اول محاولة جدية

بنات ... كنت كتير اقول هاعمل ريجيم ولا ابدأ ولكن اليوم يقدرنى ربى وابدأ بعد ماتعرفت على منتداكم الرائع واللى حبيت اتواجد فية بإسم مرتبط بالريجيم والارادة واخرت اسمى : ريجيم الارادة

بنات مطلوب منكم تشجيع اد ما تقدروا

الريجيم : النوع الواحد (لمدة 3 اسابيع .. طبعاً بينهم ايام راحة ) انا عرفت من المنتدى ان النوع الواحد مش صحى ابدأ لكن بنات لازم ابدأ بالاصعب عشان لما اطبق الريجيم الصحى المعتدل احس انة مليان ومريح ( احس بالفرق) وكمان عشان النوع الواحد دة بيجيب نتيجة ومطلوب فى الاول عشان الواحدة تتشجع ( على فكرة جربتة مرة بس كنت عيانة وماليش نفس للاكل غير للتفاح ... 3 ايام نزلت بعدهم 3 كيلو )

وراح اطبق معة ما استفدتة من المنتدى :

شرب الماء : 12 كوب ماء باليوم ( غير المشروبات اللى بدون سكر طبعاً او بسكر دايت )

الرياضة : تمارين متوعة واجهزة رياضية مجرب نتايجها : الاستيبر ( ومش هاتصدقوا من كتر اقتناعى بة ... اشتريتة بعد ما قريت عنة موضوع فى المنتدى وكمان هو ماياخد مساحة كبيرة وعلى فكرة انا شريتة وجربتة امبارح .. بعد 3 او 4 دقايق عرقت مع انى ماعرقش بسهولة ) وكمان تمرين شد البطن و تمارين الاثقال للزنود و لا انسى ايضاً شريت القرص الدوار : تويستر ... سمعت عنة فى المنتدى انة حلو للخصر

تقسيم الاهداف : وزنى النهاردة 86 وباتمنى اوصل لـ 55 يعنى 31 كيلو
الهدف الاول : من 4/4 وحتى 14/4 :اول 6 كيلو

الاعشاب : عجبنى الشاى الاخضر بالكمون والنعناع والجنزيبل ... مع انى ما احب الاعشاب كتير (اخاف تضر) لكن هذة الخطة الاقل فى الخطورة بالنسبة لباقى الخلطات ( الجنزبيل اذا بدون اكل يتعب المعدة جداً ولكنة مفيد لالتهاب المفاصل والصداع النصفى وانا اعانى منهم ... والشاى الاخضر مرة واحدة باليوم يكون كفاية ... هذة المعلومات من دكتور حبايبى مش من دماغى)

افكار مشجعة زى :
ادعى لربى يثبتى ويدينى العزيمة والحماس (طبعاً علطول مش بس للريجيم )
نكتب الوحش فى سمنتنا : بتحرمنا من اية ... بتعرضنا لإية مخاطر :
لما جوزى بين كل فترة والتانية يقولى لازم تخسى بقى وباخاف لجوزى يشوفنى كويس واحنا مع بعض فى اوضة النوم ويشوف كل الكتل دى - لما تكون واحدة صاحبتى وفى نفس جسمى تقريباً بس عرفت تخس شوية وتقولى اية دة اية اللى حصل لجسمك بطنك مترهلة جامد لازم تخسى عشان صحتك حتى - اكره لما اروح السوق واشوف لي لبس واجلس امط فيه اشوف بيدخل ولا لا - لما اجلس وتصير كرشتي ناطه قدامي - لما يقولولي انتبهي تراك سامنانة - لما اشتري لبس وبعد فترة يضيق علي - لما اروح متحمسه اقيس لبس عاجبني ويوقف في نصف الطريق مايدخل الباقي - لسه شابة وبضيع فرصتي بالدلع واللبس الستايل والبس كني ام 40 سنة - كل من هب ودب يقول لي ليه ماتسوين رجيم - يوم ادور لبس يليق فيني ولا احصل واضطر اخذ شئ مو على ذوووقي - تصدقوا : مرة قالت لى واحدة قريبتى لا اقابها كتير : مبرووووووووووووووووك ... كدة اعرف بالصدفة ؟؟ (فاكرة انى حامل ) ........... نفسي امشي جنب زوجي وابنى وانا رشيقه
الكاميرا الخفية : نتخيل كاميرا بتصورنا كل ماناكل وتنقل الصورة للناس (طبعا ماتحبى حد يشوف الكميات ويتريق)
نقول لنفسنا : انا ارادتى قوية .. انا باخس فعلاً
نحول السلبى لإيجابى : تريقة الناس علينا تبقى شحن لإرادتنا عشان نبدأ ونستمر بالريجيم
غسل الاسنان بعد كل وجبة (يعطيكى شعور انك ماتحبى توسخى اسنانك ببقايا الطعام مرة اخرى )
استنشاق الفانيليا عند الجوع ( تسد الشهية )


بنات
ادعولى