مرحبا:

كيفكم و كيف عيالكم ؟؟؟؟؟؟

معليش بنات أمس ما تواصلت معكم ،، ماأدري وش فيه الاتصال كل ما بغيت أرسل حاجه يقطع في النص ، عقدني و الله و أخرتها سكرت الكمبيوتر و خليته...

المهم: بالنسبة للي أقترحوا زيادة النشاطات ،، الافكار اللي حطيتها مجرد أقتراحات و تقدرين انك تغييرين فيها أو تزيدين عليها على حسب عيالك و معرفتك بهم بس أهم حاجه تتقيدين بالتعليمات العامة و تقسيم خطة الاسبوع توزعينه على حسب اللي يناسبك بس تتقيدين بالتقسيم ....

و اللي عندها أقتراحات ياليت ترسلها لي على الخاص علشان أرتبها على الاسابيع الجاية...

روعة عزيزتي: كيف بنتك أن شاء الله بخير ما تشوف شر يارب ، و مشكورة على الافكار اللي أرسلتيها على الخاص مرة روووعة و حلوة خاصة للصغار ....

ألحين بقولكم وش سويت:

السبت:

ـ صحيت العيال و أكلتهم ، و حطيت لهم كل اللي يبغون من الاكل يعني خليت لهم مجال الاختيار ...
ـ أدخلت بعض الكلمات الحلوة في كلامي معهم مثل: حبيبي ، ولدي حبيبي ، بنيتي الحلوة ، يالله ماما ...... و الله أنبسطو مرةة و خاصة ولدي صار يقول سمي ياماما ( وشلون تركب ) بس عجبتني و بعد أن شاء الله اذا طلبت منه حاجه.....
ـ عصبت مرةةة وحده بس عليهم و كنت توني قايمه من النوم و لقيت انهم يأكلون ثلج ، بس أبوهم تدارك الموقف و صار يكلمهم بشوي شوي و أنتبهت لنفسي و كتمت غضبي....
ـ ولدي دايما يلعب بعباية أخته ودايما أهاوشه بس ما ينفع ، و أمس جالس يلعب بها فقلت له ماما لو سمحت تعلق عباية أختك ،، طالعني مستغرب و قال: أن شاء الله ماما .. و راح علقها و ما عاد شفته يلعب بها...

ـ طلعنا بنلعب في السور كورة بس لقينا كورتنا منفشة ، فسويت لهم مسابقات ،، مسابقة بالعيون يمين يسار فوق تحت و بسرعة ،، ثم كانت الالعاب مرميه على الارض و بعد أشرطة الفيديو مهوب مرتبة ، و عجزت و انا أقول رتبوها بس طيب طيب و لاأحد يسوي حاجه ،، فناديتهم و قلت لهم: عندكم أشرطة الفيديو و الالعاب مهوب مرتبة كل واحد ألحين يروح يرتب حاجة ، و بنشوف من اللي يرتب ،، على طول ركض و كل واحد رتب حاجه... بعدين قام أبوهم و جلسنا نسولف مع بعض و كل واحد يقول نكتة أو لغز و أنبسطنا و ضحكنا كثير في هاليوم...

ـ ولدي راح مع أبوه يشترون أغراض للبيت و انا جلست و بنتي نجهز العشاء ، و لما رجعوا حطينا العشاء و تعشينا سواء و ماشاء الله أكلوا زين ثم غسلت الصحون انا و بنتي و خليتهم يتفرجون على التلفزيون مع أبوهم ثم جلست بنتي على الكمبيوتر تكتب و الساعة 2 كل واحد دخل الحمام و فرش أسنانه وعلى الفراش ،، كل واحد قرأ قصة ثم قال الاذكار و نام...و ماشاء الله ما عذبوني في نومهم....

في هاليوم أكتشفت ان الكلمة الحلوة تأثر حتى على الطفل ، و بعد الحنان و البوس لاحظت كذا على عيالي ، لما بست ولدي صار كل شوي يجي ماما حبيني ،، ( يحليله محروم من البوس ) ...

الاحد:

التزمت بالتعليمات الهامة ، يعني من حنان و عدم العصبية ، وولدي عصب علينا بس ما خانقته خليته الى ان خلص كلامه ثم كلمته بشوي شوي ، و لما شفت انه ما يبغى يسمع تركته و راحت أشتغل في المطبخ ( العادة اجلس أهاوشه و يعصب و عصب و يمكن أضربه ) بس المرة هذا مسكت نفسي ( و الله صعب ) شوي الا هو داخل علي ويقول: انتي تخليني أعصب ( رجل ماشاء الله عليه ، حالم اني حرمته ) ، قلت: خلاص عرفت انه اذا عصبت ماراح يتغير شيء بالعكس يمكن يزيد ، فقال: خلاص بصير عاقل ( أسمعها في اليوم مية مرة ) و جلس يعاوني الى ان طلع أبوه فراح يقلب راسه ، و حطيت الغداء و تغدينا و بعدين توى كل واحد ما أخذ له حمام وو لدي جالس يلعب سوني و بنتي تتمنظر عند المراية ( تتزين على قولتها ) و انا قاعدة أكتب لكم و بس....

بالنسبة للي ما تقدر تطبيق حاجة من خطة الاسبوع ،، تحاول انها تطبق التعليمات أهم حاجه لانها لوحدها تكفي ....

و سلامتكم.....

عيون سعد الله يهنيك ويسعدك مع زوجك وعيالك >> باين ان الجدول مخلي يومك كله غير

اما بالنسبة لي انا

يوم السبت : كنت متحمسة اني اسوي الجدول الا ان الظروف ما ساعدتني بس كنت متضايقة لاني ما قدرت اسوي الا تمنيت اني اسويه مع اني كنت انتظر بداية البرنامج على احر من الجمر

يوم الاحد : مثل الشيئ كان متعب وخصوصا لاني ليلة الاحد ما قدرت انام من بنتي لكن قلت
لازم احاول ابدا الجدول وابدأ التطبيق حتى لو 1/2 ساعة ........ ضغطت على نفسي وفي الليل
بعد العشا جبت اوراق وألوان وقلت اولادي يالله تعالوا نلعب ونلون .... محد عبرني :(

بعدين قمت العب مع ابوهم وتحمسوا وجوا حتى يلعبوا لكن بنتي الكبيرة الا عمرها خمس سنوات عجبهم الرسم لكن اخوها الا اصغر وعمره 4 سنوات ما رضى يرسم لانه يقول ما يعرف
ومستحيل يسوي شي هو في نظره انه ما يعرفه

رسمنا ولعبنا الرسم في الظلام >>> ضحكنا وانبسطنا لكن بصراحة اني وزوجي الا عجبنا الموضوع اكثر من عيالنا لدرجة انهم قاموا واحنا وصلنا اللعب والرسم واحنا نضحك

ان شاء الله اليوم يكون احسن من امس ....

مشكورة عيون سعد مرة ثانية وثالثة واكيد رابعة :)

تسلمين حبيبتي روعة على تفاعلك ومتابعتك...

اليوم الاثنين: عصبت كثير على أولادي ،،بس رجعت و سوينا الغداء انا و بنتي و حطينا السفرة أطباق منوعة و زينها ، بس رفع ضغطي أبوهم نام و خلانا ،، بس جلست أتغدى ان و عيالي و عجبتهم السفرة مرةةة ثم جلسنا نتكلم عن الصلاة و أهميتها و انه لازم يبدون يلتزمون بالصلاة من دون ما أقولهم ،، وأتفقت ان وهم ان كل واحد يصلي فرض بأعطيه ريال و يجمعونها ، اصلا هالفكرة علشان أبغى ولدي يصلي في المسجد خصوصا انه قريب بس هو يخاف يروح مادري ليه ، بس كنت حازمة شوي معه و قلت من بكره بتصلي في المسجد و بعطيك عن كل صلاة في المسجد ريال ، أدعولي انه الله يهديه....

و سلامتكم....

السلام عليكم ورحمة الله وبركاته ..

برنامجي..

يوم السبت لعبنا بالكرة وانبسطنا كتير وتحولت اللعبة بعدها الى قتال مع الأعداء والحمد لله كان حلو كتير..

يوم الأحد كنا مسافرين من الصياح للمساء فما قمت بشيء..

يوم الاثنين لعب مشكل لعبنا شوي سيارات شوي رسم ..

يوم الثلاثاء خرجنا على الحديقة ولعبنا هناك بالرمل ولعبة النحلة اللي بتلحق وبتقرص والحمد لله كان حلو..

الحمد لله ماشية على النصائح

وان شاء الله متابعين معلك

بارك الله فيك

تسلمين عزيزتي بشائر الفجر ومن أحسن الى أحسن...

يوم الثلاثاء: ما طلعنا اليوم لانه زوجي كان تعبان ، و عندنا طلعة بكرة فعكست ، اليوم تكلمنا كثير ، و تلاحظون صايره أتكلم كثير مع عيالي لانهم يحبون هالشيء و ما كنت أقعد معهم كثير ، و تكلمنا عن مواضييع مختلفة و نرجع للصلاة ، و حطيت لكل واحد حصاله و أخذت المفتاح معي و حصلت بنتي 5 ريال لانها صلت الفروض كلها ، وولدي حصل على أربع ريال لانه صلى العصر غلط وما رضى يعيدها فحذفت الريال حقها و أن شاء الله يبقوا على حماسهم و الله يوفق الجميع ،، و بعد صلحت أنا و بنتي كيكة و خليتها تساعدني في تصليح الغداء و هي مبسوطة كثير و أحس انها صارت مرنة أكثر من قبل ، بس الولد هو اللي مجنني يعصبني أكثر من مرة الله يهديه ،، و ما نسيتكم في الصلاة أذا دعيت لعيالي أدعي لعيالكم بعد الله يهدي الجميع ....