اول مره بدخل المطبخ وحايسه في اللحم المفروم ..~

هلا حبيبتي ...

اذا تقصدين حشوة السمبوسه .. عاديه تكشنين بصل مع فلفل رومي لين يشقر بعدين تحطين اللحم المفرووم والبهارات والكركم والفلفل الاسود شوي مع فص ثوم وتغطينه كل شوي تحركينه لين يستوي واذا تبينه احمر حطي طماطم معجون ..

بعدين قطع بصل مربعات صغييييره وطماطم طازج صغييييير وافرمي بقوووونس .. بعد مايستوي حطي عيه البصل والطماطم والبقدونس وحركيهم مع بعض لين يتجانسوا ثم احش السمبوسه ...

وبالعافيه عليكم ... ورمضان كريم عليكم ..

ملاحظه .. فيه ناس يطرقون السمبوسه قبل رمضان ويقولون ماتخرب بس انا مااحب اسويها مثلهم تعجبني طازجه احلى احس اللحم يخرب جربتها مره وماعجبني

وسلاااامتك .. ادعيلي بالذريه الصالحه .. والحياه السعيده مع زوجي ....

الله يسعدك يارب

رفــــــــــع

اهلين حبيبتي

انا اعطيك طريتقتي وطريقة اهلي

تكشني بصل لين يذوووب وتحطي اللحمه المفروومه عليه وتحمسيها لين يتغير لونها واذا لها موويه حاولي تصفيها

او تخليها على النار لين تنشف وتحطي بهارااتك الاساسيه الي هي فلفل اسود وكمون وكزبره وملح وعلى جنب تكووني مقطعه شبث ويكون كثير لانو نكهتو مرره لذيذه على اللحم وتحطيه بعد ما تستوي اللحمه وتقلبيه معها

واذا حابه تبشري جزر او تحطي شطه خضراء اذا بتحبي الفلافل وبالعاافيه ..

هلا اختي

شوفي طريقتي انا كنت اسوي مثل طرق البنات فوق البصل اول

وغيرت وطلعة احلى

وهي اني اجيب اللحمه المفرومه اول وتكون لينه واحطها في مقلا او قدر الطبخ ومعها شوي زيت واحرك فيها الى ان تستوي وحاولي تفتتينها
انا استخدم المضرب الشبك اليدوي وافتتها صغار ولا احط ولا شئ الى ان تستوي

او الى ان تنشف مويتها وتتفتت وتكون متفتته اشيل اللحمه من القدر واحط البصل المفروم والفلفل الرومي وشوي زيت واحمس شوي الى ان يذبل وارجع الحمه واخلطه شوي واتبل الكل بملح ناعم وفلفل اسود وبهار

اذا تتبلت طفيها وحط العشبيات بقدونس كزبره اللي تبغين زياده

وتمتعي باحلى حشوة سمبوسه لقيت ان هذي احسن طريقه وانا مرتاحه عليها