الســلام عليــكم ورحمـة الله وبركــاته
بناء على طلب بعض العضوات الحبيبات شرح بالصـور للتمارين الي بالثقالات (الدامبلز) للتخلص من شحوم الذراعين وشدها ..
فرسمت لهم التمارين وساعدتني امي الله يجزاها خير ورسمت لي التمارين الصعب رسمها ..
~~~
وأتمنى انو تلقو نظره على فايدة الثقالات وتجربتي معها في نحف الذراعين الي تعتبر من أصعب شحوم الجسم في ازالتها في ده رابط :-
http://forum.hawaaworld.com/showthread.php?t=3191210
~~~
وقبل ما أبدأ في عرض صور التمارين ، احب ابين لكم طريقة رائعه تعرفي من خلالها انو ذراعك بتنحف وانك ماشيه تمام وانك طبقتي التمارين بالطريقة الصحيحة وهي الطريقة الي استعملتها المدربة لينا جزاها الله خير ..
لأنو احيانا يكون جسمك كله بينزل إلا ذراعك وده الشئ الي حصلي ببدايتي مع النادي بأول اسبوع ..
الموووهم ..
أول شئ خلي أحد يقيس ذراعك بشريط القياس وأكتبي القياس بورقه وعلقيها بدولابك ..
وبعدها بأسبووع قيسي ذراعك بالشريط ولاازم تكوني نقصتي نص دراجه ع الأقل ..
ولو عملتي التمارين بأمانه ومراعية الشروط فأانا اضمن لكل وحده انو تنقص ذراعها درجه كامله ..
لاني بعد ماعرفت دي التمارين الصحيحه صرت انقص درجه من ذراعي كل اسبوع لما قاست لي المدربه =)
...
وحأعيد الطرق الصحيحه عند استعمال الثقالات الي قالتها لي المدربه ..
ان يكون ثقلها كيلوين او كيلو ونص ، والي ماعندها الا ابو كيلو فعادي وقت ماتعمل التمرين تحمل الثقالتين وبكذا كأنها تشيل ثقاله ابو كيلوين
~~~
عند عمل التمارين لازم تعمليها بحركه سريعه ، لانو بكذا تحرقي الدهون والاشاره الي تدل انك بتعملها سريع وانو شحوم ذراعك بتحرق هي انو تشوفي نفسك بتعرقي بشـــدة
~~~
مهم جدا لما تعملي التمرين انو تعمليه بأمانه فلما تعمليه خلي ثقل الثقاله ع ذراعك بس ، فلا تحركي ظهرك او جسمك ليساعدك في رفع الثقاله لفوق مثلا !!
والي بتشيل الثقالات اول مره او انو سايبتها من زمان لازم باول اسبوع تعمل كل تمرين 15 مره ، لحتى مايجيها شد عضلي ، وبعد كذا اعمليه 30 مره ، انا افتكر اني كنت كل تمرين أعمله 50 مره (بس بعد ما اتعودت عليه كويس )
~~~
والان حنبدأ في التمارين الي كنت اسويها بالضبط وبالترتيب بدأ من الأسهل للأصعب ، اوكي ؟؟
~~~
اول شئ لازم تعملي (تحمية) لذراعك ، لحتى ماتفاجإيها بتمارين قويه ، والتحميه ضروريه بإنها تمنع الشد العضلي وبكذا كأنك تقولي لذراعك (يالله ياحلوين اتنشطو لأنو حأبدأ تمارين ليكم ).
طريقة التحميه :-
افردي ذراعك الأثنين على جوانبك كجناح الطيارات و بدون شد وأعملي حركه بيدك كأنك تنفضي الموية من يدك او كأنو توك مسكتي شئ حار وصرتي تهوي يدك ، ونفس الحركه وانتي رافعه ذراعك لفوق ، ونفس الطريقة وذراعك نازل باتجاه الارض ولمده 5 دقايق ..
~~~
والأن ابدأو بمشاهدة الرسومات =)
التمرين الأول
~~~
التمرين الثاني
((ينعمل للذراعين ))
~~~
التمرين الثالث
اعملي يدك بالوضعية زي الي بالصورة وبعدين مدي ذراعك للأعلى وبعدين للأسفل ، ومره أخرى للأعلى وبعدين للأسفل وكذا .
~~~
التمرين الرابع
((ينعمل للذراع الأايمن وبعد ماتنتهي تروحي للذراع الأيسر وبعد ماتنتهي ، بالثقالتين الأثنين تعمليهم للذراعين بنفس الوقت وبنفس الطريقة)
~~~
التمرين الخامس والأاخير
((ينعمل للذراعين ))
((لاحظو انو تمدو ذراعك لمستوى السهم في الرسم))
~~~
واتمنى اكون قد افدتكم بالمفيد ، واي سؤال او تمرين غير مفهوم انا حاضرة =)
موضوع وافي تسلم يدينك