عيون سعد :

أم الثلاثة: وينك ، وش فيك تغطسين ثم تطلعين ،، طبقي عزيزتي التعليمات الهامة ،، لانها هي الاساس و نحاول انه نخليها دائمة في حياتنا... روعة: هلا حبيبتي ، وشلون بنتك ياقلبي عليها؟؟؟؟ معليش أهم حاجة نغير معاملتنا و لساننا معهم و الاشياء الثانية بس للتقرب منهم و محاولة شغل وقتهم أكبر قدر ممكن ... همسة: هلا بالديكور و أهل الديكور ،، منزله في منتداكم موضوع طلب مساعدة بس قليل اللي عطوني وجه وين الابداعات؟؟؟؟ عزيزتي عظم الله أجركم أن شاء الله ، و زي ما قلت من البداية أهم حاجة التقيد بالتعليمات الهامة أما الحاجات الثانية تكون في وقت الفراغ ... و يارب يهدي لنا عيالنا و يصلحهم... يوم الاربعاء و يوم الخميس كان عندنا طلعات ، و بصراحة عيالي يجننوني برى ما عاد يسمعون لي و لا كني أكلمهم ، و رجعت أعصب عليهم بس الحاجه الوحيدة اللي سويتها هي عاقبت ولدي لما رفع صوته علي بحرمانه من لعب السوني يومين ،، و لما ضرب أخته كملت له أسبوع كامل ، أخته أكثر مواظبة على الصلاة ،، بس لما يطلعون برى البيت حاجة ثانية زي ما لت لكم الا اذا مسكت كل واحد على جنب و حذرته ، و بعد اليوم طلعنا منتزه و كانو يجننون أبوهم بس يبغون يلعبون ، فقلت لابوهم خلا الفلوس معي و ما عليك منهم ، و لت لهم ترى ما راح تلعبون الا ثلاث لعب يعني لا تقعدون تصيحون ، و انا راح أعطيكم اياها شوي شوي ، و الحمدلله صارو منظمين و أبوهم زاد لهم 3 لعب لكل واحد و أنبسطو أكثر ،، و عدا اليوم على خير بدون مشاكل و صراخ الا من بعض الخطفات ( وش أسوي زوجي دقيق جدا ،، و ما يبغىهم يسوون أي حاجة غلط ، يعاملهم ككبار الله يهديه ) بس رصيت عليه في هالطلعة خاصة انه معنا خواته ..... الله يهدي عيالنا و يسخرهم لنا ،، في الحياة الاسرية ندعي الله يسخر لنا أزواجنا و هنا عيالنا ،، الله يعيننا أحنا بعد و يعطينا الحلم و الصبر ، بس المهون علينا انه كله بأجره....

أم الثلاثة: وينك ، وش فيك تغطسين ثم تطلعين ،، طبقي عزيزتي التعليمات الهامة ،، لانها هي الاساس و...