العكس قال لي قومي انقلعي وضفي عفشك ماوالله تقعدين الليله عندي قلت انا منب طالعه البيت بيتي تبي تطلع اطلع انتي قال قومي انقلعي وضفي عفشك يالله قلت لا قام الشيخ ومد يده علي ودفني لاحظو انها مو اول مره يمد يده بس صار عادي عنده والمشكله اني حامل ولا قدر وضعني وحملي اساسا فيه مشاكل انا انهبلت قلت وش جاه هذا انا والله ها المره ما سكت يوم تلفظ علي تلفظت عليه والمشكله بنتي جلست تصيح وانا معصبه قمت شلتها وانا اصيح وادعي عليه قام قال مستقويه با البنت نزليها او ريك يعني اني شايلتها واتكمل لانه ما يقدر يلمسني وبنتي معي قمت حطيتها في الارض وقلت يالله اشوف وش بتسوي قام ضرب وجهي مثل الكف بس على خفيف يعني زي لفة الوجه يوم سواها عاد انهبلت صار ابي بس اكفخه قام اخذ شماغه وطلع بسرعه جلست اصيح بس قلت منب غاثه الوالد وما راح اقول شي وبسكت ها المره وبشوف وش يصير هو طلع من البيت الساعه 2 الظهر ويوم صارت الساعه 9 الا ابو الشباب جاي ومحلق قال يالله يالله ما ضفيتي عفشك قلت له سبق وقلت لك اني ما راح اطلع من البيت اذا الوضع مو عاجبك اطلع انت هذا بيتي قام يضحك بستهزاء وقال بيتك تخسين قومي بس يالله قبل ماتفوت الطياره بسرعه اتصدقون يا بنات حسيت بي اهانه كبيره يعني احتقرت نفسي احتقار الحين يطردني وانا اقول منب طالعه قام قال يالله بسرعه قلت لاتحسب اني ما ابي اروح لبيت اهلي علشان سواد عيونك لا والله انت اصلا ما اتشكل لي اي اهميه بس اذا انت ملزم وتبيني اطلع طلقني ولما تخلص عدتي اطلع والا اتصل انت بنفسك على ابوي وقل له بنتك برسلها لك انا خلاص ما ابيها قال منب متصل على احد وقومي بسرعه لا تفوت الطياره وانا والله كل قصدي اني ما ابي اغث ابوي وعارفه برضو ان ابوي بيقول انتي الغلطانه وبيسمعني كلام علشان ما اهد بيتي المهم انا لما قلت له اتصل على ابوي وقله اني ما ابي بنتك جلس يبتسم بي استهزاء ويقول ايييييوه ابوك الي غاصبك على القعده انا سكت قلت يابنت ما بدهاش روحي كلمي على الوالد وكنت والله ماسكه نفسي لي اخر درجه ما ابي انفجر واصيح على طول لما اكلم ابوي المهم رحت للغرفه وكلمت ابوي وكنت والله بس ابيها تطلع من ابوي ابي موافقة ابوي اني اجي علشان مايحط كل شي علي ويزعل علي ابوي واصير متنكده هنا وهناك المهم كلمت الوالد وقلت له السالفه قلت انه طردني ومد يده علي واني ما رضيت اطلع من البيت بس هو يقول مالك قعده قال هو عندك الحين قال با الغرف الثانيه قال اكلمه قلت لاء لا تكلمه الحين يحسبنا ميتين عليه قال ابوي اذا مو محترمك تعالي لبيت ابوك انا يوم سمعت كلام ابوي كذا ارتحت لاني وضحت له اني مارضيت اطلع بس هذاك ملزم طلعت من الغرفه بعد ما سكرت من الوالد قام قالي هاه بشري بتروحين وانا على وجهي ابتسامه مصطنعه قلت ايه اخيرا برتاح من وجهك ضيفيت اغراضي بسرعه ومن زود قلة الادب يرمي جزمتي عندي يقول وهذي لا تنسينها ضفي كل شي المهم ضفيت اغراضي ووداني للمطار طبعا بدون ما يحط ولا ريال في يدي لي بينتي يكون لها مصروف اعتمد ان اهلي ما عليهم قاصر واني معي كم قرش ورحت لبيت اهلي وهذاني عندهم طبعا بعد اسبوع هو جا لبيت اهلي يبي يشوف بنته طبعا الوالد ما عطاه وجه ابدا وهو حس بكذا فا ما طول عاد يوم جا بيروح شوفو من الغباء والبجاحه بعد يقول لي ابوي وش فيك يا خال حاس انك متغير علي وفخاطرك شي قال له ابوي والله مهب اول مره تمد يدك عليه هذي رابع مره عاد ابوي ما قال لي وش قالو وانا مدري هو وش قال لبوي غير انه من التفاهه الي فيه قال انها هي مدة يدها قلت لبوةي لا والله يكفخني ويبيني اتفرج عليه اي احمار بيدافع عن نفسه وانا وشو دفاعي يا حظي اصارخ واهش اب ها اليدين عاد انا حسيت ان ابوي انفل معه وكن ي ما انضربت ولا تكفخت بعدها بيومين جا قال باخذ البنت بيوديها عند اخته انا يوم دريت ارسلت له مسج قلت وفر على نفسك المشوار بنتي ما راح تطلع من البيت وانا خبله اطلعها عمرها سنه وشهرين واخليه ياخذها عند اعيال اخته تتكفخ وتنضرب هذي بذمتي المهم جا وورا ابوي المسج عاد ابوي انقلب علي تقولين هو اولده وانا العدو وقال لي كلام ابوي ما ينقال وتلفظ علي وعلى بنتي انا عارفه انه بلحظة غضب ابوي قال ها الكلام لانه مره حنون وطيب لدرجه انه رضا عن زوجي بعد كل الي سواه انا عارفه ان ابوي بداخل نفسه معصب علي الي سواه زوجي بس برضو كنه مايبيني انفصل وزعل علي اسبوع وانا تحطمت وحالتي النفسيه صارت زفت وحسيت ان ابوي تحسف على الكلام الي قاله لي تصدقون ان زوجي يوم جا اول مره لما شاف ابوي ماعطاه وجه اتصل علي على الجوال يحسبني برد شكله كان يبي يسوي مواجه برزعه عند ابوي بس طنشته المهم بعد ها الاحداث بي 3 اسابيع اتصل علي وطنشته ما رديت عليه يحسبني بصير خفيفه مثل اول وارضى وكن شي ما صار ولا يحسبني ميته عليه وبرجع المهم طنشت وما رديت اثاريه اتصل على اخوي وسئل اذا احنا في البيت يبي يجي يشوف بنته وكلم الوالد وجا وشافها وقبل 3 ايام متصل علي الصباح بس طنشت ما رديت وش رايكم يا بنات با الي صار لي اعرف ان السالفه طويله بس هذا كله وبختصار بعد انتم وش رايكم وش اسوي هل اذا رجع اشرط اشروط علشان ارجع معاه والا اتركه بس بنتي وها الي في بطني الله يخليكم عطوني حلولكم ولا تنسوني من دعائكم