شكرا لك من اعجبها الموضوع ولا يكفي الاعجاب نريد التفاعل وارجو ترتيب الاكلات بشكل انسيابي للعين ممن تفضلن في المشاركة مشكورات لكي نستفيد جميعا ونتشرف بتناقل الخبرات ولا ننسي بعض من الدعوات

up

مصقعة البطاطس والباذنجان
المقادير بطاطس وباذنجان حسب الصينيه مقطعه شرايح ومقليه أحط اول شي طبقة البطاطس بعدها طبقة الباذنجانوفي الصينيه أحط في الخلاط طماطم ماجي صلصه بهارات بيالة مويه وبهارات مشكله واخلطها زين اصبها في الصينيه على الخضار المقليه واخليها في الفرن نصف ساعه من تحت ومن فوق الين يتحمر وجهها

رز بالشعيريه والعدس او مجدره زي مايسمونها السوريين
رز مغسول ومنقوع عدس اخضر منقوع زيت

هلا حبيبتي بصراحه احب العشا الخفيف مررره واحيان احب اذا سويت طبخه دسمه لازم طبق جانبي خفيف
ويصير بدون لحم او دجاج المهم ابدا ( احب مكرونه البيتزا )طريقتي فيها جناان وهي تسلقين مكرونه بمويه وماجي وملح وفلفل
وتسوين كشنه البيتزا وتخلينها حانطه يعني طعمه وطريقتي احمس بصل وفلفل رومي وطماطم واحط معجون طماطم
وبهاارات وفلفل وملح ثم تحطين بالاخير ملعقتين مويه بس
يعني تنضج المكرونه والكشنه سوا بنفس الوقت ثم تخلطين قشطه وجبن ومايو وفلفل وملح شوي وتحطينهن ع المكرونه واخلطيهم مضبوط ثم تجيبين صينيه الفرن وتحطين المكرونه سويها زي العجينه ثم حطي الكشخه ههه اقصد الكشنه ووزعي
عليها الي تبين بالبيتزا ( فلفل رومي حلقات وزيتون اسود واخضر وطماطم مقطع حلقات ثم رشي الجبن موزاريلا او جبن كرافت مبشور اطعم وبس تجهيزها ماياخذ نص ساعه بس اذا كل شي موجود سهههله
وعندك (مكرونه التونه) بعد تجنن
(شوربه البيضا )سويها بالماجي والذره
و(شوربه كويكر) و(مرق خضار )
و(حمص )و(ساندوتش صبه فلافل ) او ممكن تخلينه صحن فلافل مع بيض مسلوق ومع صحن طماطم حلقات وخيار حلقات وخس او بقدونس ولاتنسين الصوص زبادي ومايو وطحينه وليمون
و(شكشوكه )اسويها عشا احيان لذيذه هاتي صينيه الفرن وحطي بصل وفلفل رومي وطماطم تحمسينهم بزيت ثم تحطين فلفل وملح وماجي اختياري
وتخلينهن شوي ثم تخلطين البيض وتصبينه عليه وتحطين بقدونس تخلينه ع نارهاديه اذا نضج حمريه
قدميه مع الخبز او تحشينه صامولي مع جبن سايل يعني زي ماقلتي مو لازم كل يوم عشا ثقيل خاصه للصغار
امم بعد احب (مصقعه الخضار) الي هي خضار مقلي ومسويه زي الكشنه وتحطين عليه الخضار او ( فطايربالجبن - السبانخ - خضار-) اشكال حلوه او( بيتزا )للعشا اذا تبين مع شوربه
(سمبوسه بالجبن او بالخضار) او سوي (ساندوتشات نقانق) وهي تسوين كشنه زي البيتزا ثم تحطين عليهن نقانق مقطعه حلقات تحركينهن دقايق تجهز بس احشيه ساندوتش واضيفي جبن وبالعافيه
او (التوست الفرنسي) طريقتي تخلطين بيض مع حليب سايل وملح وفلفل وبقدونس جاف ثم تغمسين التوست وهوبا ع الصاج او القلايه حقت البيض ادهنيها بالزيت او زبده ثم حمريهم عالجهتين او تحطين التوست بالشوايه الكهربائيه براحتك تسوين الكميه الي تبين ثم تدهنينهن بمايو اختياري ثم تحطين قطع طماطم وخس وجبن شرايح ثم تسكرين التوسته ع شكل مثلث وتغرسين فيها عود بالاخير
طعمه حلو مرتب وشهي
ان شا الله افدتك ((( ياريت دعوه لي باللهي

بصراحة ابداع الله يعطيكن العافية

وش ذا السنع تسلمون وعقبال الباقيات

بديت اطبخ منها وانصح بها اختى اللى تو والده هي ماتحب اللحم والدجاج وتدرس يعني وقتها مو ملكها من جد تسلمون والله يسعدكن كمان وكمان