ايش رايك بفكرة (زوجك يمشي لك راتب ) للنقاش

اعرف بعض البنات طالبين من ازواجهم يمشون لهم راتب يعني مثلا شهريا كل مايستلم راتبه لازم يعطي زوجته نسبه معينه ..

س / ايش رايك بهالفكرة ؟؟ وهل تعتقدين انها مسألة اجباريه ( او مفروغ منها ) ؟؟

طيب اذا كنتي موظفه وش راح يكون رايك ؟؟

واذا كان زوجك عليه بعض الالتزامات هل تجبريه على ذلك ؟؟

ياللا كل وحدة تدلي بدلوها ..

وانا ببدأ :
بالنسبه لي ما فكرت بهالفكرة ابدا حاليا لان زوجي عليه شوية التزامات ولا ابغى اضغط عليه مع ان وظيفته حلوة وراتبه عالي بس اهم شي عندي انه اذا طلبت ما يرفض واذا بغيت اشتري حاجات هو اللي يشتري لي وغير كذا مو مهم انه يمشي لي نسبه معينه مادام اذا بغيت شي احصله ..

يمكن في المستقبل اذا تخرجت وماحصلت وظيفه اطلب هالطلب بس لازم يخلص اللي عليه اول وذاك الوقت احتمال اغير رايي ..
بانتظار ارائكم ..