السلام عليكم ورحمة الله وبركاته
اخواتي هذا نظام النفاس اللي نويت امشي عليه بعد الولاده والله ييسر لي وييسر لكل حامل ويقر أعينا بشوفة عيالنا وهم بصحه وعافيه
وبما اني اعاني من الهواء والرطوبه من اول يوم عرفت فيها اني حامل وانا من موضوع لموضوع عن انظمة النفاس وكنت ابغى شي مايكون مكلف وسهل ومافيه خرابيط كثيره ووراها فائده جمعت اللي يناسبني والله يجزاهم كل خير اللي افادونا ومن ظمنهم الاخت قشر قهوه
اللي مالنا غنى عن خبرتها والله يجعلها في موازين اعمالها
نبداء بالبرنامج اللي حطيته لنفسي بسم الله
في الصباح على الريق _ملعقه عسل مع حبه سوداء
الفطور_عباره عن كوب حليب عليه ملعقه ص من الخلطه وهي عباره عن
ك ماش -نصف ك شمر -نصف ك حلبه -ربع ك حبه سوداء -
ربع ك كمون -ربع ك فلفل ابيض ومثلها فلفل اسود -ربع ك زنجبيل-طبعا كلها مطحونه
هذي في الايام العشرين الاولى وفي العشرين الاخيره نفس الخلطه بس نشيل الحلبه
والفطور عباره عن
فته او مراصيع بالسمن والعسل
او بيضتين مسلوقه مرشوش بفلفل اسود وشريحتين توست مع تمر بالسمن
بعد الافطار يؤكل كبسولات العشرين اليوم الاولى وهي عباره عن
حلبه وماش مطحونه تعجن بعسل ويؤكل منها ثلاث كبسولات بعد الافطار والغداء وعند نشوفة الدم كبسولات الرشاد والعسل نفس الشي بعد الغداء والفطور الى الانتهاء من النفاس
عند الظهيره يعمل ثلاجة اعشاب ويشرب منها وهي عباره عن
كمون ونانخه وزعتر بري مطحونه وفي علبه يؤخذ منها ملعقه صغيره مع ملعقتين قشر وتطبخ ويضاف اليها الهيل من اجل الطعم
ويؤكل معها تمر مرشوش بسمسم محموس
وجبة الغداء مرق لحم-او مرقوق او قرصان او شربة باللحم
ولازم ك عصير برتقال غير حامض
بعد العصر ثلاجة اعشاب مكونه من ملعقه صغيره زنجبيل و2 ملعقه كبيره قرفه مطحونه وفي العشرين يوم الاخيره نضيف ملعقه ص كمون مطحون
المغرب ك قهوه وسطها مره علشان الخياطه والشمم
وفي العشرين يوم الاخيره تؤكل كبسولات الرمان المطحون والعسل مع ك عصير
وجبة العشاء شوربة عدس او تونه مع بيض مسلوق وسلطه ضروري السلطه
بعد وجبة العشاء يشرب ك من مغلي الزعتر بدون سكر
الكبو في العشر الايام الاخيره
والاغتسال يوم ورى يوم بالمر
والملح الفارسي يغتسل بمنقوعه يوميا
وفي يوم 26 يكون الاغتسال بقشر رمان مقدار ثلاث م مع ك وربع ماء يغلى لخمس د قائق ويغسل به يوم ورى يوم
وعمل تمارين كيجل من الاسبوع الثالث
هذا نظام النفاس حاولت ابسطه قد ماأقدر واتمنى يفيدني ويفيد كل من ترغب تمشي عليه والقى النتايج اللي ترضيني
اختي قشر قهوه اتمنى رأيك بالنظام وان كان يحتاج تعديل او لا :26:
واخير دعواتكم اخواتي يتيسير ولادتي
والله يرزق كل من يتمنى الذريه الصالحه
واللي يعجبها الموضوع ترفعه لو بدعوه ومشكوووووووووووووووووووووورات :26::26::26:
حياتي منوووووري @hyaty_mnooooory
محررة برونزية
يلزم عليك تسجيل الدخول أولًا لكتابة تعليق.
ام آية
•
الله يسر امرنا جميع ان شاء الله اني اقدر انتظم فية
ام آية :
الله يسر امرنا جميع ان شاء الله اني اقدر انتظم فيةالله يسر امرنا جميع ان شاء الله اني اقدر انتظم فية
اهلين عزيزتي ان شاء الله تقدري تلتزمي فيه التعب وقت ماتجهزيها بس وبعدها كل شي جاهز اهم شي تخف المويات والبلاوي
ماشاء الله حلو ..بس شلون بعد الافطار كباسيل حلبه وماش ممكن توضحين اكثر ..الله يهون علي وعليج وعلى كل حامل ..
الصفحة الأخيرة