ياعيون سعد الله يسعد ايامك يارب
الحقيقه انا متأسفه منك ومن الأخوات وخجلانه منكم مررررره
حضرتي اشتريت كل الأغراض بس للأسف جدت في الأمور أمور اتصلت حماتي من الرياض وقالت انهم جايين نهاية الأسبوع الجاي
فانشغلنا في تجهيز شقتهم وكل يوم طلعات نشتري اثاث ولمن ارجع ارجع وحيلي مهدود
وماعندي الا فترة الصباح اكون فيها فاضيه ومروقه بس اولادي نايمين حكيت قصة حياتي بس عشان تعذروني
وكل اللي طبقته من البرنامج هو استبدال الكلمات العفشه بكلمات حلوه ورقيقه وتذوب خخخخخخ
وما شاء الله حاسه تغير ملحوظ على اولادي وبدأ يستجيبوا ويحاولو يساعدوا في البيت
وكل ما لقيت فرصه اقعد اتكلم معاهم في مواضيع مختلفه وهذي النقطه مهمه تخليك تتقربي من اولادك اكثر واكثر
سلاااااام ياقمر والسموحه .

انا ما سويت شي غير لان هذا الاسبوع بنتي الصغيرة مريضة ودائما اسهر معاها في الليل

واصحى من الفجر ... يعني طول اليوم دايخة وتعبانة

لدرجة اني من ارضعها احس روحي يغمى عليي >> لان هذا هي الفترة الا اجلس فيها وارتاح

لكني متابعة معاكم وان شاء الله اقدراتواصل بيوميات مع اولادي

السلام عليكم

ماشاء الله حلو

والله يابنات ما سويت شيء للبنات هالإسبوع

لآن كان عندنا عزاء ، وتعرفون كل يوم في العزاء إلى الساعة 10 بالليل

وكان عندي ضيوف بعد ................... فالبيت مليااااااااااااااان على الآخر

أم الثلاثة: وينك ، وش فيك تغطسين ثم تطلعين ،، طبقي عزيزتي التعليمات الهامة ،، لانها هي الاساس و نحاول انه نخليها دائمة في حياتنا...

روعة: هلا حبيبتي ، وشلون بنتك ياقلبي عليها؟؟؟؟ معليش أهم حاجة نغير معاملتنا و لساننا معهم و الاشياء الثانية بس للتقرب منهم و محاولة شغل وقتهم أكبر قدر ممكن ...

همسة: هلا بالديكور و أهل الديكور ،، منزله في منتداكم موضوع طلب مساعدة بس قليل اللي عطوني وجه وين الابداعات؟؟؟؟ عزيزتي عظم الله أجركم أن شاء الله ، و زي ما قلت من البداية أهم حاجة التقيد بالتعليمات الهامة أما الحاجات الثانية تكون في وقت الفراغ ...

و يارب يهدي لنا عيالنا و يصلحهم...

يوم الاربعاء و يوم الخميس كان عندنا طلعات ، و بصراحة عيالي يجننوني برى ما عاد يسمعون لي و لا كني أكلمهم ، و رجعت أعصب عليهم بس الحاجه الوحيدة اللي سويتها هي عاقبت ولدي لما رفع صوته علي بحرمانه من لعب السوني يومين ،، و لما ضرب أخته كملت له أسبوع كامل ، أخته أكثر مواظبة على الصلاة ،، بس لما يطلعون برى البيت حاجة ثانية زي ما لت لكم الا اذا مسكت كل واحد على جنب و حذرته ، و بعد اليوم طلعنا منتزه و كانو يجننون أبوهم بس يبغون يلعبون ، فقلت لابوهم خلا الفلوس معي و ما عليك منهم ، و لت لهم ترى ما راح تلعبون الا ثلاث لعب يعني لا تقعدون تصيحون ، و انا راح أعطيكم اياها شوي شوي ، و الحمدلله صارو منظمين و أبوهم زاد لهم 3 لعب لكل واحد و أنبسطو أكثر ،، و عدا اليوم على خير بدون مشاكل و صراخ الا من بعض الخطفات ( وش أسوي زوجي دقيق جدا ،، و ما يبغىهم يسوون أي حاجة غلط ، يعاملهم ككبار الله يهديه ) بس رصيت عليه في هالطلعة خاصة انه معنا خواته .....

الله يهدي عيالنا و يسخرهم لنا ،، في الحياة الاسرية ندعي الله يسخر لنا أزواجنا و هنا عيالنا ،، الله يعيننا أحنا بعد و يعطينا الحلم و الصبر ، بس المهون علينا انه كله بأجره....

السلام عليكم ورحمة الله وبركاته .
اختي الغالية
أين انت
نحن بانتظار الاسبوع الثاني على احر من الجمر

كمالة الأسبوع الاول.

بدل الكاتو ساوينا سلطة فواكه ابني هو قطعها كلها وفرح كتير ووزعها على أفراد الأسرة

يوم المفاجاة كمان نفذناه وكان حلو كتير ..

يو الخروج خرجنا بوحدنا لان أبونا مشغول بنقلة البيت ..
يوم الاستراحة
ماعندي استراحة دائما مشغولة ..

نحن في الانتظار لان البرنامج استفدنا منه كثيييرا بارك الله فيك وجزاك خير الجزاء