باركوا لي الحمدلله ولدت...وعقبال عند الحوامل يارب....وهذي خلاصة من خبرتي بالنفاس...

السلام عليكم....

وحشتوني ووحشني المنتدى كله....
الحمدلله يارب اني ولدت وقمت بالسلامة بعد ماكنت خايفة كل فترة حملي وطاقة الخيمة هنا بالقسم لاخر لحظة....:42:

الحين رجعت لبيتي بعد الاربعين وعندي كم معلومة كذاخلال النفاس اقدر افيدكم فيها وطالبة الاجر والثواب ان شاء الله...وخصوصا ان هذا هو الطفل الثاني وطبعا فيه فرق عن الاول لان بالاول الوحدة تكون عليمية قووووة...:29:

وعشان مااطول راح اقول الي عندي...

بالبداية ياحوامل ياحلوات...اهم شي طبعا الربط (ربط البطن) بالمشد طول اليوم ماعدا فترة الاكل فكيه عشان مايضغط عالمعدة...مع شفط البطن وانتي جالسة او تمشين وكلما تذكرتي لان له مفعول مفيد...والرياضة الخفيفة بعد اسبوعين....

بعدين فيه حاجة تشربيها كل صبح قبل الفطور وهي عباره عن ثلاث اشياء مخلوطة سواء بنفس الكمية(محلب+مرة+عنزروت)..اشربي مقدارفنجان قهوة صغير..وهذا يساعد بتنظيف الرحم اكثر ويساعد على اللي تخاف من الامساك خلال النفاس هذا غير انه يخفف من الكرش الزائدة لانه بدوره ينظف المعدة..وحتى مفعولة راح ينعكس عليكي بعد ماترجعي لبيتك وزوجك بعد النفاس وانتي راح تلاحظين....
وطبعا هذا مع الادوية اللي انتي متعودة تاكليها مع نفاسك...

والحلبة بعد تقريبا عشرة ايام خلاص اقطعيها لانها راح توقف نزول الدم وتمنعة من الخروج...وبعدين الحلبة ترخي عضلات الرحم وهذا شي غير مطلوووب...

والاكل اهم شي...لكن ابتعدي عن اكل (الكوسة..القرع..الموز..الباميا..الخوخ والمشمش)

الاكل وشرب الحليب الدافي مع زنجبيل وقرفة لانه جدا مفيد وبعدين شرب الماء اشربي وماعليكي من الكلام اللي يقول انه مضر... بالبداية حاولي انك تخففيه لكن بعد اسبوعين خلاص اشربي لانه يهضم الاكل من المعدة وينظف الدم بالجسم ومدر للحليب ...

استعملي في اخراسبوعين من النفاس قبل ماتطهرين التحاميل اللي فيها(الملح+والعسل+والمرة)الظاهر انها انذكرت هنا بالمنتدى لانها ممتازة للتعقيم وتضييق المنطقة...

وطوال فترة النفاس الافي الاسبوع الاول غسلي المنطقة ب (قشر الرمان+مقلة "هذي عند العطار"+وملح)...وبعدها استعملي الكريم اللي من الدكتور عشان الخياطة...

هذا كل اللي عندي اليوم وان شاء الله اذا تذكرت شي انا ناسيته راح اقوله....:27: